عندى مشكلة فى تشغيل المحرك واستهلاك البنزين-كورسا 95

[محمد عماد الدين]

السلام عليكم .. دى اول مشاركة ليا.. انا اشتريت كورسا 95 1200 سى سى موتور GM من شهرين وبقالها فترة مش مظبوطة معايا ساعات بتعصلج انها تدور وساعتها ممكن تدور والموتور يشتغل ثوانى وبعدين يهدى لحد ما يطفى وساعات يدور عادى لكن استهلاكها للبنزين غير طبيعى ابدا ممكن اللتر يعمل 4 او 5 كيلو ولو دورت وطفيت الكونتكت وكررت الموضوع اكتر من مرة بلاقى مؤشر البنزين بينزل واحس ان العربية شرقت مع العلم ان احيانا وانا سايق لمبة ال engine management بتنور شوية وتطفى
تفتكروا ممكن يكون ايه السبب ان شاكك انها ممكن تكون العوامة او ابرة الكاربيراتير او جايز حساس الكرنك ..ارجو الافادة من اصحاب الخبرة

[himalow]

السلام عليكم انا معايا نفس عربيتك اولا الموديل 1200 مفهوش حساس كرانك
ثانيا لو العربيه بتبطل لوحدها واللمبه دى بتنور يبقى حضرتك عندك الاسبراتير بايظ ولو انت من الاسكندريه انا ممكن افيدك اكتر
استهلاك البنزين فى حساس على البنزين وده رخيص على فكرة ثمنه حوالى 100 جنيه جديد

[محمد عماد الدين]

شكرا يا باشا على اهتمامك..هى اللمبة دى بتنور ساعات وانا ماشى وبتطفى لوحدها وساعات ماتطفيش لآخر المشوار . الحقيقة انا رشيت الحساسات والوصلات بتاعتها باسبرى تنضيف والموضوع اتحسن كتير عن الاول ..بس هو انا ينفع اغير حساس البنزين او الهوا بنفسى ولا صعب؟وانا من الشرقية وما فيش فى المنطقة غير ميكانيكى واحد متخصص اوبل ومش عاجبنى شغله

[himalow]

المشاركة الأصلية كتبت بواسطة محمد عماد الدين شكرا يا باشا على اهتمامك..هى اللمبة دى بتنور ساعات وانا ماشى وبتطفى لوحدها وساعات ماتطفيش لآخر المشوار . الحقيقة انا رشيت الحساسات والوصلات بتاعتها باسبرى تنضيف والموضوع اتحسن كتير عن الاول ..بس هو انا ينفع اغير حساس البنزين او الهوا بنفسى ولا صعب؟وانا من الشرقية وما فيش فى المنطقة غير ميكانيكى واحد متخصص اوبل ومش عاجبنى شغله

بصراحه مجربتش اغيرهم بنفسى

[aymanabdelwhab]

المشاركة الأصلية كتبت بواسطة himalow السلام عليكم انا معايا نفس عربيتك اولا الموديل 1200 مفهوش حساس كرانك ثانيا لو العربيه بتبطل لوحدها واللمبه دى بتنور يبقى حضرتك عندك الاسبراتير بايظ ولو انت من الاسكندريه انا ممكن افيدك اكتر استهلاك البنزين فى حساس على البنزين وده رخيص على فكرة ثمنه حوالى 100 جنيه جديد

لو سمحت انا كنت دايخ علي حساس البنزين ده اللي حضرتك بتقول جديد ب 100 .. هو فعلا جديد ولا استيراد ... اصل جربت الاستيراد وطلع مقلب وبرده الاستهلاك لسه عالي ....