ممكن مساعدة عشان الواحد استغفر الله العظيم ميفطرش !!!

[M.Sami el adham]

المشاركة الأصلية كتبت بواسطة mhamdy75 حبيب قلبى طالما الصوت راح ولو لربع ساعة يبقى مش الكرنك ----------- على مهلك بقى خالص ونشوف حد تانى ممكن تكون بلية بتقفش سواء بلية داخل الموتور أو بلية ترمبة ميه أو دينامو أنا بفترض طبعا بس الأكيد إن الكرنك لما بيرزع الصوت بيفضل مستمر

هو راح فعلا لمدة يومين !!! هو ممكن موضوع بلية بتقفش دى ..المشكلة ان معظمهم دلوقتى بيفتى !! مش لاقى حد عِدل والله .. ربنا يسهل و اشوف كدة ..شكرا لاهتمامك يا باشا والله

[محمدصلاح القاضى]

المشاركة الأصلية كتبت بواسطة ابو دهب يا باشا والله شكرا لاهتمامك دة و طمنتنى والله .. انا جبت طنبورة استيراد بالخابور و الصامولة من الحرفيين و كان مكان الخابور فى ترس الكرنك نفسة متآكَل ف الخراط زوده و عمل خابور تانى للطنبورة اوسع شوية عشان يحكمها و فعلا الموضوع نجح و مشيت بيها يومين من غير اى صوت و بعدين رجع الصوت اعلى من الاول و ببص على الطنبورة لاقيتها بترف !! و تقريبا فكت .. هل ممكن لما اغير ترس الكرنك و الوردة , و طبعا هجيب طنبورة استيراد تانى عشان التانية اتلعب فيها عند الخراط , المشكلة تتحل ؟ 70 % من الناس بيقولوا مش هتتحل الا لو جبت كرنك استيراد .. و فيه ناس بتقولللى هات مكنة كاملة !!!! اجيب مكنة كاملة عشان مش عارف احكم الطنبورة كويس !!!!!!!!!!!

اولا الشكر لله عز وجل
ثانيا انا عاوزك تملى مكان الخابور تانى عند الخراط
وتشترى الحاجات اللى قولت عليها
بس قبل دا كله تشوف ميكانيكى ابن ناس فاهم هو هيعمل ايه ؟
بس جايز يكون سعره حراق بس هيرحمك من شرا موتور جديد
وتفهمه انك عاوز العربيه مسطره ميهموش الفلوس وان اى حاجه هتظهر بعد فتره هو اللى مسئؤل
عشان يبقى عنده خلفيه مش اكتر

[M.Sami el adham]

المشاركة الأصلية كتبت بواسطة محمد السيد 78 موضوعك ده مالهوش الا حلين يا تجيب كرنك استيراد يا تجيب موتور استيراد وانا افضل الحل الثانى

نفس الكلام بتاع الميكانيكى !!! يعندى هو الكرنك مش بيتصلح للدرجة دى !!

[محمد السيد 78]

الكرنك اللى هيحصل فيه انه يتزود لحام وبعد كده يبدا يظبط المجرى بتاعة الخابور ويرجعها زى ماكانت ويعمل لك خابور جديد وكل ده مش مضمون هيعيش قد ايه وكمان اللحام فى الكرنك غلط على خامته علشان كده انا افضل حل تغيير الموتور لانك حتى لوجبت كرنك استيراد هتدخل فى دوامة مقاس الركب بتاعته وهل هى نفس مقاس السبيكة اللى عندك ولا هتغير سبيكة ولو غيرت سبيكة يبقى هتدخل فى عمرة والموتور يروح لخراط . شوف امكانياتك ايه وعلى اساسها اختار الحل

[M.Sami el adham]

المشاركة الأصلية كتبت بواسطة محمد السيد 78 الكرنك اللى هيحصل فيه انه يتزود لحام وبعد كده يبدا يظبط المجرى بتاعة الخابور ويرجعها زى ماكانت ويعمل لك خابور جديد وكل ده مش مضمون هيعيش قد ايه وكمان اللحام فى الكرنك غلط على خامته علشان كده انا افضل حل تغيير الموتور لانك حتى لوجبت كرنك استيراد هتدخل فى دوامة مقاس الركب بتاعته وهل هى نفس مقاس السبيكة اللى عندك ولا هتغير سبيكة ولو غيرت سبيكة يبقى هتدخل فى عمرة والموتور يروح لخراط . شوف امكانياتك ايه وعلى اساسها اختار الحل

مهو عمل كدة بالظبط و بعد يومين فكت تانى !! شكرا لمرورك يا باشا والله امكنياتى متسمحش خالص انى اجيب موتور تانى ممكن اجيب كرنك استيراد بس موتور صعب جدا !! والله المستعان , شكرا لمرورك يا باشا