رابطة ملاك ومحبى السفينه فيات 132

[أيمن الروبي]

علي فكرة في الحقيقه الاسعار بتبقي حاجه تانيه انا ييجي واحد يقولي هديك 10000 في عربيتي
والله اقتلو انا لوحبيت ابيعها دلوقتي لو مجبتليش 22000 هرميها مش هبعها شكلهم تجار والعربيات دي شكلها مشنش
كمان العربيات دي مطلوبه عن 504 لأنها شبابي عنها وناعمه

انهارده روحت ظبط زوايا علشان الكاوتش الجديد والحمد لله تمام الراجل اللي ظبطلي الزوايا بيفهم وسنه كبير لما شاف العربيه عجبتو وقالي جبتها بكام قولتلو 15000 قالي انت كده خدتها ببلاش ربنا يباركلك فيها قالي عربيتك زيرو من تحت وكمان العجل مظبوط علي ظبطة الفابريكا وربنا يباركلك فيها

[محمدصلاح القاضى]

المشاركة الأصلية كتبت بواسطة aimooo علي فكرة في الحقيقه الاسعار بتبقي حاجه تانيه انا ييجي واحد يقولي هديك 10000 في عربيتي والله اقتلو انا لوحبيت ابيعها دلوقتي لو مجبتليش 22000 هرميها مش هبعها شكلهم تجار والعربيات دي شكلها مشنش كمان العربيات دي مطلوبه عن 504 لأنها شبابي عنها وناعمه انهارده روحت ظبط زوايا علشان الكاوتش الجديد والحمد لله تمام الراجل اللي ظبطلي الزوايا بيفهم وسنه كبير لما شاف العربيه عجبتو وقالي جبتها بكام قولتلو 15000 قالي انت كده خدتها ببلاش ربنا يباركلك فيها قالي عربيتك زيرو من تحت وكمان العجل مظبوط علي ظبطة الفابريكا وربنا يباركلك فيها

ربنا يبارك لك فيها ويحفظها لك من كل سوء

[mOuStaFa_ERTU]

[mOuStaFa_ERTU]

كان فيه اختلاف على مقاس كاوتش الفبريكه بتاع ال132 2000
ناس كانت بتقول 175/70/14 وناس بتقول 185/70/14
انا بقه قريت الكاتالوج ولاقيت
مقاس ال 2000

185/65/14
او
175/70/14

مقاس ال 1600 و ال 1800
185-70-13
او
175-70-13

[محمدصلاح القاضى]

عربيتى النهارده مجننانى اووى
دارت الصبح ع طول لكن مبرجله اوووى
قلت اشوف البوجيهات ظروفها ايه
ليقت من اول بوجيه شكله يقرف الكلب
مهبب ولا سن باين ولا اى حاجه
طبعا كانت غلطتى ان غيرت البوجيهات الشامبيون 2 شمعه كانت تحفه بواحده NGK واحد شمعه
طبعا انا كسلت افك وانضف واظبط كهربا وبنزين ولا نضفت الكربون اللى على البساتم
لانى مش فاضى عشان الامتحانات _ ادعوا لى اعدى على خييير عشان مش متفائل خالص _
اما اخلص هدور اجيب بوجيه شامبيون 4 شمعه مهما يكون سعره او هجيب نوع SMG
وابقى اشيل الكربون واظبط كهربا وبنزين وهوا
ودى اخر مشاركة ليا فى المنتدى لحد ما اخلص امتحانات