ارشيف الاستراحة 2010

[احمد بدر1978]

المشاركة الأصلية كتبت بواسطة sad-bird الرابعة اتعرفت عليها بعد التالته بفترة قصيرة كانت معايا في الدبلوم وعرفت ظروفي كلها وكانت موافقة بشطة وامها عرفت وامي عرفت لكن وقفنا على ظروف الشغل لاني مكنتش ثابت في حاجة وبعدين كل شوية يجيلي شغل والمشكلة كانت الجيش لازم انهاء الخدمة او معفي وانا كنت لسه خلصت الدبلومة وعملت اختبارات الجيش وسمعت اقاويل كتير واشاعات كتيييييييييييييييييير عن ان دفعتي مش هتدخل لغايه والله ليلة امتحان كان عندي قلت خلاص بقى انا ايه هخلص امتحان واروح اخطبها والشغل هيبقى زي الرز والفلوس هتجري معايا وروحت الامتحان وزمايلي جايي جري انتمجتش ليه على منطقة التدنيد يا جماعه المادة صعبة وانا قلت اركز وبعدين مش هيجرا حاجة لو روحت متأخر ( وانا بقول في سري مش هندخل ) لقيت واحد بيقلي على فكرة دفعتك داخله صعقت واذبهليت واتنحت ومعرفتش احل نص الامتحان وجبت فيها مقبول رغم اني كنت مذاكرها كويس جدا المهم نرجع للبنية قلتلها انتي شوفتي الوضع ايه قالت وماله لما تخلص خرجت من الجيش ولا اعرف عنها اي وسيلة اتصال رغم انها كانت بمعدل كل اسبوع او اتننين تتصل بوالدتي تسأل عني واخباري ايه لكن فجأة اختفت ومش عارف اتصل على بيتهم علشان ميحصلش مشكلة بينها وبين ابوها ( امها واخوها اللي كانو عارفين ) شهر التاني التالت واحد كان معانا في الدبلومة قابلته وقالي على فكرة انا كنت شوفتها مأنجشه في ايد واحد فتقريبا اتخخطبت او اتجوزت قلتله خيييييييييييييييييير الله يسهل لعبيده

ههههههههههههههههههههههه
معلش تعيش وتاكل غيرها

[احمد بدر1978]

