|
#1
17-06-2013, 11:13 PM
|
||||
|
||||
طريقة فك وحدة التكييف بالكامل...بالتفاصيل والصور
قبل ما ابدا بشرح طريقة الفك لوحدة التكييف بالكامل (سخن وبارد وخلط وتوزيع هواء) لازم الاول تكون خلصت المراحل اللى قبلها اللى انا عاملها وهيا طريقة فك التابلوة بالكامل http://www.masrmotors.com/vb/showthread.php?t=111811 وبعدين طريقة فك لوحة التكييف ولوحة العدادات وبعدين طريقة فك قطمة الدركسيون ودى هعملها فى المنتدى قريب جدا ان شاء اللة وبعد كدة هنيجى لفك الوحدة بالكامل اللى هيا دى للى مش عارفها لانها بتبقى مستخبية تحت التابلوة  للعلم فقط ومن باب المتابعة ان دى كانت مرحلة من ضمن عدة مراحل عملتها بنفسى وبايدى لتفوير صالون العربية بالكامل من اجل عزلها بالارما فلكس عزل صوت وحرارة حتى وصلت لهذة المرحلة  نيجى بقة لطريقة الفك الاول هتفك اخر وصلتين كهرباء من الضفيرة لمروحة التكييف هنشتغل هنا  وبعدين نحرر الفيشتين دول  كدة يبقى الوحدة بالكامل مش ممسوكة غير ب 5 مسامير 10 وكلهم فى صدر العربية بس قبل ما نروح نفك لازم تبقى فاهم انك وصلت لنقطة الاعودة لاننا هنفضى شحن التكييف يعنى لازم تكمل للاخر ومش هيبقى فاضل عندك غير فك الدواسات بس ويبقى صدر العربية كلة فاضى اشتغل واعزل بقى براحتك نفتح الكبوت وهنشتغل فى المنطقة دى  وهنبدأ الفك  وبعدين هنروح الناحية التانية بس هنرفع العربية على الكوريك عشان هنشتغل من تحت هنشتغل هنا بس من تحت   كدة يبقى مش فاضل غير المسمار اللى فوق بس خلى بالك لازم يكون حد معاك جوة العربية عشان يمسك الوحدة لان المسمار اللى انت هتفكة هو اخر مسمار ماسكها نروح على المسمار الاخير مقاس 10 برضو وهو ورا الماستر بتاع الفرامل ونفكة  وكدة الوحدة مفيش اى حاجة ماسكاها وهتلاقيها نزلت بالشكل دة   بس فية تنبية بسيط انا كنت فكيت علبة التلاجة اللى تحت اللى احنا بنفكها عشان ننظف السربنتينة بتاعة التلاجة ظننا منى ان دة بيساعد فى فك الوحدة بالكامل بس اكتشفت ان دة ملوش لازمة لانك بعد ما تفك الوحدة كلها بتطلع فى ايدك حتة واحدة ودة كان الشكل النهائى بعد الفك  ودى صور للوحدة كاملة بعد الفك وهيا قدام المحل عندى الصور من كل الاتجاهات      وفى النهاية ارجو ان يكون الموضوع مفيد للاعضاء واى استفسار انا حاضر
__________________
صفحتى على الفيس https://www.facebook.com/profile.php?id=1000015256 47162 
|
|
#2
18-06-2013, 12:12 AM
|
||||
|
||||
|
رد: طريقة فك وحدة التكييف بالكامل...بالتفاصيل والصور
تسلم ايدك يا مصطفى موضوع ممتاز
|
|
#3
18-06-2013, 12:36 AM
|
||||
|
||||
|
رد: طريقة فك وحدة التكييف بالكامل...بالتفاصيل والصور
موضوع رائع ومجهود متميز
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
|
#4
18-06-2013, 11:45 AM
|
||||
|
||||
رد: طريقة فك وحدة التكييف بالكامل...بالتفاصيل والصور
شكرا لمرورك الكريم يا ابو نورا
__________________
صفحتى على الفيس https://www.facebook.com/profile.php?id=1000015256 47162
|
|
#5
18-06-2013, 12:12 PM
|
||||
|
||||
رد: طريقة فك وحدة التكييف بالكامل...بالتفاصيل والصور
موضوع رائع يا كومندا تسلم إيدك موفق بإذن الله
|
 |
| أدوات الموضوع | |
|
|
و أصبحت 
