مشكلتي مع نيسان صني 2013 الشكل القديم برجاء المساعدة

[mo5tar50]

السلام عليكم و رحمه الله و بركاته,
للأسف الشديد انا حجزت نيسان صنى 2013 الشكل القديم شهر 12 اللى فات يعنى من 4 شهور
و كانت ساعتها ب 93 الف و التسليم قالى بعد شهرين
و الشهرين خلصوا و العربية بقت ب 95 الف و قالى استنى شهر كمان
و الشهر خلص و العربية بقت ب 97 الف و دلوقتى بيقولى معرفش هتستلم امتى عشان في ضغط عالمصنع على الشكل الجديد !!!
و انا اصلا لما حجزت الشكل القديم كان عشان السعر اقل و التسليم اسرع
اتصلت بالتوكيل كتير و اشتكيت و محدش معبرنا يا تري ايه الحل دلوقتى ؟؟؟
انا كنت بسمع عن توكيل نيسان انهم ناس محترمة في التعامل بس الواقع طلع غير كده خالص
انا بعت عربيتي الفيرنا و بقالى شهرين متبهدل من غير عربية
فعلا بندم اني مشترتهاش من اي معرض برا من 3 شهور كان سعرها 97 ؟؟؟
أرجوووووكم تساعدووووووني عشان انا قربت اكره نفسي و اكره اليوم اللى قررت اشترى فيه نيسان

[jojojojojo]

للاسف الموزعين بيسيئوا فعلا للنيسان بتصرفاتهم ديه وحصل معايا نفس الحوار اللي حصل مع حضرتك مع السبع فرع المنصوره في 2011 وكانت العربيه 92 وقعد يقلي في ضغط وبتاع واستني شهر وبعد الشهر اقلي العربيه بقت ب94 الف قلتله طيب موجوده اقلي استني كمان اسبوعين تلاته استنينت وكل مروحله الاقيه بيسلم لعملاء عربيات بس 95 الف اقلي لو عاوز تستلم هتبقي 95 واللون الاسود اقلتله لا شكرا لو ببلاش مش هستلم وخد المقدم مع العلم ان كنت دافع 10000 مقدم وكان فيه معايا حوالي اتنين كمان نفس الحوار وخدوا فلوسهم معايا وواحد كان هيمسك في مدير الفرع اللي اسمه محمد السبع وع فكره الاسعار اللي بقلك عليها ديه من سنتين 2011 اقبل اصلا الشكل الجديد ينزل وروحت المصريه للسيارات وحجزت وبعدها بشهر سلملي العربيه واللون اللي انا عايزه وبسعرها الرسمي الحمد لله فحضرتك انصحك تروح لاوتو ايجيبت او للمصريه للسيارات ومتدفعش اوفر برايس عشان الموزع اللي حضرتك حاجز عنده بينيمك ومش هيسلمك دلوقتي خالص والعربيه علي فكره هتغلي تاني قريب فحاول تشوف اي موزع عنده العربيه وربنا يوفقك وتلاقيها وتستلم

[Mohamed Nabeeh]

الوكلاء بيشوهوا السمعه الكويسه بتاعت الوكيل