متوسط اسعار المستعمل هذا الاسبوع

[desozz]

سلام عليكم د/تامر لو سمحت انا عايز اسال عن سيارة ب 35000 الف جنيه تكون بولو او جولف او سيات ابيزا وانهي الاحسن وتنصحني بايه او اجيب حاجة محترمة بالسعر ده مع الامكانية اني ممكن ازود 5000 الاف جنيه كمان وشكرا جزيلا مقدما
حضرتك نسيتني ولا ايه ياريت تقلي في اسرع وقت علشان ان شاء الله هانزل سوق السيارات بكره علشان نويت اشتري فاعايز اعرف وانا كمان مبفهمش في العربيات اوي وجزاك الله خيرا

[د0تامر محمد]

المشاركة الأصلية كتبت بواسطة desozz سلام عليكم د/تامر لو سمحت انا عايز اسال عن سيارة ب 35000 الف جنيه تكون بولو او جولف او سيات ابيزا وانهي الاحسن وتنصحني بايه او اجيب حاجة محترمة بالسعر ده مع الامكانية اني ممكن ازود 5000 الاف جنيه كمان وشكرا جزيلا مقدما

لو 35 الإبيزا لان قطع غيارها أرحم من الجولف والبولو
لو أربعين يبقى لانوس أو أكسنت لرخص قطع الغيار وتوافرها وسهولة الصيانة وإعادة بيع بدون خسارة

[انور محمد]

انا نازل السوق بكره يا دكتور بس ملحقتكش قبل ما تقفل يظهر مفيش نصيب اقابلك بعت لحضرتك رقمي عالخاص اتمني من الله تشوفه ونتقابل

[hazem_hiza]

أنا عربيتى سوزوكى سويقت 94 1300cc تكييف جنوط سبور كاسيت يابانى فبريكة دواخل فرش الفابريكة سمكرة و رش فرن برة للنظافة من شهرين عفشة جديدة ( مساعدين و كبالن و تيل فرامل أمامى و خلفى ) هل العربية دى كويسة ب29500 أنا جايبها من 3شهور و السعر ده بعد الشغل اللى أنا عملته فيها و ايه رأيك هى أفضل ولا الماروتى موديل حديث لأنها بحالة الزيرو ولا تتباع و نزود شوية و تبقى الأكسنت 1300 موديل 2000 مثلا أفضل و هو فى فرق كبير أوى يستاهل بين السويفت و الأكسنت أنا محتار بصراحة و محتاج خبرتك يا دوكتور و خايف أخسر فى بيع السويفت لأنى تعبت فى الشغل الى اتعمل فيها وكنت على ايد الصنايعية

[s.saleh]

د/ تامر ياريت بعد ماترجع من السوق بالسلامة تقولنا ملخص اللى شوفته فى السوق
وكان عندى سؤال بخصوص العربية الشاهين
اخبار ادائها ايه ومصاريف صيانتها وقطع غيارها .... واسعار موديلاتها ايه .
وهل هى افضل ولا الاكسنت او الفيليشيا لو فى نفس مستوى الاسعار
معلش على الاطالة