ارشيف الاستراحة 2011

[semmsem]

للاسف عندنا فقر وجهل وتخلف
شكرا ياباشاعلى المعلومات دي

حمدلله علي سلامتك يا استاذ ايمن وربنا يسترها عليك وعلي العائلة الكريمة واحنا والله فرحنا لما الاستاذ كمال طمنا عليك ربنا يجازيه كل خير انسان ونعم الاخلاق والكرم وربنا يكرمه هو واسرته الكريمة ويجعلها سنة سعيده عليكم جميعا

[sad-bird]

المشاركة الأصلية كتبت بواسطة abo-salama أشكرك وسوف اقوم بإرساله لجميع زملائى من الدكاترة بالكلية يمكن يحصل حاجة ونتقدم ( لك كل التقدير والاحترام )

بتهزر يا دكتور محمد داه انت في تربية حلوان على ما أذكر يعني المفروض الكلام ده كله معروف عندكم
وكمان جامعة حلوان نازلة في الجودة وبتجهز حاجات كتير ( طبعا حاجات شكلية وادارية اكثر من العلمية كالعادة )

ومن ضمن الحاجت اللي قلتها موضوع الابحاث المنشورة في دوريات علمية دولية بتاخد نقاط اكتر للجامعة وطبعا انتبهوا للموضوع ده من فترة وقرروا منح عضو هيئة التدريس اللي بحثه يتم نشره في مجلة دولية هياخد مبلغ تقريبا 50 ألف ومع الوقت المبلغ ده على ما اسمع نزل بقى 5 الاف بس

عموما لو تحب تعرف تفاصي اكتر لاني اللي عندي برضة قشور ياريت تدور على دورة قواعد النشر علشان تاخدها هتفيدك كثير مستقبلا في نشر الابحاث وتحصيل النقاط للترقي

[sad-bird]

المشاركة الأصلية كتبت بواسطة mido-spicy

المشاركة الأصلية كتبت بواسطة semmsem للاسف عندنا فقر وجهل وتخلف شكرا ياباشاعلى المعلومات دي

أستاذ احمد .. أستاذ سمسم
نورتوا الموضوع
شكرا على مروركم

استاذ سمسم
اللي عندنا سوء ادارة مصر احدى الدول الغنية بمواردها

[sad-bird]

المشاركة الأصلية كتبت بواسطة Injection موضوع محزن يادوك, بس اللى يفرس أكثر أنا أحنا عندنا أصلا "شوية" جامعات من فترة قريبة كان ممكن تعدهم على أصابع اليد الواحدة لولا الجامعات الخاصة, ودلوقتى عددهم حوالى 30 جامعة, عايز يكون منهم كمان جامعات متقدمة؟ أنا قررت أعمل تصنيف جديد هسميه التصنيف المصرى, وده هيكون على أساس الفساد والضياع وعدم الأهتمام بالطلبة أو حتى تحديث المادة العلمية, وطبعا أحنا المراكز ال5 الأولى لينا بأمتياز. يارب ترجعلنا مصر تانى.

انت فين يا عمرو
عاوز تنضرب انت
عامل ايه في الامتحانات
مصر راحت خلاص ياعموره جهز نفسك علشان تهاجر معايا يلا


جامعات ايه ياعمرو اللي تتعد على الايد الواحدة
حرام عليك يا راجل احنا عندنا جامعات كتيير من اكتر من 15 سنة ده غير الفروع الي اتفصلت واصبحت جامعات مستقلة غير الجامعات الخاصة
خد عندك يا سيدي
1. جامعة القاهرة
2. جامعة الاسكندرية ( + فرع دمنهور معرفش اتفصل والا لسه بس ان مكنش اتفصل هيبقى قريب ان شاء الله )
3. جامعة عين شمس
4. جامعة الزقازيق
5 جامعة حلوان
6 جامعة المنصورة
7 جامعة طنطا
8 جامعة المنوفية
9 جامعة قناة السويس (4 فروع واحتمال يتفصلوا قريب بورسعيد - اسماعيلية - السويس- العريش)
10 جامعة بنها
11 جامعة دمياط
12 جامعة كفر الشيخ
13 جامعة بني سويف
14 جامعة الفيوم
15 جامعة المنيا
16 جامعة اسيوط
17 جامعة جنوب الوادي ( 4 فروع معرفش اتفصلوا والا لسه قنا - سوهاج - اسوان - الغردقة)

18 جامعة الازهر ودي لوحدها حوالي 15 جامعة في بعض غير الجامعة الام في مدينة نصر لان تقريبا في كل محافظة ليها فرع والفرع فيه مش اقل من 6 او 7 كليات


بالاضافة لان كل جامعة فتحت فيها مركز تعليم مفتوح وده فيه تقريبا 4 او 5 كليات يعني وله ادارة منفصلة عن ادارة الجامعة ( وحدة ذات طابع خاص) يعني تقدر تضرب كل جامعة × 2

غير معاهد الخدمة الاجتماعية حوالي 9 معهد على مستوي الجمهورية

غير معاهد التكنولوجيا التابعة لوزارة التعليم العالي
غير مراكز البحوث المتخصصة ( الزراعية - الاجتماعية والجنائية - التربوية - مركز ابحاث المياة الجوفية - مركز البحوث البيئية ....) وكل مركز له فرع في محافظة او اقليم
غير المركز القومي للبحوث
غير اكاديمية البحث العلمي

غير الجامعات والمعاهد الخاصة على سبيل المثال لا الحصر
الجامعة الامريكية ( اول جامعة خاصة ) ( وسط البلد سابقا - القاهرة الجديدة حاليا)
جامعة 6 اكتوبر ( 6 اكتوبر )
جامعة مصر للعلوم والتكنولوجيا ( 6 اكتوبر )
جامعة مصر الدولية (طريق مصر اسماعيلية )
جامعة النيل (القرية الذكية )
جامعة سيناء ( العريش )
جامعة فاروس ( الاسكندرية )
اكاديمية المستقبل ( الشروق )
اكااديمية الشروق ( الشروق )
الاكاديمة العربية ( شيراتون)
اكاديمية العبور ( العبور + طريق مصر اسماعيلية )
جامعة العاشر ( العاشر من رمضان)
الجامعة الفرنسية ( مش عارف )
الجامعة البريطانية ( الشروق )
الجامعة الروسية ( الشروق )
الجامعة الالمانية ( القاهرة الجديدة )
الاكاديمية العربية للنقل البحري ( الاسكندرية )
الجامعة العربية المفتوحة ( مدينة نصر)
اكاديمية المعادي


ده غير المعاهد المتوسطة والتي لا حصر لها اي حد عنده عمارة ومعاه شوية فلوس يقدر يجيب ترخيص معهد ويشتغل


بس .........دول اللي فاكرهم دلوقتي لو افتكرت حاجة تاني هقولك


المهم ان كل ده مفيش ولا جامعة منهم دخلت ضمن افضل 500 جامعة ماعدا الجامعة الامريكية اخد اول مرة في الشرق الاوسط رتبة او جايزة ( مش فاكرها بالضبط كانت قريب من حوالي 4 شهور تقريبا ) وقلنا جامعة القاهرة اخدت المركز 509 في 2007 وشكرا على كده