المشاركة الأصلية كتبت بواسطة خالدخليفة شوفو اللى عقد (من التعقيد يعنى)مشروع الجواز الناس نفسها انا لما خطبت مراتى روحت لحمايا وكان فى جيبى جنيه رغم انى كنت لابس بدلة هيلد انجليزى تمنها الف جنيه عملتلها جمعية وجبتها طلباتك ياعم عبده (ابوها) مليش طلبات انت اللى هتجيب فى بيتك واللى هتعيش عليه هاته والقايمة راح جايب ورقة كراسة قديمة واداهالى وقال اكتب الى ناوى تجيبه كتبت تلاجة (عايزنى اكتب ماركتها ايه ) قال اكتب تلاجة وخلاص والغسالة قال غسالة وخلاص انت اللى هتستعمل مش انا وبعدين قال يابنى اللى انت عايز ه اكتبه لو انا كتبت عليك قايمة بمليون جنيه وانت كرهتها م انت هتقرفها لحد متتنازل لك او هتتصرف وترميهوملها وفى الحالتين هترميها وانا عايزك تحافظ عليها الناس بتبص للفلوس لكن انا بشترى راجل وانا سالت عليك قبل م اوافق عليك وطبعا جبت عفش اى كلام على اد فلوسى ومشتريتش سجاد خاالص ودخلت فى شقة فى حارة فى الزيتون وكانو جيران فى منتهى السوء لكن على اد فلوسى ومساحتها كانت 40 متر يعنى حاجة على اد ماقسم (بضم القاف) ولما ربنا اكرمنى غيرت كل ده هنا مربط الفرس الشاب طالما عاجبنا شخصيته ودينه واخلاقه وسالنا عليه وقالو( متدين /اهم حاجة )خلاص ايه المشكلة قال رسول الله(صلى الله عليه وسلم) خذوهم فقراء يغنيهم الله من فضله وقال ايضا ان جائكم من ترضون دينه وخلقه فزوجوه الا تفعلوا تكن فتنة فى الأرض وفساد كبير وقال ايضا اقلهن مهورا اكثرهن بركة صدقة رسول الله صلى الله عليه وسلم طب والله العظيم انا جبت لمراتى دبله دهب ليها هيا ب80 جنيه وبعد الجواز بشهر اتزنقت وبعتها ب60 جنيه ومزعلتش المواقف دى اول مايقابل الشاب من اهل زوجته لان دى هيا اول تعامل بينهم مع الحياة بتبقى فى مواقف تانية لكن ممكن تتغاضى عنها بسبب مواقف زى دى حصلت معاك فى الاول لكن اللى بيحصل ايه دلوقت ودى مناقشة سمعتها فى سفرية من سفرياتى بس اهو حظكو افتكرتها هنا الشاب لزميله انا اتقدمت لفلانة امبارح والله زميلتنا بتاعة قسم جيولوجيا(شكلهم كانو فى كلية العلوم) اه يااخى بس ابوها صدمنى ليه بعد الشربات والساقع طفحهوملى ازاى طلب 100 جرام دهب ادى 11 الف جنيه عيار 18 (وقتها الدهب عيار 18كان ب110 ) وايه كمان 30 الف جنيه مؤخر وبصراحة الجملتين دوول حرقو دمى وخصوصا انى بصيت لمنظره مشترى قميص غالبا ب7,5 من العتبة وبنطلون ب15 جنيه برضه من العتبة مش من محل طبعا لكن واضح انهم من العيال اللى واقفة فى الشارع عند مسرح الطفل كده اتغظت ده شكل واحد هيجيب ب11 الف جنيه دهب ويكتب 30 الف جنيه مؤخر وبشيك كمان (قال يعنى اتساهلو معاه) زميله/ يانهار اسود ولسه العفش والشقة قال متكلمناش فيهم وشكلهم مش هيرضو بايجار جديد وهتعمل ايه بفكر اخلع بعد خمس سنين حب مهو الحب ده هيذلنى وهيقطم وسطى طب هعمل ايه انا/ صحيح هيعمل ايه ده عايز له فى الجوازة مش اقل من 70 باكو وهو لابس قميص وبنطلون بتلاتة تعريفة يبقى اللى بيعقد الجواز الناس نفسهم مش بيدورو على الدين ولكن النواحى المادية اانا اعرف واحد اتجوز على عفش مستعمل وروحت معاه نشترى دولاب من ايام ستى الله يرحمها وبوتاجاز من اول م قالو يالا نعمل بوتاجاز النهاردة ماشاء الله ولاقوة الا بالله ممكن لو عرضت عليه يشترى منطقة الزيتون بمحطة المترو هيشتريها بس هو شاطر هيصطاد قطرين واقفين على المحطة علشان يشترى كويس ههههههه اقصد اصبح ثرى جداااااااااا نصيحة للاباء والامهات متعقدوش الشباب طالما هما على دين وكويسين ونصيحة للبنات والزوجات الشاب اللى عاجبك دينه واخلاقه قبل الحب طبعا ( لان مراية الحب عمياء مبتشوفش غير الوسامة والجينز والتى شيرت فقط )طالما ابن حلال بلاش مطالب من اصله وبلاش نغمة اختى جوها جاب لها كذا وكذا وانا لازم ابقى زيها الكلام ده لو جوزك ظروفه زى ظروف جوز اختك وشايفاه بخيل لكن ضغط على الراجل باستمرار هيكره نفسه وانا شفت مرة (مفيش فايدة يظهر هننقل موضوع ادب الرحلات هنا) سواق ميكروباس بيخبى الايراد فى العربية ايه ده ياعم اصل فى البيت مش فاهمين حاجة لو شافو معايا فلوس طابور طلبات هيطلع وانا عليا اقساط وديون وبلاوى سودة وبنراضى طوب الارض طول النهار ومصاريف عربية وشغلانة وهما مبيفهموش غير مطالبهم ونصيحة للشبا ب والرجالة البنات والستات المصريين طيبين وعلى نياتهم دايما عايزين كلام جميل حتى لو انت متضايق وفى نفس الوقت حاول تبقى نصاب شوية معاهم يعنى مش لازم دايما تقول رايك بصراحة وانا اول 7 سنين فى حياتى الزوجية كنت دايما لااقبل المناقشة وانا راجل البيت ومفيش حنفى وكانت الحياة رتيبة مملة والراجل دخلته فى البيت اعوذ بالله لكن واحد قال لى لازم تتعلب الدهلزة وشغل ال3 ورقات فى البيت وجربتها لقيتنى باخد كل اللى انا عايزة وبرضه مفيش حنفى ههههههههههههه اتعلمو النصب على ستاتكو بس مش على حد تانى

تسلم ايدك على النصائح الغالية دى
نفسى بقى اعرف انصب عليها ازاييييييييييييييييي؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟اي ه ياترى

[احمد بدر1978]

