|
|||||||
| BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
 |
|
|
أدوات الموضوع |
|
|||||||
| BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
|
|
أدوات الموضوع |
|
#1
28-02-2013, 02:51 AM
|
|||
|
|||
بى واى دى ,, جننتنى
السلام عليكم يا أحلى شباب فى المنتدى
اولا , بشكر كل المشرفين القائمين على الموقع والاعضاء المحترمين على كل نصيحه وفعلا افدتونى كثير .... دلوقتى بقه انا شغلى بيتطلب سفر يوميا فى حدود 200 كيلو وللاسف هايفضل شغلى دا لمده لا تقل عن سنه عايز اعرف رأيكم اجيب البى واى دى ولا لأ خاصه بعد ارتفاع اسعارها بصراحه كنت ناوى اشتريها قسط خلاص لما كانت ب 72 ألف لكن بعد الزياده الاخيره تراجعت بصراحه فمش عارف اتكل على الله واجيب البى واى دى ولا أصبر ولا أشوف عربيه تانيه تستحملنى فى السفر البى واى دى فعلا عربيه تستاهل ولا لأ ؟؟ انا من محافظه الدقهلية وللاسف العربيه مش مشهوره هنا هيا مشهوره فقط فى القاهره واغلبيتها تاكسى انا منتظر اجااااااااااااااااااااااا اااااابتكم 
|
|
#2
28-02-2013, 10:19 AM
|
|||
|
|||
|
رد: بى واى دى ,, جننتنى
العربية طبعا تستحمل الان موتورها ميتسوبيشي لكن يتطلب عليك المحافظة علي الصيانة الدورية في مواعيدها
|
|
#3
28-02-2013, 11:14 AM
|
||||
|
||||
|
رد: بى واى دى ,, جننتنى
اولا : بالنسبة لارتفاع الاسعار *** هى زادت على كل الموديلات يعنى اللى ها تدفعة زيادة فى البى واى دى ... ها تدفعة فى اى موديل تانى *
ثانيا : ما تقلقش العربية ممتازة وقطع غيارها متوفرة جدا دلوقتى ... وكمان رخيصة * وماتنساش موضوع قطع الغيار البديلة ... وخاصتا انها يابانى ومش غالية زى الالمانى والفرنساوى ... لينا صديق هنا فى القسم عندة العربية وشغلة فى شرم الشيخ ... وكمان عاملها غاز ... اتوكل على الله ومش ها تندم
__________________
 
|
|
#4
28-02-2013, 03:09 PM
|
|||
|
|||
|
رد: بى واى دى ,, جننتنى
هات فيرنا افضل مضمونه واي حد بيشتغل فيها وهتستحمل والدليل علي كده انتشارها تكسيات في المنصوره واكتر من كده ان سوقها ممتاز لو فكرت تبيع بعد فتره وتغير والاهم تعمل صلاه استخاره وع فكره انا برضه من المنصوره وتشرفنا جدا
|
|
#5
28-02-2013, 03:20 PM
|
||||
|
||||
|
رد: بى واى دى ,, جننتنى
سيادتك بتقول ان العربية مش منتشرة عندكم في المنصورة
و بالتالي قطع الغيار هتبقي شحيحة و كمان مش هتلاقي حد يفهم فيها و لو حبيت تبيعها مش هتلاقي زبون بسهولة الا لو نزلت بيها القاهرة ززز يعني وجع دماغ من كله كمان حضرتك بتقول انك بتحتاج سفر كل يوم 200 كيلو الموتور ممكن يسد معاك بس العربية مش موتور بس ،، و انا اسمع ان الصيني في معظمه عفشته رديئه و مش للعمل الشاق اما رأي الزملاء بوجود قطع غيار بديلة ياباني (تويوتا) فانا لا انصح ان اركب صيني و اصرف مصاريف التويوتا ،،، و كمان مش مستوعب ان اكون شاري عربية زيرو و اشتري قطع غيار مستعمله برضه القرار صعب و يرجع اليك 100 % بس لو تحب النصيحة هات عربية منتشرة عندكم و الهيونداي او اللانوس ممتازين و اعتقد انسب لحضرتك
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
|
| أدوات الموضوع | |
|
|
