|
|||||||
| مشاهدة نتائج الإستطلاع: انتخابات الرئاسه المصريه | |||
| ايمن نور |
   
|
2 | 1.71% |
| حمدين صباحى |
  
|
2 | 1.71% |
| جمال مبارك |
  
|
46 | 39.32% |
| عمرو موسى |
  
|
11 | 9.40% |
| عمر سليمان |
  
|
12 | 10.26% |
| عصام العريان |
  
|
5 | 4.27% |
| طلعت السادات |
|
2 | 1.71% |
| شخص اخر |
|
37 | 31.62% |
| المصوتون: 117. أنت لم تصوت في هذا الإستطلاع | |||
 |
|
|
أدوات الموضوع |
|
#4481
28-08-2010, 02:53 AM
|
||||
|
||||
رد: أنا عايز أعدد " للمتزوجين فقط "
الله .. الله أدى أخرة عدم أستخدام خاصية البحث فى المنتدى أدمجوا يا مشرفين  بس غريبة قوووووووى نتيجة التصويت وأنا متفاءل قوى وأقول 99.99 % 
__________________
    
|
|
#4482
28-08-2010, 02:56 AM
|
||||
|
||||
|
رد: عايزة اتجوز
الثالثه
كانت اخت واحدة زميلتنا وكانت اصغر مني بسنتين قلت كويس عقبال لما اشوف حالي وارتب اموري واتعرفنا واتكلمنا وكنت ايامها في اول دبلومة وهيا لسه في 3 كلية وروحت عندهم الكلية مرة ولان الكلية كلها عارفااني فناس كتير جت تسلم والخبر انتشر كالنار في الهشيم اني قاعد مع فلانه والموضوع فيه انٌ روحت البيت الاتصالات اشتغلت انت ش عارف ان كده عيب ازاي تدخل علي واحده وهيا مرتبطة ( مع العلم اني سألتها وقالت لأ علشان تعرفوا ان ملهمش امان ) دي مرتبطة بواحد زميلنا اعرفه بس هو كان في كليتها وهو قدي لكن حصل خلاف بينهم والموضوع كان معلق بس هيا كانت قالت انه انتهي وهو الموضوع معلق عنده وبما اني مش بحب اي مشاكل وكمان محبش اني اكون في موقف زي ده فقررت اني ابعد خصوصا ان العلاقة مكنتش تطورت كانت مجرد اعجاب وبعدها لقيتها ساقت طوب الارض عليا علشان اتكلم معاها تاني وبعدها بشهر تقريبا لقيتها قاعده معاه في وضع مش هو وبعدين سمعت انهم اتخطبوا ربنا يسهل لعبيده ملناش دعوة
__________________
ولا نقول إلا ما يرضي ربنا إنا لله و إنا إليه راجعون
|
|
#4483
28-08-2010, 03:04 AM
|
||||
|
||||
|
رد: عايزة اتجوز
الرابعة
اتعرفت عليها بعد التالته بفترة قصيرة كانت معايا في الدبلوم وعرفت ظروفي كلها وكانت موافقة بشطة وامها عرفت وامي عرفت لكن وقفنا على ظروف الشغل لاني مكنتش ثابت في حاجة وبعدين كل شوية يجيلي شغل والمشكلة كانت الجيش لازم انهاء الخدمة او معفي وانا كنت لسه خلصت الدبلومة وعملت اختبارات الجيش وسمعت اقاويل كتير واشاعات كتيييييييييييييييييير عن ان دفعتي مش هتدخل لغايه والله ليلة امتحان كان عندي قلت خلاص بقى انا ايه هخلص امتحان واروح اخطبها والشغل هيبقى زي الرز والفلوس هتجري معايا وروحت الامتحان وزمايلي جايي جري انتمجتش ليه على منطقة التدنيد يا جماعه المادة صعبة وانا قلت اركز وبعدين مش هيجرا حاجة لو روحت متأخر ( وانا بقول في سري مش هندخل ) لقيت واحد بيقلي على فكرة دفعتك داخله صعقت واذبهليت واتنحت ومعرفتش احل نص الامتحان وجبت فيها مقبول رغم اني كنت مذاكرها كويس جدا المهم نرجع للبنية قلتلها انتي شوفتي الوضع ايه قالت وماله لما تخلص خرجت من الجيش ولا اعرف عنها اي وسيلة اتصال رغم انها كانت بمعدل كل اسبوع او اتننين تتصل بوالدتي تسأل عني واخباري ايه لكن فجأة اختفت ومش عارف اتصل على بيتهم علشان ميحصلش مشكلة بينها وبين ابوها ( امها واخوها اللي كانو عارفين ) شهر التاني التالت واحد كان معانا في الدبلومة قابلته وقالي على فكرة انا كنت شوفتها مأنجشه في ايد واحد فتقريبا اتخخطبت او اتجوزت قلتله خيييييييييييييييييير الله يسهل لعبيده
__________________
ولا نقول إلا ما يرضي ربنا إنا لله و إنا إليه راجعون
|
|
#4484
28-08-2010, 03:18 AM
|
||||
|
||||
|
رد: عايزة اتجوز
