حلم بتأسيس حزب مصر موتورز

[Ahmed Anwer]

مش لازم حماية المستهلك بس يا جماعة ،،

يعني أنا رأيي فيه قضايا كتير مهمة

زي المرور و دي أهم قضية

و زي رياضات السيارات

الخ

[حازم شاهين]

شكرا يأ أبو فيفى على طرح الموضوع
الحقيقة فكرة الخروج بمجتمع مصر موتورز من الواقع اﻹفتراضى للواقع العملى فكرة قديمة قدم المنتدى نفسه
ﻹن من اﻷقكار إللى قام عليها المنتدى ده و نادى بيها المؤسسين هى فكرة العمل العام سواء فى شكل سياسى أو إجتماعى
لكن قلة اﻹمكانيات و قلة المناصرين للفكرة أجل إتخاذ خطوات عملية فى سبيل تحقيقها لعدة سنوات

لكن من عام واحد تقريبا رجعت المناقشات و الدراسات بصورة أكبر لبلورة الفكرة دى
و من سنة بالتمام و الكمال شرفنا اﻷستاذ خالد الشريف بلقاء تم فيه مناقشة اﻷفكار دى كلها من حيث اﻷساس التنظيمى و القانونى ، و كان فيه عدة بدايل ساعتها

و بالفعل أمدنا اﻷستاذ خالد الشريف بخبراته و تجاربه الرائعة فى هذا المجال لكن و مرة تانية نتيجة لضغوط إقتصادية و عملية تعثرت الفكرة (ما ننساش المشاكل الفنية الضخمة إللى واجتنا السنة إللى فاتت دى و إللى إستهلك مواجهتها و علاج أثارها موارد مالية و بشرية كبيرة)

لكن و مع أحداث الثورة و بوادر نجاحها و مع الحماس إللى دب فينا كلنا و أقدر أقولكم من يوم 12 فبراير بالتحديد رجعت تانى فكرة الخروج بمجتمع مصر موتورز للواقع العملى و ظهرت فكرة الحزب السياسى لكن على إستحياء و كان العائق الكبير ليها إن مجتمع مصر موتورز مجتمع يشمل على أطياف سياسية و إتجاهات فكرية متعددة صعب تجميعها فى برنامج سياسى واحد و بالتالى اﻷفضل إن الشكل أو الكيان المقترح إنه يكون دى صبغة إجتماعية أكتر منها سياسية

لكن طبيعة الكيان ده و تفاصيل كتير عنه اﻷفضل حاليا إنها تبقى غير معلنة لغاية ما تكتمل كل الخطوات القانونية و التنفيذية ﻹنشاءه ﻹن للأسف أفكار كتير إتسرقت مننا فى الفترات إللى فاتت.

لكن فى كل اﻷحوال الناقشة فى الموضوع ده و اﻹقتراحات إللى إتقالت و إللى هتتقال كلها أفكار هايلة و بتساعد فى اﻹقتراب من تنفيذ الفكرة على أفضل وجه ممكن و بالتالى مرحبا بكل فكر هادف و بناء فى اﻹتجاه ده

بسم الله ما شاء الله عليكم والله الواحد بيفرح جدا لما يشوف الكلام والنقاش الجميل ده وبشكر كل اللي شاركو في الموضوع ده

طب دلوقتي يا استاذ احمد واستاذ حازم حضرتك احنا دلوقتي في عصر الحرية والانفتاح وانشاء حزب دلوقتي مبقتش معضله لانهم اتسهلوا كتير في شروط الحزب وبقت متوفرة

علي العموم الفكرة قائمة وان شاء الله تتحقق

وبالنسبة لجهاز حماية المستهلك اكتشفت انهم لما تقدملهم شكوي في اي توكيل او اي محل او اي مركز تسويق بعد تقديم الشكوي بيتصلوا بالمشكوي في حقه ويقولوله ازاي يتعامل مع الشاكي وتلاقي حقق ضاع في خبر كان

الموضوع ده انا حضرته بنفسي يعني انا شاهد علي الموضوع ده


احنا لازم نقف في وش النصابين امثال غبور ومنصور وابوالفتوح والتوكيلات الصيني ونضع قوانين لدخول السيارات المناسبة لطبيعة الارض المصرية

وكمان يكون في واقفه مع وحدات المرور في مصر ونضع لهم حل

وتكون العربيات في وسائل امان كافيه مش اركب عربية اعلي وسيلة امان فيها هو حزام الامان

[AbOnOrA]

والله يا جماعة انا فى منتهى السعادة انى اشوف كم الحماس ده والاستعداد التنظيمى بين الناس ويارب تفضل الروح ديه دائماً ونشارك كلنا بجد فى صناعة واقع مجتمع السيارات المصرى

زى ما قال استاذ حازم احنا بقالنا كتير بنفكر فى الاتجاه ده بشكل جدى فى حين ان التفكير النظرى بداء حتى من قبل بدايه مصر موتورز عند اشتراكى فى تأسيس المنتدى السابق
لكن عوائق قوانين المجتمع المدنى عموماً سواء احزاب او جمعيات او اى مؤسسه عمل مدنى كانت كبيرة دائما فضلاً عن حماسة المؤسسين وامكانيه التمويل

اما وقد توفرت النيه والعزم وبإذن الله امكانيات التمويل افضل فى الفترة الجاية فممكن وضع الامر فى محل الدراسة الجدية وفقاً للمتغيرات الحالية وطبعا يسعدنا جميعاً تقبل اقتراحتكم وتوصياتكم

[محمد فيصل]

من الاسكندرية
السلام عليكم جميعا
يسعدنى ويشرفنى الانضمام لهذا الحزب العظيم ان شاء الله