اسعار قطع غيار السياره فيات 131 الاستيراد

[طارق ابوذيد]

المشاركة الأصلية كتبت بواسطة michohat شيخ طارق هل الاسعار دي لكرونه ال فيات 131 السريعه (الموتور 1600 2 كامه ) لانه بالرجوع الى موضوع قطع غيار ال131 حضرتك ذكرت ان الكرونه سعرها 1500

هذا السعر للكرونه 124 وكان ردا على العضو السابق عن سعر كرونه 124 وليست 131 .

[طارق ابوذيد]

: 010104~171:

[أفيو]

سؤال للشيخ طارق بارك الله فيه


عندي عربية 131 موديل 1984 ألماني 1600 CL تكييف وزجاج كهربائي
وحصل إن حوض الموتور حصل فيه حريقة نتيجة تسريب بنزين + شرارة
طبعاً ضفيرة الكهربا إتبهدلت وأساساً كانت علبة الفيوزات بتاعتها متكسرة ومتبهدلة

كنت بفكر أجيب ضفيرة كاملة بعلبة الفيوزات إستيراد بدل ما الكهربائي يقعد يلحم ويصلح

لكن الحقيقة أنا جاتلي فكرة مش عارف هي صح ولا غلط

أنا فكرت إن الضفيرة الإستيراد مهما كان لل 131 مو 1984 هتكون قديمة برضه

ففكرت إني أجبلها ضفيرة الدوجان ال 1600 المكيفة لأني لاحظت أنهم تقريباً نفس التابلوه والعدادات وغير ذلك
والدوجان موديلاتها وصلت على ما أظن ل 1998

أو ضفيرة الشاهين المكيفة برضة تنفع وهتكون حديثة ومازالت بحالتها

المهم ضفيرة حديثة كاملة تامة بعلبة فيوزات سكاكين مش عضم

فهل تقدر يا شيخ طارق تفيدني في هذا الأمر لو ينفع طبعاً يركبوا على بعض
وهل عندك ضفيرة الدوجان أو الشاهين وسعرهم كام كاملين بعلبة الفيوزات ؟؟؟؟؟؟؟؟؟؟؟؟


ولو إفترضنا إنه مينفعش
فهل عندك ضفيرة ال 131 ال CL وتكون بعلبة الفيوزات كاملة تامة ؟؟

السؤال التاني: ---------------------
كنت بفكر أشتري كرسيين أماميين تمبرا أو تيبو وأركبه عندي في ال 131
فما هو سعرهم
وهل عندك فكرة ينفعوا ولا لأ ؟؟؟؟؟؟

السؤال الثالث:---------------------

في واحد خبطني من قدام وسربنتينة التكييف إتدمرت واطبقت
فهل عندك السربنتينة الأصلية بتاعتها ؟؟
ولا تنصحني أجيب سربنتينة جديدة لنوع آخر من السيارات لأني مش لاقي بتاعتها جديدة ؟؟

السؤال الرابع: --------------------
العربية عندي نظام العمة حديد وواصل منه خرطوم متوصل في فلتر حديد زي البطيخة راكب خلف الفانوس في نفس مكان البطارية ولكن الناحية الثانية

المهم إن الموضوع ده عامل زحمة في حوض الموتور وأنا حاسس إن ملوش لزمة

فبفكر ألغي البطيخة وأركب فلتر هوا داخل العمة وخلاص
فهل هينفع ولا لازم أغير العمة بالكامل ؟؟؟؟


السؤال الأخير: -------------------------
العربية عندي فيها التكييف الأصلي بتاعها
ولكن مش شغال والخراطيم كلها مصدية ومتبهدلة
والكباس من النوع القديم اللي حجمه كبير ومضلع والطنبورة بتاعته عايزة بلي وغالباً لو شغلته هيكون مصدي من جوة وبايظ
فهل تنصحني أجيبله كباس إستيراد ولا أجيبله كباس جديد ولا أصلحه
لأني لاحظت إن نظام خراطيم الفريون في الكباس الموجود نظام تربيط قديم معدش منه خالص وطبعاً الخراطيم كلها محتاجة تغيير

فتنصحني بإيه عشان أشغله ؟؟


سامحني يا شيخ لأن أسئلتي كثيرة
أتمنى ترد عليها بالتفصيل

وفي إنتظار ردك جزاك الله خيراً


-

[طارق ابوذيد]

لقد قرأت الرساله كامله وارجو ان تنتظرنى فى الرد الى يوم غدا حتى استطيع جمع البينات كامله والرد عليك فتقبل تحياتى

[michohat]

تسمح لي يا شيخ اضيف بعض الاسئله

ايهما افضل للعربية ال 131 ال 2 كامه ال 1600 الالماني فى حاله وجود صوت فى الكارونه السريعه نتج عن نقص الزيت اثناء السفر
اغير تروس الكارونه فقط ام اغير كارونه كامله بالاكسات والطنابير ؟ وايهما افضل

السؤال الثاني
سعر التكييف الكامل للعربية كام و هل يشتغل بنفس الكفاءة ام الياباني الجديد افضل مع الاخذ فى الاعتبار الحرص على عدم رفع درجه حرارة الماتور عند الاستخدام

والف شكر يا شيخ طارق