شوفو
اللى عقد (من التعقيد يعنى)مشروع الجواز الناس نفسها انا لما خطبت مراتى روحت لحمايا وكان فى جيبى جنيه رغم انى كنت لابس بدلة هيلد انجليزى تمنها الف جنيه عملتلها جمعية وجبتها طلباتك ياعم عبده (ابوها) مليش طلبات انت اللى هتجيب فى بيتك واللى هتعيش عليه هاته والقايمة راح جايب ورقة كراسة قديمة واداهالى وقال اكتب الى ناوى تجيبه كتبت تلاجة (عايزنى اكتب ماركتها ايه ) قال اكتب تلاجة وخلاص والغسالة قال غسالة وخلاص انت اللى هتستعمل مش انا وبعدين قال يابنى اللى انت عايز ه اكتبه لو انا كتبت عليك قايمة بمليون جنيه وانت كرهتها م انت هتقرفها لحد متتنازل لك او هتتصرف وترميهوملها وفى الحالتين هترميها وانا عايزك تحافظ عليها الناس بتبص للفلوس لكن انا بشترى راجل وانا سالت عليك قبل م اوافق عليك وطبعا جبت عفش اى كلام على اد فلوسى ومشتريتش سجاد خاالص ودخلت فى شقة فى حارة فى الزيتون وكانو جيران فى منتهى السوء لكن على اد فلوسى ومساحتها كانت 40 متر يعنى حاجة على اد ماقسم (بضم القاف) ولما ربنا اكرمنى غيرت كل ده هنا مربط الفرس الشاب طالما عاجبنا شخصيته ودينه واخلاقه وسالنا عليه وقالو( متدين /اهم حاجة )خلاص ايه المشكلة قال رسول الله(صلى الله عليه وسلم) خذوهم فقراء يغنيهم الله من فضله وقال ايضا ان جائكم من ترضون دينه وخلقه فزوجوه الا تفعلوا تكن فتنة فى الأرض وفساد كبير وقال ايضا اقلهن مهورا اكثرهن بركة صدقة رسول الله صلى الله عليه وسلم طب والله العظيم انا جبت لمراتى دبله دهب ليها هيا ب80 جنيه وبعد الجواز بشهر اتزنقت وبعتها ب60 جنيه ومزعلتش المواقف دى اول مايقابل الشاب من اهل زوجته لان دى هيا اول تعامل بينهم مع الحياة بتبقى فى مواقف تانية لكن ممكن تتغاضى عنها بسبب مواقف زى دى حصلت معاك فى الاول لكن اللى بيحصل ايه دلوقت ودى مناقشة سمعتها فى سفرية من سفرياتى بس اهو حظكو افتكرتها هنا الشاب لزميله انا اتقدمت لفلانة امبارح والله زميلتنا بتاعة قسم جيولوجيا(شكلهم كانو فى كلية العلوم) اه يااخى بس ابوها صدمنى ليه بعد الشربات والساقع طفحهوملى ازاى طلب 100 جرام دهب ادى 11 الف جنيه عيار 18 (وقتها الدهب عيار 18كان ب110 ) وايه كمان 30 الف جنيه مؤخر وبصراحة الجملتين دوول حرقو دمى وخصوصا انى بصيت لمنظره مشترى قميص غالبا ب7,5 من العتبة وبنطلون ب15 جنيه برضه من العتبة مش من محل طبعا لكن واضح انهم من العيال اللى واقفة فى الشارع عند مسرح الطفل كده اتغظت ده شكل واحد هيجيب ب11 الف جنيه دهب ويكتب 30 الف جنيه مؤخر وبشيك كمان (قال يعنى اتساهلو معاه) زميله/ يانهار اسود ولسه العفش والشقة قال متكلمناش فيهم وشكلهم مش هيرضو بايجار جديد وهتعمل ايه بفكر اخلع بعد خمس سنين حب مهو الحب ده هيذلنى وهيقطم وسطى طب هعمل ايه انا/ صحيح هيعمل ايه ده عايز له فى الجوازة مش اقل من 70 باكو وهو لابس قميص وبنطلون بتلاتة تعريفة يبقى اللى بيعقد الجواز الناس نفسهم مش بيدورو على الدين ولكن النواحى المادية اانا اعرف واحد اتجوز على عفش مستعمل وروحت معاه نشترى دولاب من ايام ستى الله يرحمها وبوتاجاز من اول م قالو يالا نعمل بوتاجاز النهاردة ماشاء الله ولاقوة الا بالله ممكن لو عرضت عليه يشترى منطقة الزيتون بمحطة المترو هيشتريها بس هو شاطر هيصطاد قطرين واقفين على المحطة علشان يشترى كويس ههههههه اقصد اصبح ثرى جداااااااااا نصيحة للاباء والامهات متعقدوش الشباب طالما هما على دين وكويسين ونصيحة للبنات والزوجات الشاب اللى عاجبك دينه واخلاقه قبل الحب طبعا ( لان مراية الحب عمياء مبتشوفش غير الوسامة والجينز والتى شيرت فقط )طالما ابن حلال بلاش مطالب من اصله وبلاش نغمة اختى جوها جاب لها كذا وكذا وانا