المشاركة الأصلية كتبت بواسطة sad-bird الرابعة كلاكيت تاني مرة بعد اختفائها وعدم ظهور اي اثر ليها اذ فجأتن التليفون بيرن ( مكنش لسه الموبايل انتشر ) وده تقريبا نص الحوار اللي دار بينا على ما اذكر الحاجة بترد ايوه مين معااي انا فلانه مش فاكراني يا طنط اهلا يا بنتي اخبارك ايه وفينك مبتسأليش ليه بقالك كتير متصلتيش معرفتكيش معلش بقى الظروف والجوابات بقى امال فين الدغف اللي عندك ( اللي هو انا طبعا ) اهلا اهلا ازيك ازيك اخبارك ايه الحمد لله فينك محدش بيشوفك ولا بتسأل مهو الحال من بعضه انا مستطردا ( حلوة مستطردا دي كأني جهبز اللغة العربية ) على فكرة مبروك سمعت انك تجوزتي يا راجل متقولش كده تف من ببقك ده ابن خالي وكمان مفروض عليا وانا معرفتش اخلع منهم في البيت بس لما شوفتك معاك كان واضح انك فرحانه يعني مش واحده مغصوبه ما انت عارف بقى لازم امثل اني فرحانه ( علشان تعرفوا انكم بتعرفوا تمثلوا كويس قوي ) طيب بعدين اصل الموضوع مش نفع معرفناش نتفاهم مع بعض وكل واحد راح لحاله طيب انا مطلوب مني ايه ايه القسوة دي انت بقيت قاسي كده ليه هما كانو بيعلموك القسوة في لاجيش والا ايه لا ابدا ولا قسوة وال حاجة طيب الموبايلات بقت كتير دلوقتي مش هتجيب واحد انا معايا واحد فعلا لما خلصت جيش جبته طيب رقمه كام كذا طيب هكلمك ونتقابل في الكلية ماشي سلام سلام في الكلية ازيك يا محمد وحشتني قوي فينك يا راجل وايه القسوة اللي بقت فيك دي اهلا اي خدمة ايه الردود الجافة دي انا مطلوب مني حاجة دلوقتي يا محمد انا نفسي نرجع سوا تاني ونت عارف اني حبيتك ........وشويةالكلام اللي بتضحكوا علينا بيه طيب نبقى نشوف الموضوع ده بعدين بس انا دلوقتي عاوز اركز في اللي انا فيه وبدون مبالغة في اليوم تتصل اكتر من 5 او 6 مرات وتفضل ترن بغباااااااااااء واصلا مفيش حاجة بيننا انتو شايفين انا برد ازاي وبعدين الوضع كان استقر معايا شوية بتصل بيها وهيا اصلا كانت بتكلمني يويما تقريبا اخبارك ايه الحمد لله واخبار العيلة الحمد لله ......................... .....لسه هقول كنت عاوز اجي اشرب الشاي مع والدك على فكرة انا اتخطبت امبارح وانت مينفعش تتصل بيا تاني علشان خطيبي ميضايقش طيب الف مبروك ( والحمد لله اني مكنتش قلت حاجة ) وقفلت السكة

اكتر حاجة تخنق بدون زعل ان الواحد يكون مركون على الرف لما تحب تبدل تنزلك ولو لقيت حاجة جديدة تطبقك وتحطك على الرف تانى

[احمد بدر1978]

