موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[she_rif]

عند طريقة لفك صمولة الكرنك وكيف افكها والموتور بيلف منى

[محمود كامبا]

المشاركة الأصلية كتبت بواسطة سيف الدين سعيد بص يا جميل : انا بصراحه ماعرفش الأسعار بالتفصيل بس انا لما باقارنها بالخارج بالاقيها مش فارقه كتير انما الفرق انهم بيكونوا مسؤولين عن شغلهم ولو ركبوا قطع غيار بتكون على ضمانتهم . اما موضوع ان قطع الغيار معمره اقدر اقوللك بصراحه انها مش مرسيدس بس والله حسب استعمال قائد السياره يعنى اللى بيسوق بطريقه شبابى غير اللى بيحافظ على سيارته واللى بيمشى بعربيته بهدوء غير اللى بيفترى عليها . انا عربيتى مو 2007 ولغاية دلوقتى يادوب غيرت تيل أمامى وكبالن مره واحده من سنتين يعنى بعد 3 سنين من استعمالها . وعلشان تجيب قطع غيار من بره حاتنزل معروف عند الكيلانى وده بيجيب حاجات غالبا أصليه . وممكن تجيبلها الألمانى أو الإيطالى بيتكون أجود شويه فى الخام .

والله انا سعيد جدا اني عرفتك يا سيف و سعيد بالمنتدى كله و شكرا جزيلا, ان شاء الله اي حاجة جديدة هتحصل هقولك

[ENG 1]

انا عندى مشكلة ان العربية بكون ماشى ترجرج جامد وهى سخنة مش باردة و رحت للميكانيكى نضفلى البك بتاع البنزين و على كهربة الموتور العربية مشيت كويس يومين و لكن رجعت تانى نفس المشكلة روحتلة علالى الكربة تانى مشيت يومين كمان و رجعت تانى نفس المشكلة فمش عارف اية السبب و حاسس ان الميكانيكى مش عارف يحدد اية المشكلة ارجو المساعدة فى ايجاد حل

[ebeidhamed]

سلام عليكم
ممكن ياهندسه تفدنى فى عندى البطاريه كانت كويسه قولت اعملها صيانه عند بتاع البطاريات ويارتنى ما روحت وجدنا الماء ناقص فجاب ميت نار وزودها وقلى ان الشحن كده عالى بيدى 16فولت روح للكهربائى وشوف الدينامو الكهربائى قالى الدينامو كويس وشحنها كويس وقاسه وجدناه 14 فولت وقالى لحد 14كويس المشكله ان البطاريه اتنفخت من الجنب بسيط رجعتله تانى قالى مدام الشحن مظبوط متخفش
بس انا قلقان حاسس انى لوسبتها كده هتتلف من لو عند حضرتك حل ياريت تفدنى
وشكرا

[sayed2077]

المشاركة الأصلية كتبت بواسطة ebeidhamed سلام عليكم ممكن ياهندسه تفدنى فى عندى البطاريه كانت كويسه قولت اعملها صيانه عند بتاع البطاريات ويارتنى ما روحت وجدنا الماء ناقص فجاب ميت نار وزودها وقلى ان الشحن كده عالى بيدى 16فولت روح للكهربائى وشوف الدينامو الكهربائى قالى الدينامو كويس وشحنها كويس وقاسه وجدناه 14 فولت وقالى لحد 14كويس المشكله ان البطاريه اتنفخت من الجنب بسيط رجعتله تانى قالى مدام الشحن مظبوط متخفش بس انا قلقان حاسس انى لوسبتها كده هتتلف من لو عند حضرتك حل ياريت تفدنى وشكرا

انا شايف افضل حل لحضرتك انك ترمى كل الماية اللى موجوده فى البطارية وتجيب ماية نار جديده وتملا البطارية بالماية الجديده وتحط البطارية على التونجر عند الكهربائى لغاية ما تشحن وبعدين استعمل البطارية عادى ان شاء الله هتبقى زى الفل معاك
ويفضل تخلى الكهربائى هو اللى يعمل العملية كلها من اولها لاخرها

وحاول تخليه يقيس تانى شحن الدينموا وانه ميزيدش عن 14 فولت لان اكتر من كدا يبقى كتاوت الشحن بايظ وممكن يبوظ البطارية فى اسرع وقت