لوجان ولا أفيو

[Moha28]

يااقدعان فيه عربيات بدول الخليج اسعارها رخييصة

انا مابعرفش ليه الغلاء الفاحش في اسعار السيارات السنه دي

[3bdo]

المشاركة الأصلية كتبت بواسطة sem7sem7 شكرا لحضرتك "3bdo" ربنا يوفقك وييسر لك النجاح والتفوق ان شاء الله .... انا دورت عن اللوجن كتير وبصراحة توصلت انها عربيه ممتازة بكل صفاتها وكمالياتها واسعارها وهناك بعض الاشياء يعتبرونها البعض انها عيوب ولكنها بالنسبالى لا تسبب ضررا ولكن للاسف قطع غيارها غالية جدا ولا اعرف ما هو السبب بالرغم من رخص ثمن العربية !!!! فمثلا عرفت ان ثمن الباب الواحد فى حدود 2000ج م , وان المراية تصل فى حدود 90 ج م فهى مكلفة جدا

الشكر لله يا استاذ سمسم و ربنا يخليك و يوفقك
واضح من كلامك انك كنت راكب عربية قديمة يعنى قطع غيارها رخيصة
المهم اى حد بيكون عنده عربية قديمة و بيشترى عربية جديدة لازم يتفاجىء باسعار قطع الغيار يعنى انا لما شوفت قطع غيار اللانسر تنحت بس لما شوفت الفلوانس والالنترا والسيراتو لقيتهم اغلى من البومة كمان بس مش فى كل حاجة يعنى لو شوفت اسعار قطع الغيار بتاعة فئة اللى فوق ال 100 الف مش هتصدق .
بس الفرق ان ممكن تكون عربية بتستهلك قطع غيار رخيصة بس كتير زى الشيفروليه لانوس مثلا
وممكن عربية بنفس السعر قطع غيارها اغلى بس مبتتغيرش كتير و اعطالها قليلة
وبعدين اللوجان قطع غيارها انتشرت خلاص يعنى لو مقدرتش على الاصلى هتلاقى غيره
والصراحة انا شايف ان قطع غيار اللوجان مش غالية اوى يعنى مراية الداستر الكهرباء معدية الالف جنيه
يعنى لو شوفت قطع غيار فئة الى فوق 100 الف هتعرف ان اللوجان بالنسبالهم ولا حاجة
: 140109~347:

[sem7sem7]

فى الحقيقة انا اول مرة اجيب عربية فبدور على حاجة امكانياتها كويسة واقتصادية وسعرها معقول ومش بفكر ابيعها بعد كدة فاكتر نصايح سمعتها عن اللوجن ومثلها الدايو بس سعر قطع غيار الدايو رخصية دة غير العربيات التى محركها اقل من 900cc مش هتستحمل استهلاك اصلا
ولكنى لا اعرف شئ فى هذا المجال فمازلت ابحث حتى استقر على حاجة تناسبنى ان شاء الله

[3bdo]

المشاركة الأصلية كتبت بواسطة sem7sem7 فى الحقيقة انا اول مرة اجيب عربية فبدور على حاجة امكانياتها كويسة واقتصادية وسعرها معقول ومش بفكر ابيعها بعد كدة فاكتر نصايح سمعتها عن اللوجن ومثلها الدايو بس سعر قطع غيار الدايو رخصية دة غير العربيات التى محركها اقل من 900cc مش هتستحمل استهلاك اصلا ولكنى لا اعرف شئ فى هذا المجال فمازلت ابحث حتى استقر على حاجة تناسبنى ان شاء الله

بص يا باشا اللوجان قطع غيارها بترخص كل فترة
وفعلا الدايو عربية حلوة وكويسة مع ان سمعت من واحد هنا فى المنتدى انه نزل يشترى العلامة الاصلية لقاها ب 250 جنيه هههههههه
لكن خد بالك انك قلت الدايو لانوس مش الشيفروليه لانوس
الشيفرولية لانوس انا بعتبرها ازبل عربية فى الفئة دى كفاية التقفيل المصرى بتاعها وان تقريبا محدش جابها وشكر فيها
رغم حبى للدايو للانوس طبعا
وبرضه متستقلش بالمحركات الصغيرة لان السوزوكى ماروتى كل يوم بتثبت نفسها فى السوق
وفى عضو هنا فى المنتدى قال انه راح بيها مصر كلها بالعربية ومحصلهاش حاجة
اهم حاجة فى المحركات الصغير انك متقرصش جامد على الماتور وتمشى على سرعات عالية كتير

[mahraan]

لو قدامك لوجان اتوكل علي الله انا بدور عليها ليا شهر ومش لاقيها خالص ومش راضي باي بديل ليها