|
#36
05-08-2009, 11:23 AM
|
||||
|
||||
رد: مشكاح وريما 2009
-14-
تنكر مشكاح فى زى رجل مسن وما أن لمح الطفل المقصود يلعب مع أقرانه حتى نادى عليه وأخبره بأن والده يريده وقام بتخدير الطفل وسلمه فى المكان المحدد!! قبض الثمن وذهب لبائع السمك أشترى خمسة كيلو مرجان وبورى على ثلاثة استاكوزا 00ذهب لريما بالوليمة وجلس يلتهمها فى شهوة وتلذذ!! قالت ريما: -حد يا كل سمك بليل كده يا مشكوحتى00كنت جبت حاجة خفيفة ضحك مشكاح: -هوه فيه أخف من كده زهقت من الزفر يا رمرومتى 00أنا عايزك يومين تمنعيه قالت فى خباثة: -وبالمرة اللحمة يا مشكوحتى قال محتدا: -لا كله الا دى أنتى عايزانى أقع من طولى -لا وعلى أيه دا حتى انت لو وقعت ح توقع الشقة على راسنا00 الطيب أحسن -الا ليه الست اللى قولتى عليها دى مجتش؟! -بكره تيجى 00متستعجلش00 بس قولى ح تعمل أيه مع البت المعفرته بنتها -ح أرنها علقة لحد ما تقول حقى برقبتى -وهو ده علاج؟ مكنش اللى قبلك غلب -ها 00 دا أنا الشيخ مشكاح والاجر على الله -مشكاح00 دا أحنا دفنينه سوا -آه00الغباء والجهل بتاعك هاهاهاها -مشكاح !! انت ح تبتدى تتنطط من دلوقتى ! فوق لروحك مال عليها مبتسما: -ما أنت روحى يا جميل -أيه هوه السمك ضرب ف نافوخك؟! -أنتى اللى ضاربه فيه -صحيح يا مشكوحتى -طبعا 00 ضاربه فيه حجر مغمس -حجر مغمس يعنى مزاج -أمال وأحلى مزاج ألتفت لجانبه وبصق ثم قال بصوت غير مسموع: -مزاج هباب 00ربنا ياخدك -تعرفى أنا نفسى فى أيه؟ -أيه 00أيه يا مشكوحتى؟ -نفسى أتجوز -يانهارك أسود00 يالهوووووى دا أنا أقتلك وأشرب من دمك -يابت نفسى أجيب لك واحدة تخدمك -آه 00الفلوس جريت ف أيدك طب أعملها وأنا أشرب من دمك ودمها بعد ما أقطعكم حتت -وأهون عليكى يا رومتى -اللى يبعنى أبيعه -بتغيرى عليا يابت -لا مش مسأله غيرة00 مسألة كرامة -حلوة كرامة دى00 طب قومى يا ريمة الزفت أعملى كوباية شاى لحسن أخلى ليلتك سودا قالت بعناد: مش قايمة 00قوم أعمل لنفسك -شفتى لما أقول أتجوز كان عندى حق أنتى بقيتى بلطة وجزمة قديمة -على عينى يا حبى 00الشاى ف دقيقة قالتها وقامت مهرولة00 بينما انتفخ مشكاح وهو يضحك ساخرا: -آل كرامة قال طب وحياة أمك لاعملها تتبع
__________________
|
|
#37
05-08-2009, 05:20 PM
|
||||
|
||||
|
رد: مشكاح وريما 2009
الله ينور يا دكتور
__________________
|
|
#38
06-08-2009, 02:21 PM
|
||||
|
||||
|
رد: مشكاح وريما 2009
-15-
البنت تصرخ من الالم ومشكاح مستمر فى ضربها بالخرزانة!! -آآآآآآآآآآآآآة -أطلع يابن الجنية -آآآآآآآآىىىىى -ح موت أمك00 والدة الفتاة تبكى شفقة على ابنتها التى تورمت: -يا خويا كفاية البت ورمت -قال مشكاح واثقا: -أصبرى يا حاجة فاضل تكة -يا حبيبتى يا بنتى أنهال عليها مشكاح ففقدت الوعى تركها مشكاح مرتابا!! تلون وجهه والسيدة تنظر اليه فى تساؤل؟! -هوه البت جرى لها أيه؟ هى مبتصدش ليه؟ -عادى يا حاجة 00العفريت بيطلع -أنا عمرى مشفت كده00 فوق لى بنتى -الصبر ياست أصله عفريت أزرق وده ملعون مش بالساهل كده سيبينى أشوف شغلى وأخذ مشكاح يقلب فى الفتاة حتى أستفاقت00 تلفت حولها00فى دهشة!! -ماما أنا فين؟ -حمد الله على السلامة ياقلبى00 أنا معاكى قال مشكاح: -خلاص يا ستى كله تمام -ربنا يصلح حالك ويعليك ويزيدك قالت ريما: -الشيخ مفيش زيه00سره باتع واستكمالا للنصب أحضر مشكاح سماعات أذن كبيرة وضعها فى أذنىّ الفتاة وأوصلها بجهاز كاسيت!! وضع فيه شريطا كان قد سجله ويهذى فيه بكلمات غريبة غير مفهومة!! أنتفضت الفتاة00وهى تسمع الصوت البشع والكلمات المبهمة00 وضع مشكاح يده على رأسها وأخذ يتلو آيات00 هو لا يحفظ الا سورة الكرسى والمعوذتين وان الله يحب المحسنين!! وهكذا أنفضت الليلة وخرجت السيدة منشرحة ولهف مشكح 500جنية نظير الانجاز العظيم الذى قام به!!! وبعد انصرافهم سمعت ريما صوت خبطة قوية بالمطبخ!! ألتصقت بمشكاح بعد ما أنتفضت: -أيه ده يا مشكاح؟ -أنا عارف ايه الرزعة دى؟ -يكونش العفريت خرج ولبد هنا!! -هنا فين يا معتوهه أنتى -أمال راح فين العفريت؟ -انتى ح تعيشى ولا أيه؟ عفريت أيه يا وليه؟ -طب تعالى ندخل نشوف ايه اللى حصل -بينا يا مخبولة00 قال عفريت قال!! دخلا الى المطبخ وريما تتعلق بذيله وهى ملتصقة به كانت الاوانى ساقطة بالرف على الارض قال: -شفتى الرف وقع -وايه اللى وقعه؟ -تلاقى فحل من الفيران كان بيتفسح عليه -تصدق ممكن برضه -روحى نامى يا وليه بلاش هبل على آخر الليل -لا ياعم رجلى على رجلك وأذ بالصوت يتكرر00 صرخت ريما وهى تقفز وتنظر لمشكاح فى رعب تتبع
__________________
|
|
#39
06-08-2009, 03:58 PM
|
|||
|
|||
|
رد: مشكاح وريما 2009
تسلم ايديك يادكتور
والنبى تطلع البلا الازرق على جتتهم ptmnlo123per1116 متابع بشغف ومستنى اخرتهم
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#40
08-08-2009, 10:10 AM
|
||||
|
||||
|
رد: مشكاح وريما 2009
-16-
أصبحت ريما تخاف من الشقة وأصبح الجيران يسخرون علنا من مشكاح النطاح الذى تحول بين يوم وليلة الى الشيخ مشكاح !! شعرت ريما بخطر سخرية الجيران منهم عند سؤال الزبائن فأقترحت على مشكاح تأجير مكان للمارسة عمله قبل أن يقوم الجيران بالابلاغ عنهم خاصة الست عديلة والتى طالما شطبت ريما على عشتها أولا بأول!! وبالفعل قام مشكاح باستئجار بيت صغير فى منطقة متطرفة ليمارس فيه أعماله وانتقل مع ريما اليه! وكان دافع ريما الحقيقى هو البعد عن الشقة التى كانت تشعر بان العفاريت تسرح فيها طيلة الليل وكأن البيت الجديد لن تشعر فيه بنفس الاحساس!! توسعت أعمال مشكاح وتعددت الزبائن وقامت ريما باستئجار أم عوف الداية والتى بطل سوق عملها للقيام بدور زبونة تنفخ فى الشيخ قرد وتستحلب المعلومات من الزبونة أما مشكاح الذى تفتق ذهنه عن اختراع السمّاعات فقد اخترع أيضا موضوع القرد المسخوط!! أشترى قردا ضخما يجلسه الى جواره وهو قرد قديم مدرب على يد حسونة القرداتى الذى أعتزل المهنة بعد ضعف نظره!! وباشارات بالعين بين مشكاح والقرد ينتفض بشدة ويتمرمغ على الارض وكأنه ملبوس بالجان وهكذا أصبح القرد وسيط روحانى وحلقة وصل أمام الزبائن بينه وبين الجان مع ادعائه بأن القرد جن مسخوط وفى خدمته !! واذ بجلبه شديدة فى الخارج وأناس يقتحموا عليه الحجرة!! زعر مشكاح فى البداية قبل أن يكتشف أن اناسا أحضروا شاب هائج ودخلوا عله يجد لهم حلا قال رجل: -ألحقنا يا عم الشيخ الواد بيتشنج بقاله يومين وأنخرس م بينطقش!! عبث مشكاح بلحيته التى طالت: -خير خير خير نظر لقرده الذى قفز على الشاب فى محاولة لعضة! فزع الشاب الذى تفاجىء بالقرد وأخذ يدفعه عن نفسه00 أمسك مشكاح بالخيرازانه وبعد أن كتف الشاب أنهال عليه ضربا والشاب يحاول اتقاء الضربات فأيقن مشكاح أن الشاب يقدم عرضا تمثيليا لغرض ما!! وضع السماعات للشاب وطبعا السماعات متصلة فى الخفاء بكاسيت!! دخل مشكاح الى الداخل وأدار شريطا!! نظر اليه مرافقى الشاب فى تعجب00 قبل أن يقول مشكاح: -يا ملك الجان 00 أتفضل وكلم الشب الغلبان وعندما دار الشريط 00سمع الشاب صوت بشع يقول: -أتعدل يا كلب وألا سلطلت عليك عشرة من الجن الاحمر يخلوا حياتك جحيم00 ههههههههه00هاها 00هى هى هيه أرتعد الشاب وأنتفض قبل أن يخلع مشكاح السماعات ويفك الشاب الذى انزوى الى الحائط فى رعب قال له مشكاح: -عامل أيه دلوقتى يا حبيبى؟ قال الشاب وهو يشيح بوجهه عن مشكاح: -أنا كويس أنا زى الفل وصاح المرافقين: -الله أكبر00 تعيش يا بركة وخرجوا يرددون: -الراجل ده بركة00 ربنا يزيده00 ربنا يديله الصحة00 ما شاء الله عليه جلس مشكاح منتفخا00 وهو ينتظر أم عوف لتدخل بالمعلومات قبل دخول الزبونة تتبع
__________________
|
 |
| أدوات الموضوع | |
|
|
