افضل سيارة تصلح لكى تكون تاكسي

[waelsalah]

متشكر جدا لتحليلكم القيم يا بشمهندس احمد
وتشرفت بحضرتك جدا فى بلدنا المنصورة


103000ج ينهار ابيض ينهار ابيض
حسبنا الله ونعم الوكيل فى المرور وسياسة البلد ككل التى تشجع الاحتكار المحرم شرعا
ياترى ايه انسب طريقه لايجاد النمر والعداد وتكون مؤمنه بيعد عن النصب وتكون باقل سعر ؟

اعتقد ان بكده تنحصر المقارنة بين الفيرنا والافيو
وانا اهتم بالكماليات لانها هتكون باذن الله بمثابة ملاكى لأسرتي
وخايف من حك الفيرنا فى المطبات ولا حقه التوكيل تلافي عيوبها بعد موديلات 2009 ؟
ما رايكم بينهم ؟

وشكرا جزيلا

[blade2011]

انا ورمت بجد ورمت بجد يا جماعة من تحيز الاعضاء الرهيب دة بجد وخاصة بتوع اللوجان و BYD يا جماعة الراجل عاوز تاكسى تاكسى تاكسى تاكسسسسسسسسسسسسسسسسسى يعنى هايصرف علية كل يوم مرة واحد حمار يخبطة من ورا ويكسرلة فانوس مرة تانية العربية تعطل فجاة منة يروح يصرف عليها مرة تالتة جوز كبالن ومقصات حرام عليكوا كدة بجد انتوا بتشوفوا لوجان تاكسى يعنى ولا BYD تاكسى يعنى لا بتشوفوا اية فيرنا ولانوس وشاهين دة معظم التاكسيات بصراحة دة المعظم بص ياباشا انتا هاتجيب عربية اكل عيش مش منظرة يعنى وبتصرف كل يوم ماتسمعش كلام اللى يوقلك قطع غيار اللوجان بقت عند السباك ولا قطع غيار ال BYD بقت عند بتاع البطاطا بجد هات الحاجة اللى مرتحالها واللى بتشوفها كتير واهم حاجة اللى ( الناس كلها بتتفهم فيها ) كمان انتا مش من القاهرة يعنى بالعربى كدة مش هاتلاقى قطع غيار اصلا كتير متوفرة ومعمرة للانواع اللى هية اللوجان او BYD
فامش قدامك الا لو جديد يعنى الفيرنا والانوس ( والاتنين مش فارقين كتير عن بعض اللى ترتحالها هاتها ) او مستعمل شاهين وانا ارشحلك دى لو فكرت لو يعنى فى مستعمل هات شاهين نضيفة تاكسى كويسة بجد وحمالة قسية والفانوس كلة مش بيكمل 40 جنية
حاجة اخيرة ارجوا بجد يا جماعة بلاش تحيز لنوع معين بجد يا جماعة كل واحد يخش يرشح حاجة للراجل يعرف ان دى تاكسى مش ملاكى هايقضى مشواروة ويروح

[A7MED NASSER]

فعلا يا ريس لازم تاخدوا بالكم من الحاجتين دول :-

1. انه من المنصوره مش من القاهره و العربيتين اللي لهم قطع غيار رخيصه هي الفيرنا و بعدها عالطول اللانوس و بعدها الافيو

2. انها عربيه تاكسي يعني عربيه شغل و فعلا العربيات اللي ذكرتها دي هي اللي تعتبر حماله الأسيه طبعا بعد الشاهين و وقفها النهائي 2009 و بكده وضحت الحكايه كلها

شكرا كتير يا وليد باشا . و ده واجبي فعلا مع ابن بلدي و ياريت اتشرف بمعرفتك
و شكرا كتير علي ردك يا blade2011 و الحكايه مش محتاجه عصابيه الفهم بيتاخد بالعقل يا ريس و شكرا لردك

[blade2011]

المشاركة الأصلية كتبت بواسطة A7MED NASSER فعلا يا ريس لازم تاخدوا بالكم من الحاجتين دول :- 1. انه من المنصوره مش من القاهره و العربيتين اللي لهم قطع غيار رخيصه هي الفيرنا و بعدها عالطول اللانوس و بعدها الافيو 2. انها عربيه تاكسي يعني عربيه شغل و فعلا العربيات اللي ذكرتها دي هي اللي تعتبر حماله الأسيه طبعا بعد الشاهين و وقفها النهائي 2009 و بكده وضحت الحكايه كلها شكرا كتير يا وليد باشا . و ده واجبي فعلا مع ابن بلدي و ياريت اتشرف بمعرفتك و شكرا كتير علي ردك يا blade2011 و الحكايه مش محتاجه عصابيه الفهم بيتاخد بالعقل يا ريس و شكرا لردك

بجد بصراحة انا فعلا اتخنقت كتير من ردود اعضاء معينة بمجرد ذكر ان فية شخص داخل يقول عاوز او بفكر اشترى عربية على طول هات لوجان او هات BYD بدون ادنى فهم حتى لظروف صاحب الموضوع او حتى فكرة وحتى الاعضاء المحترمة دول لايذكروا مميزات وعيوب العربية اللى بيرشحوها للعضو لا هوة لازم يقول لوجان او BYD ثم يذهب بعض الاعضاء بمخيلتهم فى مقارنة مثلا بين اللوجان وعربيات ماينفعش يتقارن بيهم زى الكورلا او A5 ( مش فى الموضوع دة فى مواضيع تانية كتير ) انة كان فية عضو كان بيشد باين مع كورولا ولا A5 وان BYD دى مكنة لانسر 1600 وعفشة كورلا وتارة فولكس وكشافات A5 وفرامل bmw فابالتالى اكيد هية احسن حتى من الكورلا ذات نفسها لانها جامعة كل حاجة ثم بعد كل ذلك لا يذكروا العيوب لايذكروا عيوبها بتاعة قطع الغيار وخاصة ان احنا مش من القاهرة فاكيد انتشار اللوجان او BYD مش هايبقة زى القاهرة فاكيد قطع الغيار مش هاتبقة موجودة اوى حتى لو هية منتشرة فى القاهرة حتى لو هية منتشرة فى القاهرة اخر حاجة اى عربية فى الدنيا حتى لو bmw فيها عيوب والله فيها عيوب بجد مافيش عربية كاملة لية بقة اعضاء اللوجان وال BYD لا يذكروا عيوبها مش عارف بجد مش عارف
اخر حاجة بص ياباشا انا من المنصورة وكنت مستقر استقرار لا نهائى على اللوجان كملاكى نزلت اسال على قطع الغيار لقيتها قليلة اوى ومش موجودة بكثرة
حاجة كمان انا من المنصورة بردة يا استاذ احمد ولسة شارى على فكرة من عندكوا لانوس فيرانى وسعيد جدا بمعرفة ساعتك جدااااااااااااااااااا

[Emgrand]

فيرنا طبعا لقوه الماوتر هيفرق معاك جدا جدا فى التاكسى والحمل
وبتمشى بغاز زيها زى البنزين
وقطع غيار رخيصه
ومن ناس شغاله عليها بيشكروا فيها جدا