لازم ابقى زيها الكلام ده لو جوزك ظروفه زى ظروف جوز اختك وشايفاه بخيل لكن ضغط على الراجل باستمرار هيكره نفسه وانا شفت مرة (مفيش فايدة يظهر هننقل موضوع ادب الرحلات هنا) سواق ميكروباس بيخبى الايراد فى العربية ايه ده ياعم اصل فى البيت مش فاهمين حاجة لو شافو معايا فلوس طابور طلبات هيطلع وانا عليا اقساط وديون وبلاوى سودة وبنراضى طوب الارض طول النهار ومصاريف عربية وشغلانة وهما مبيفهموش غير مطالبهم ونصيحة للشبا ب والرجالة البنات والستات المصريين طيبين وعلى نياتهم دايما عايزين كلام جميل حتى لو انت متضايق وفى نفس الوقت حاول تبقى نصاب شوية معاهم يعنى مش لازم دايما تقول رايك بصراحة وانا اول 7 سنين فى حياتى الزوجية كنت دايما لااقبل المناقشة وانا راجل البيت ومفيش حنفى وكانت الحياة رتيبة مملة والراجل دخلته فى البيت اعوذ بالله لكن واحد قال لى لازم تتعلب الدهلزة وشغل ال3 ورقات فى البيت وجربتها لقيتنى باخد كل اللى انا عايزة وبرضه مفيش حنفى ههههههههههههه اتعلمو النصب على ستاتكو بس مش على حد تانى التعديل الأخير تم بواسطة خالدخليفة ; 28-08-2010 الساعة 03:33 AM
|
|
#4485
28-08-2010, 03:19 AM
|
||||
|
||||
|
رد: عايزة اتجوز
الرابعة كلاكيت تاني مرة
بعد اختفائها وعدم ظهور اي اثر ليها اذ فجأتن التليفون بيرن ( مكنش لسه الموبايل انتشر ) وده تقريبا نص الحوار اللي دار بينا على ما اذكر الحاجة بترد ايوه مين معااي انا فلانه مش فاكراني يا طنط اهلا يا بنتي اخبارك ايه وفينك مبتسأليش ليه بقالك كتير متصلتيش معرفتكيش معلش بقى الظروف والجوابات بقى امال فين الدغف اللي عندك ( اللي هو انا طبعا ) اهلا اهلا ازيك ازيك اخبارك ايه الحمد لله فينك محدش بيشوفك ولا بتسأل مهو الحال من بعضه انا مستطردا ( حلوة مستطردا دي كأني جهبز اللغة العربية ) على فكرة مبروك سمعت انك تجوزتي يا راجل متقولش كده تف من ببقك ده ابن خالي وكمان مفروض عليا وانا معرفتش اخلع منهم في البيت بس لما شوفتك معاك كان واضح انك فرحانه يعني مش واحده مغصوبه ما انت عارف بقى لازم امثل اني فرحانه ( علشان تعرفوا انكم بتعرفوا تمثلوا كويس قوي ) طيب بعدين اصل الموضوع مش نفع معرفناش نتفاهم مع بعض وكل واحد راح لحاله طيب انا مطلوب مني ايه ايه القسوة دي انت بقيت قاسي كده ليه هما كانو بيعلموك القسوة في لاجيش والا ايه لا ابدا ولا قسوة وال حاجة طيب الموبايلات بقت كتير دلوقتي مش هتجيب واحد انا معايا واحد فعلا لما خلصت جيش جبته طيب رقمه كام كذا طيب هكلمك ونتقابل في الكلية ماشي سلام سلام في الكلية ازيك يا محمد وحشتني قوي فينك يا راجل وايه القسوة اللي بقت فيك دي اهلا اي خدمة ايه الردود الجافة دي انا مطلوب مني حاجة دلوقتي يا محمد انا نفسي نرجع سوا تاني ونت عارف اني حبيتك ........وشويةالكلام اللي بتضحكوا علينا بيه طيب نبقى نشوف الموضوع ده بعدين بس انا دلوقتي عاوز اركز في اللي انا فيه وبدون مبالغة في اليوم تتصل اكتر من 5 او 6 مرات وتفضل ترن بغباااااااااااء واصلا مفيش حاجة بيننا انتو شايفين انا برد ازاي وبعدين الوضع كان استقر معايا شوية بتصل بيها وهيا اصلا كانت بتكلمني يويما تقريبا اخبارك ايه الحمد لله واخبار العيلة الحمد لله ......................... .....لسه هقول كنت عاوز اجي اشرب الشاي مع والدك على فكرة انا اتخطبت امبارح وانت مينفعش تتصل بيا تاني علشان خطيبي ميضايقش طيب الف مبروك ( والحمد لله اني مكنتش قلت حاجة ) وقفلت السكة
__________________
ولا نقول إلا ما يرضي ربنا إنا لله و إنا إليه راجعون
|
|
| الكلمات الدليلية |
| لائحة عقوبات التأخر عن مواعيد الحضور, موتوسيكلات, رحلات, صيني |
| أدوات الموضوع | |
|
|
