استفسار عن شراء فيات بولونيز

[hinrey_2]

بسم الله الرحمن الرحيم
اريد شراء سيارة جديدة وامامى سيارة فيات بولونيز ب14500 موديل 88 فبريكا دواخل ومحتاجة شغل فى العفشة وموتور 1600 cc متعمر جديد وبطارية جديدة ورايدتير نحاس بمروحتين علشان السخونة والصالون تعبان وعايز شغل.وهل تستطيع مثل هذه السيارة السفر لمسافة 150 كيلو والعودة

بصراحة العربية عاجبانى علشان المتانة بتعتها لانى هامشى فى وسط غابة من سواقين الميكروباص القديم (الرمسيس )وسواقين التكتك والتريسكلات وانا موظف على قدي مش حمل سمكرة العربية ورشها كل شهر من الخبطات بس انا خايف لتتعبنى علشان الموديل قديم و معايا ميزانية 20000 جنيه
فهل هذا السعر مناسب لها ؟ وهل قطع غيارها متوفرة ؟
و ارجوكم انصحونى ان كان يوجد بدائل فى الموديلات وكويسة من حيث المتانة والاداء ؟
ولكم جزيل الشكر مقدما .

[mr_astra]

لادا موديل 94 افضل بصراحة

[hinrey_2]

اشكر الاستاذ mr_astra علىى الرد ولكنى لم افهم لماذا لادا افضل

[mr_astra]

دة تقييم شخصى منى احتمال فية الخطا او الصواب
اقصد اقول دة مجرد راى لكنة مبنى على نظرة عامة على السيارتين
اللى يركب بولونيز ومش فارق معاة رفاهية والكلام دة
يبقى يركب لادا احدث فى الموديل وقطع غيار اكتر وارخص
وسهلة فى الصيانة واككسوارها موجود اكتر وبرخص التراب

[zing0]

كان فيه موديل من بولونيز قطع غيارة نادرة جداً و غاليه مش فاكر كان 88 و لا 92
بس واحد معرفه إشتراها و بعد مدفع فيها ييجى 22000 باعها و طبعاً بخسارة لأن قطع غيارها كان أحياناً بيضطر يسافر علشان يجيبها و للعلم هو شغال فى شركة النصر للسيارات
معرفش عربيته إللى كانت منحوسه و لا مواصفاتها خليجى أفريقى أوروبى مريخى و لا أيه حكايتها
بس أنا فاكر كان بيقولى موديل السنه دى هو إللى مختلف عن باقى البوبونيز !!!!!!!!!
و الله أعلم

أنا برضة مع رأى مستر أسترا
اللادا فى شركة الأمل لحد النهارده و شغالة من السبعينات
و فيها نفس مشاكل البولونيز بس مع توافر قطع الغيار و رخصها ( و غشها كمان)