|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#41
19-02-2011, 11:50 PM
|
||||
|
||||
رد: انا من شباب التحرير
هو طبعا كل الكلام اللي حضرتك قولتوا ده انا سمعته قبل كد ومش مقتنع بيه خالص
والضباط اللي كانوا بعيد عن المتحف كلهم قالوا نفس الكلام للدفاع عما حدث ولكن الحقيقة غير ذلك تماما الجيش كنا نتمناه محايداّ ولكنه كان يعتقلنا نحن ويتركهم وهذا حدث امامي وكاد ان يحدث معي واحتجاز المراسلين الاجانب برده حياد معتقدش؟؟؟؟؟ وموضوع الانسحاب ده كان شئ قذر لان الاحداث محصلتش في ساعة ولا اتنين دي من ساعة دخول البلطجية لغاية اطلاق النار كان هناك 15 ساعة كان المفروض ان الجيش ميعملش زي الشرطة وينسحب المفروض انه كان يعزز قواته ويسيطر علي الموقف وخصوصا بعد ماتبين الموقف الغريب يا اخي انه مفكرش يضرب طلقتين فيشنك في الهواء علشان يفرق الجانبين مع انه يوم الاحد اللي قبل الاربعاء الدامي دخلت عربية للميدان الصبح وكان لازال الميدان مفتوح وكان في العربية احد افراد الشرطة ولما اكتشف الشباب الموضوع ده حاولوا الفتك به ولكن الجيش انقذه وضرب بدل الطلقة عشره في الهواء علشان يفرق الناس والغريب ان الموضوع ده حصل مرتين في نفس اليوم وبعد كده اتقفل الميدان والطيران الحربي يوم الاحد طلع ازاي علينا مش عارف برده ؟؟ علي العموم يجب علينا ان نوقن ان الضمانه لنجاح هذه الثورة بعد فضل الله تعالي هو الشعب المصري العظيم مش الجيش المصري اللي حتي هذه اللحظة بيعمل زي مبارك بالظبط عمال يتأخر في الخطوات مش عارف ليه !! علي العموم ربنا يستر 
|
|
#42
20-02-2011, 12:08 AM
|
||||
|
||||
رد: انا من شباب التحرير
و يجب في بعض الاحيان اننا نضع رؤوسنا في التراب و نتظاهر ان الجيش كان حيادي لانه الورقة الوحيدة زي ما قال ابونورا فمش عايزينها تبقى محروقة قوي مع اني من تحليلي الشخصي مش متفائل و الايام بيننا
|
|
#43
20-02-2011, 12:11 AM
|
||||
|
||||
|
رد: انا من شباب التحرير
حمدالله علي السلامه ويا بختك قدرت تشارك....
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#44
21-02-2011, 01:54 AM
|
||||
|
||||
|
رد: انا من شباب التحرير
انا هكمل معاكم يوم الاربعاء الدامي
واحب استعير معاكم مقولة حديثه لبلال فضل علشان موضوع الجيش اللي انا كنت طرحته المقولة بتقول "الشعب سيتعرض لخديعة كبرى لو أسقط شعار الشعب والجيش إيد واحدة" علي العموم نكمل الموضوع بعد دخول البلطجية بالاحصنة والجمل قام الشباب بأسر هؤلاء البلطجية والاحصنة والجمل وتم تسليم هذه الغنائم الي الجيش ولم يتم تسليم اي بلطجية للجيش بعد هؤلاء بسبب موقف الجيش والشباب عمل مكان للاسري وصورهم باعترافتهم وكان فيهم شرطة واعضاء حزب وطني والكثير من البلطجية المستأجرة وقام الشباب بتنظيم دفعاتهم لصد البلطجية وحاولنا جميعا مناشدة الجيش للتدخل والفصل بين الجانبين ولكن هذه المناشدات جاءت بشكل عكسي فقام الجيش باحتجاز المراسلين الاجانب وقام باعتقال مجموعة من الشباب وكانت هناك محاولة من احد العساكر وبمشاركة مخبريين سريين باعتقالي ولكني وقتها كنت احمل بعض الحجارة لتوجيهها الي البلطجية فقمت علي الفور بتوجيهها الي هذا العسكري الذي وجه لي بندقيته ولكن خاف علي نفسه من الحجر فابتعد وكانت لحظة بها العديد من الاحاسيس الداخلية الغريبة لحظة احساس بالخيانة ولحظة خوف ولحظة حسرة اشياء كثيرة واذكر بعض الشخصيات الكبيرة التي كانت بجوارنا وتوجهنا اليها علي الفور لشرح الموقف وطلب التدخل لدي الجيش لمنع الاعتقالات والافراج عن المعتقلين وكان اقرب الناس الينا هو الاستاذ الفاضل محمد عبد القدوس وكان معنا بالميدان ايضا وكان لهم دورعظيم اهمهم الدكتور صفوت حجازي اللي حمس الشباب وجمع كتير من اللي كانوا قاعدين او متخوفين من المشاركة ووصل بيه الامر انه حدف طوب بايده والنائب سعد عبود والنائب محمد البلتاجي والمستشار محمود الخضيري وجميلة اسماعيل والدكتور محمد عمارة والكثير من الشخصيات ولكن هؤلاء شاهدتهم وكانوا كثيري الحركة بالميدان وقريبين من نقطة المواجهات الرئيسية عند المتحف فضل اليوم كله عبارة عن صد البلطجية واخراجهم من الميدان في نقط كثير ولكن اكثرهم سخونة واللي كنت متواجد فيها هي عند المتحف لان كل النقاط كانت شوارع يسهل فيها المواجهة والسيطرة بما ان اعدادنا تفوق اعداد البلطجية بكتير لكن نقطة المتحف كانت نقطة بها ميدانين ميدان التحرير وميدان عبدالمنعم رياض لذا كانت صعبة السيطرة عليها كان عدد الاصابات كبير جدا جدا كلنا تقريبا اصيبنا مختلف الاصابات
