استفسارات عام 2012

[Hisham.Elgazzar]

لأ شركات التأمين بتامن على الزيرو بس
والنسبة بتقل مع عمر السيارة على حسابك أنت
يعنى الزبون فى الآخر هو اللى بيشيل المشاريب
أفضل حاجة للمستعمل الجمعيات تعمل جمعية كبيرة وتشترى اللى انت عاوزه
ولا الحوجة للقروض ولا البنوك وشركات التأمين والتوكيلات وحظر البيع والذى منه
وربنا يوفقك للى فيه الخير بإذن الله
تقبل مرورى

[ahmed el gendy]

المشاركة الأصلية كتبت بواسطة Hisham.Elgazzar لأ شركات التأمين بتامن على الزيرو بس والنسبة بتقل مع عمر السيارة على حسابك أنت يعنى الزبون فى الآخر هو اللى بيشيل المشاريب أفضل حاجة للمستعمل الجمعيات تعمل جمعية كبيرة وتشترى اللى انت عاوزه ولا الحوجة للقروض ولا البنوك وشركات التأمين والتوكيلات وحظر البيع والذى منه وربنا يوفقك للى فيه الخير بإذن الله تقبل مرورى

الف شكر يا باشا بس المشكله ان الشركه بتاعتي هي اللي بتدفع الاقساط يعني انا ما بادفعش حاجه من جيبي وده مش بيكون مخصوم م المرتب بتاعي فلو ما اخدتش العربيه منهم اللي هم اساس بيجيبوها بقرض هيبقي ضاع عليا قسط العربيه اللي بيكون 1400 شهريا

طب بالنسبه للبنك بيوافق انك تجيب مستعمل ولا لازم زيرو لان اللي ملاحظه كل الناس عندنا ف الشركه كلهم زيرو ؟؟

[firstknight_eg]

طبعا ينفع تقسط مستعمل بس عمر العربية بيبقي من 3 - 5 سنين حسب نوع العربية يعني لو مرسيدس، بي ام، تويوتا ...الخ ممكن تكون 5 سنين انما مثلا سوزوكي وفيات بيبقي اخرها 3 سنين وده برده ممكن يختلف حسب الجهة اللي هتقسطلك.

لو عاوز عربية عمرها اكبر من دول روح لمعرض من اللي بيقسطوا بس الفايدة بتبقي عالية شوية، وطبعا التامين بيأمن علي اي عربية مش مهم تكون زيرو

[ahmed el gendy]

المشاركة الأصلية كتبت بواسطة firstknight_eg طبعا ينفع تقسط مستعمل بس عمر العربية بيبقي من 3 - 5 سنين حسب نوع العربية يعني لو مرسيدس، بي ام، تويوتا ...الخ ممكن تكون 5 سنين انما مثلا سوزوكي وفيات بيبقي اخرها 3 سنين وده برده ممكن يختلف حسب الجهة اللي هتقسطلك. لو عاوز عربية عمرها اكبر من دول روح لمعرض من اللي بيقسطوا بس الفايدة بتبقي عالية شوية، وطبعا التامين بيأمن علي اي عربية مش مهم تكون زيرو

الفايده بتبقي عاليه ازااي يعني مش البنك بيشتري العربيه من المعرض او صاحبها كاش والتقسيط بيكون بيني وبين البنك ولا ايه؟؟
يا ريت توضيح للحته دي بعد ازنك

[firstknight_eg]

المشاركة الأصلية كتبت بواسطة ahmed el gendy الفايده بتبقي عاليه ازااي يعني مش البنك بيشتري العربيه من المعرض او صاحبها كاش والتقسيط بيكون بيني وبين البنك ولا ايه؟؟ يا ريت توضيح للحته دي بعد ازنك

الكلام ده لو بتشتري زيرو وبتقسط مع البنك، انما لو بتشتري مستعمل نقول موديل 2000 مفيش حد هيرضي يقسطلك غير معرض وده بيبقي تقسيط مباشر معاه، بيحط فايدة عالية وعدد سنين قليل