المشاركة الأصلية كتبت بواسطة sad-bird الخامسة خطيبتي سابقا كنا في الدبلومة التانية وحصل موقف في المدرج ومحدش يضحك عليا عجبني ذكائها وقوة شخصيتها ( لان الدكتور كان سأل سؤال فيه ذكاء شوية مش في المنهج وقال اللي يجاوبه له 100 جنية و10 درجات العملي ) وهيا الوحيده من مدرج 1500 واحد مقاموش وجاوبت صح عبيط انا مش كده المهم عملت فيها قرد علشان اتعرف عليها واكلم فلان وفلانه علشان خاطر يكلموها ومفيش فايده المهم اتعرفت عليها وعرفتها وعرفتها كل ظروفي وقلتلها عاوز اتقدملك وكلمت البيت عندي وكانو موافقين واهلها كانو موافقين قلنا نخلص السنة وبعدين نشوف الموضوع خلصت السنة وكانت ظروف الشغل اتخبطت تاني معايا وكنت محتار بين اني اركز في الدراسة او اسافر واشوف حالي ولقيتها بتشجعني علشان اكمل وقلت خير وبعدين قدمنا الماجستير سواء وجاري البحث عن عمل جيد لغايه لما ربنا كرمن بشغل كويس تاني روحت رايح على طول بعد اول مرتب واخد اهلي وقلت الحق بقى قبل ما تحصل اللي فاتو وروحنا يا رجالة وبدأت المقالب الناس اتعرفوا تمام .... تمام تعالو زورونا في البيت علشان ترعفوانا وتعرفوا البيت وتسألو ( انا شقتي في نفس البيت مع والدي ) الناس جت وشافت البيت وعجبتهم الشقة واتفضلوا زورونا تاني روحنا تاني عاوزين الموكوسة دي للموكوس ده موافقين مبروك مبروك طلباتكم يا جماعه سيبكم من التفاهات دي كلها حاجات بسيطة معلش برضة علشان نكون متفقين وعلى نور خلاص الشبكة بتاعت العريس هديه بيجبها للعروسة زي ما يجيبها بقى دي مقامه وهو حر في نفسه ( حلو شغل التثبيت ده طيب ) ماشي الخشب 3 غرف وبما ان الشقة عندكم 4 يبقى خليوها 4 علشان لو حد زارهم والا حاجة يبقى فيه مكان لحد يبات فيه جري العرف ان حفلة الشبكة على اهل العروسة وحفلة الفرح على الموكوس .... اقصد العريس بوما اننا مش هنعمل حفلة للخطوبة فيبقى حفلة الفرح بالنص بينا وبينك ( لأني كنت عامل عقد وومسافر بعد الخطوبة بحوالي اسبوع ) ماشي واحنا نشيل التنجيد وانت هات السجاد والنجف والستاير طيب بما اني شارب الليلة دي انا هركب لمبات نيون وهيا نجفة واحده للصالونن والستاير عهادية مش عامل ولا براقع ولا بتاع ماشي المؤخر بقى 50 نعم مين فين بتهزر بتهرج لا زيها زي بنت خالها هيا مش اقل من بنت خالها لا مستحيل ومينفعش وبدأنا نخبط في الحلل كتير وقعدنا نفاصل ولا كأننا في العتبة والحاجة بقى اشتغلت حماة حماة يعني مش اي كلام المهم يمين شمال وصلنا 20 ( لان بصراحة البنت كنت تستاهل ) وبعدين لقيت فكرهم مش في القيمة فكرهم زي اي ناس خايفة من اي خلاف لا قدر الله بيقول انا كده بلوي دراعة علشان ما يفكرش في حاجة كده واال كده وانا كن تفكيري في حاجة تانية لاني لما توفي واحد قريبنا اكتشفت ان مؤخر الصداق ده دين عليه ولازم يسدد للزوجة قبل الدفن الا اذا عفت عنه او حد قال انه يسدده عنه وقرينا الفاتحة على كده وروحنا والتليوفنات اشتغلت انت اهبل انت عبيط وكل من هب ودب دخل فيا شمال ما انت قدامك بنات العيلة كلهم زي الفل اهم ايه اللي يخليك تروح تدبس التدبيسةالسودة دي ( على فكرة انا ضد زواج الاقارب بشدة لانه بيحصل فيها خلافات صعب انها تتداوي حتى مع الوقت ) والحاجة والحاجة الا لازم يفركشوا الموضوع ده المهم النفوس هديت شوية وهما تنازلوا شوية على المؤخر والامور هديت وكملنا سوا تقريبا 8 شهور وهوووووووووووووووووووووب كرسي في الكلوب .......... الشهادة لله انا كنت اول واحد يرمي الكرسي وبعدين لقيت كراسي كتير بتتحدف وتخبيط كتير في الحلل ولقيت كلام يدل على ان الفنوس مكنتش صافية ابدا لكن كان فيه كبت وخزين وكلاكيع الخ الخ الخ والكراسي في الكلوب كتير لما مبقاش فيه كلوب اصلا والحمد لله عدت على خير وعلى رأي ناس كتير قالولي خسارة قريبة ولا مكسب بعيد

موتى وسمى موضوع الفصال على اى حاجة تخص الزواج بس حقولك حاجة نصيبك لسة ماجاش

[احمد بدر1978]

[QUOTE=خالدخليفة;236085]

المشاركة الأصلية كتبت بواسطة sad-bird انا مستطردا ( حلوة مستطردا دي كأني جهبز اللغة العربية ) /QUOTE] بقى ياراجل تقول مستطردا باللغة العربية الفصحى وبعدين تغلط فى جهبذ جهبذ بالذال وليست بالزاى (اسمها كده ماسمهاش زين ) وأما الزين ده فهو الشىء الجميل الطيب الكويس يالبلدى

ههههههههههههههه
تقريبا واخد الدكتوراة من منازلهم