|
|
#45
21-02-2011, 01:58 AM
|
||||
|
||||
|
رد: انا من شباب التحرير
كان في مشاهد كثيرة رائعة كان البنات بينقلوا المياة والطوب للصفوف الامامية دون خوف وبشجاعة تم عمل مستشفي ميداني سريع ومنظم عند المتحف ناس بتكسر البلاط وناس بتنقل البلاط المكسر للشباب في الصفوف الامامية شباب بيخطط ازاي يكسب ارض ويجيب من اين متاريس ويتعاونوا ازاي علي وضعها لحماية الميدان شباب استخدموا اليات القوات المسلحة المنسحبة من عربيات وغيره لجعلها متاريس لحماية الميدان كانوا بيزقوا العربيات العسكرية لجعلها متاريس شباب بيلبس كفن يكتب عليه اسمه ويدخل للدفاع عن الميدان وانا حصلي موقف غاية في الغرابة ولن انساه ما حييت مع كثرة الاصابات وخصوصا مع صعود البلطجية الي سطح احد العمارات وقذف المولتوف والطوب علينا بشكل مكثف قام احد الشباب كان يلبس خوذه اعطاها لي واعطاني ورقة وقال لي خذ دي لو متنا خلاص ولو عيشنا رجعلي الخوذة دي في العنوان ده وسابني وجري بيحاول يطلع يسيطر علي العمارة اللي فيها البلطجية وقدرهو ومجموعة تانية انهم يقلبوا الموقف ويسيطروا علي العمارة ويغيروا الموقف تماما وانا الحمد لله رجعت الخوذة لصاحبها وماكنش مكتوب فيها غير عنوانه بس وللاسف ماكنش موجود علشان اتعرف عليه فسيبتهالوا في البيت الموقف ده اثر فيا جدا واستعملت الخوذة دي بعد كده وكانت السبب في اصعب موقف اعيشه في الثورة بعد السيطرة علي العمارة الوضع هدأ تماما والبلطجية هربوا ورحت نمت والناس فضلت صاحية وبتحرس المداخل كلها كان الساعة 12.30 لما نمت والساعة اتنين سمعنا خبط وكله يصحي البلطجية رجعوا تاني رحت واخذ الخوذة وكان بي بعض الاصابات وقلت توكلنا علي الله لقيت اعداد البلطجية اقل ولكن مجهزة بالمولوتوف قعدوا يحدفو المولتوف ويتحصنوا ويقربوا مننا ويصيبوا تاني ناس مننا الموضوع ده خذ ساعتين في محاولة صدهم واخيرا مجموعة مننا قررت انها تعمل هجوم كاسح لمنعهم من الاقتراب وبما اني معايا الخوذة كان لازم اكون منهم فخرج تقريبا عشرين شاب في هجوم منظم وفعلا كان معانا ناس ملهاش حل عارفين الافلام الصيني والناس اللي بتطير في الهواء والله ناس طارت في الهواء وهدت حصونهم وخليناهم يجروا زي الفيران وبدأنا نطلب من الناس انها تطلع بالسواتر ونخلص الموضوع وفي اللحظة دي اصيبت بطوبه في رجلي من بلطجية من فوق الكوبري قعدت ولسه هاداوي جرح في رجلي لقيت بعض الشباب حاول يخلص الموضوع ويطلع للي فوق الكوبري من البلطجية وكانت لحظة هي الاسوء في حياتي ضرب نار فوق الكوبري وعلينا تحت الكوبري نار حي لم اتعرض له طوال ايام الثورة وبدأ سقوط اعز الشباب واغلي الشباب علي قلبي شباب زي الورد شباب قمة في الشجاعة اعداد لم استطع عدها ولا رفعها طلقات مباشرة في الراس والصدر موت مباشر لناس حبايبك قدامك والرصاص الحي حواليك من كل مكان والصراخ لطلب الاسعاف يعلوا بشكل هيستيري منظر بشع لا يمكن وصفه ولا استطيع ان افعل شيئا بقدم يداويها المسعفين مما بها من دماء لحظة انكسار لما تحدث معي طوال الايام لحظات لم اقم بشئ فيها سوي البكاء بعد هذه الاحداث طلع الفجر فجر اليوم وفجر الحرية بدماء هؤلاء الشهداء رحمهم الله وندعوا الله ان يلحقنا بهم علي الايمان كان الهتاف صباح هذا اليوم هو الشعب يريد اعدام السفاح والشعب يريد محاكمة السفاح كان هذا باختصار شديد ملخص ما حدث يوم الاربعاء الدامي اطول واصعب ايام الثورة وساكمل معكم ان شاء الله
|
|
| أدوات الموضوع | |
|
|
