معايا اونو97 وفى عربيه ابيزا 94 معروضه امامى للاستبدال

[هانى سالم]

السلام عليكم ارجو افادتى فى هذا الموضوع انا معايا اونو97 وفى عربيه ابيزا 94 معروضه امامى للاستبدال هل فى فرق فى السعر بين الاثنان هى كويسه وموتورها 1300cc والاونو 1000cc واخبار قطع غيارها ايه من حيث السعر ومتوفره ولا لأ ىا ريت تفيدونى فى هذا الموضوع وشكرا

[misoalex]

خليك فى الاونو لو حالتها كويسه ومريحاك لان الابيزا كويسه برضه بس قطع غيارها اغلى ومش اى حد بيشتغل فيها من الصنايعيه وغير اللى بيعكو فيها لانها مبنيه على البولو والجولف اللى هى المانى زى ما انت عارف وكل قطع غيار ومواتير الجولف بتركب فيها
فحتتعامل معامله انك راكب المانى يا معلم فى المصنعيه وقطع الغيار

لكن الاونو كأنك راكب 128 قطع غيار رخيصه جدااااااااااا واى صبى نايعى بيشتغل فيها فى الشارع مش محتاجه حد متخصص
ده غير حاجه مهمه ان صاج الابيزا خفييييييف جدا وبشهاده كل اللى ركبوها او اشتغلو فيها لكن الفيات عموما صاجها محمل وبيستحمل بارومه وخبطات وخلافه
انا شوفت ابيزا الفخده بتاعتها والشاسيه فيه شروخ

الميزه فى الابيزا بقى انها بتجرى جرى غبى لان مواتيرها المانى وعفشتها وثباتها احلى من الاونو
وشكل الصالون والتابلوه تحس انه افضل من الاونو برضه

ارجو اكون افادتك

[misoalex]

انت لو عاوز الاونو تجرى ممكن تسقط فيها مواتير زى الابيزا برضه والشاسيه بتاعها بيستحمل لان فيه منها اونو تيربو بتنزل بره وناس كتير بتاخد موتور الاونو التيربو ده تركبه فى عربيات تانيه كتييييييييييير

[Om Omar]

الأونو حلوة
حضرتك عايز أوسع؟