لية تنتخب الشيخ حازم صلاح ... الجليل

[د.هبه77]

منقول


أبو اسماعيل: الإصرار على عدم تسليم المستندات يجعل المسائل لن تمر

2012-04-03
كتب محمد علي - صرح الأستاذ حازم صلاح أبو اسماعيل للحملة المركزية بخصوص جنسية والدته رحمها الله بأن هناك حبكة شديدة وإصرار على عدم تسليم أي مستندات، وتعنت شديد لاستهلاك الوقت لإخراج الموضوع في الوقت الخطر، وأكد على أنه في هذه الحالة فإن المسائل لن تمر


الإتحاد || خطاب موجه من|| محمد المرسى: ( شقيق زوجة الأستاذ حازم ) || الى جموع مؤيدى حازم صلاح أبو إسماعيل | المسؤول OL

احبائى واخوانى جميع مؤيدى ومحبى الشيخ حازم ابو اسماعيل
السلام عليكم ورحمة الله وبركاته

جزاكم الله خيرا على شعوركم وخوفكم على مستقبل مشروعنا ورسالتنا وأحب أن أطمئنكم أن كل ما ينشر فى وسائل الاعلام من تمتع والدة الشيخ حازم بالجنسية الأمريكية هو كذب وافتراء وذلك لعمل حرب نفسية عليه وعلى جميع محبيه وذلك من أجل وقف زحف شعبيته الطاغية وهذا لم ولن يجعلنا نتراجع نهائيا عن مشروعنا ابدا -
واليوم او غدا على الأكثر ان شاء الله سيتحدد ميعاد للجلسة الخاصة بالقضية التى رفعها الشيخ حازم ضد وزير الداخلية ورئيس لجنة الانتخاب لاجبارهم على تسليمه ما يفيد عدم تمتع والدته بأى جنسية غير الجنسية المصرية - حيث أنهم رفضوا تسليمه تلك الأوراق-

وأرجوا منكم أن تواصلوا عملكم وجهدكم حتى لا يضيع وقتنا فى هذه الأكاذيب - لأنهم لو كانوا يملكون حقيقة لأظهروها للرأى العام منذ فترة وحتى قبل أن تزداد شعبية الشيخ حازم لهذه الدرجة- ولكنهم لأنهم كاذبون فلا يستطيعوا اظهار أى شىء وانما يقوموا بمحاوله للتشويه فقط من أجل القضاء علينا معنويا وهذا لن يكون باذن الله -
أما ما أثير فى وسائل الاعلام من أن ابنة أحد المرشحين كانت تعلم من جهة سيادية مسبقا باستبعاد الشيخ حازم من الترشح فى الانتخابات - فلو صح هذا الكلام فيدل على نية مسبقة للتزوير والتدليس ضد الشيخ حازم بتلفيق وتزوير جنسية أجنبية لوالدته -
وهذا لن نسكت عليه وسنقاومه بجميع الوسائل القانونية والسلمية ان حدث - فعليكم ايها الاخوة بالمرابطة أولا -والعمل ثانيا - وعدم الالتفات الى اى أكاذيب -

وجزاكم الله خيرا -
والسلام عليكم ورحمة الله وبركاته



المصدر: صفحة إتحاد صفحات تأييد الأستاذ حازم أبو إسماعيل لرئاسة الجمهورية علي الفيس بوك.


تداول عدد من النشطاء على صفحات الفيس بوك فيديو لأحد العاملين في الحملات الفرعية يطالب فيه كل العاملين في حملات ترشيح الأستاذ حازم صلاح ابو اسماعيل بالثبات و بالعمل الجاد في هذا الوقت .
و طالب ايضا بعدم اهدار الوقت لأن الغرض من اثارة مشكلة جنسية والدة ابو إسماعيل هو اضاعة الوقت على حملات ترشيحه التي تكسب ابو إسماعيل اعداد كبيرة من المؤيدين في كل يوم .

http://www.youtube.com/watch?v=QnVtS...layer_embedded

منقول
.

[matrux]

المشاركة الأصلية كتبت بواسطة د.هبه77 منقول تحذير هام جدا .....هناك حمله عكسية لحازم ابو اسماعيل وهى لصق البوسترات على السيا...رات وهذا تتبرأ منه الحملات لمرشحنا الفاضل حازم ابو اسماعيل و يجب الحذر من هذه الاعمال لتشويه حملة الشيخ حازم

شوفتى يا دكتورة هبة الشيخ صلاح ابو اسماعيل اهو طلع كداب وقال ان والدتو مش اجنبية
وخلاص بقى رسميا خارج الرئاسة عشان والدتة اجنبية
اية رأي حضرتك فى الكلام دة
مش قولت لحضرتك ان بلاش حكاية التمحك فى الدين شكلنا اية دلوقتى من بعد حازم ابو اسماعيل والبلكيمى والاخوان اللى بيكدبو شكلنا اية دلوقتى
علية العوض والله وربنا ياخد اى واحد بيشوة صورة الاسلام منهم لله فعلا

[د.هبه77]

يعني المفروض نفهم الاتي

حازم امه امريكية
والعوا جده سوري
وابو الفتوح له جنسية قطرية
والشاطر مش مفروض يترشح قبل 6 شهور
وعمر سليمان اتنازل النهاردة
وعمرو موسي مقدمين ضده بلاغ ان له اخ من ام يهودية (راقية ابراهيم )

يعني هنفضل لسة كمان 60 سنة في الهوان تاني
كان في اعلان زمان بيقول
(طلع بالشيفورلية واحنا قاعدين )


وكل المشاكل حصلت بعد ما قدم اوراق ترشحه للرئاسة وشافو الاعداد الغفيرة في الشوارع اللي بتأيده وطبعا خافو
ولكن لكل انصار حازم ابو اسماعيل
اثبتو لان دة وقت المحنة
قال تعالي
ان يمسسكم قرح فقد مس القوم قرح مثله وتلك الايام نداولها بين الناس وليعلم الله الذين امنو ويتخذ منكم شهداء والله لا يحب الظالمين وليمحص الله الذين امنو ويمحث الكافرين ام حسبتم ان تدخلو الجنة ولم يعلم الله الذين جاهدو منكم ويعلم الصابرين
لازم نثبت
ولازم نرفع الظلم
ولازم ندعي له بالثبات



ولا انا رايي ممكن حاجه ظريفة جدا
احنا نرشح الرئيس السابق القادم الحالي
او ابنه حتي مش قضية
اه بس صحيح دي مامته عندها جنسية بريطانية يعني جنسية مزدوجة لا مش هينفع يدخل

لا وفي الاخر يطلع في حاجه اسمها لجان الكترونية لتشويه حملة حازم

في النهاية مش هقول غير
حازموووووووووووون:danceW7 :

[samirayad]

ولا انا رايي ممكن حاجه ظريفة جدا احنا نرشح الرئيس السابق القادم الحالي او ابنه حتي مش قضية

فكره مش بطاله

أهو إللى نعرفه ....أحسن من إللى منعرفوش

فمن تعرفه ...........حتى لو كان حرامى

تقدر تتفاداه وتخللى بالك من فلوسك فى جيبك

---------------------

إنما إللى منعرفوش

هنعمل معاه إيه ..........؟

[AbOnOrA]

يا دكتورة بس بهدوء وموضوعية لو تسمحيلى

اولاً بطلب من حضرتك تعملى بحث صغير جداً على الانترنت مش هياخد منك دقائق عن نظام الهجرة فى امريكا وخطوات الحصول على الجنسية والجرين كارد

ثانياً بعد البحث هتوصلى حضرتك لوحدك من غير تاثير من حد الى قناعة بسيطة وهى ان والدة حازم قدمت طواعية على اجراءات الهجرة (الحلم الامريكى) وبناء عليه حصلت على الجرين كارد
اللى بيعتبر خطوة اساسية وفارقة فى الحصول على الجنسية
واللى بعد مرور 5 سنوات من اصدارها يصبح حاملها مواطنا كاملاً متمتعاً بالجنسية

يعنى الجرين كارد والباسبور شىء واحد الفرق فى التوقيت اول خمس سنين اسمها جرين كارد بعد خمس سنين اسمها باسبور وفى الحالتين هو مواطن امريكى

ثالثاً راجعى حضرتك تصريحات ابواسماعيل من بداية الازمة وشوفى كانت متدرجة ازاى
الاول قال الموضوع كله محض افتراء
وبعدين قال اختى اللى معاها الجنسية
وبعدين عرفنا ان اخته واخوة كمان
وبعدين قال اه معاها الجرين كارد
وبعدين قال مش عارف قطعياً اذا كانت اخدت الجنسية ولا لاء

وانا اسئل هل الاستاذ حازم واسرتة مش عارفين حقيقة بسيطة خالص زى ان اللى مقدم على الجرين كارد واخدها بعد خمس سنين بيبقى مجنس ؟؟

اكيد عارف
طيب ليه مطلعش من الاول ذكر كل الحقائق عن اسرته بالعموم ووالدتة بالخصوص وكونها حاصله على الجرين كارد اللى بموجب القوانين الامريكية يعتبر مرحلة من مراحل التجنس وانها بحصولها على الجرين كارد من اكثر من خمس سنوات تعتبر مواطنة امريكية ؟

ده حتى هو كمان بيقول انها مؤامرة
فالاصول لما احس ان فيه مؤمرة اشرح كل حاجة بكل التفاصيل لتفويت الفرصة على المتأمرين ؟؟؟
الا اذا كانت المؤامرة منه هو علينا احنا لنقبل على خطوات متدرجة حقيقة ان اسرته كلها تقريباً مجنسة !!!