تعالو نفكر مع بعض هنعمل ايه بعد قرار البنزين

[ahmed_zamalek7]

المشاركة الأصلية كتبت بواسطة svneleven يا جماعة لازم نعترف أن الغلط مش في القرار. دعم البترول لازم يتلغي عشان يمنع التهريب زيه زي الخبز المدعم. أي سلعة مدعومة بتخلي الناس تفكر في السرقة. لكن أنا شايف المشكلة هي الية التنقيذ و طريقة التنفيذ. يعني مثلا 5 لتر مدعوم كل يوم مش تكفي أي حد خالص. خليها 10 مثلا. و بعد كده نشتري بالسعر الحر. كمان لازم تعد تتكلم مع الناس و تفهمهم ان مصلحتهم في رفع الدعم لأن ديه فلوسهم اللي بتتسرق. و تقول هتوفر كام و هتعمل بيه ايه للناس و امتي.

يعنى هو قبل كده حضرتك كان بيتسرق هو يدارى فشل الاجهزه الرقابيه للدوله وان البنزين والسولار بيتهربو على المواطن وكمان 10 لتر ميكفوش ناس كتير هو هيدينى لتر بنزين بالسعر الحر خلاص يردلى الجمارك ال انا دفعتها او يدينى مرتبات زى الدول البتبيع البنزين بالسعر الحر

كمان حضرتك موضوع زى ده هيقضى على سوق السيارات خالص ناس كتير مش هتشترى عربيات
ده طبعا غير الذياده فى جميع الاسعار
هى الناس عملت ثورة عشان الاسعار تقل ولا الدعم يتشال ؟

[shemosamy]

اساسا القرار جاي في اسواء الظروف الاقتصادية مش كفاية الناس بقت عايشة بالعافية و يدوب الواحد بيعيش و يصرف بالعافية
و اعتقد ان معظمنا ان مكنش كلنا بدانا نستغني عن اساسيات مش هقول كماليات عشان نقدر نعيش
هنعمل ايه بقي
مش عارفة

[أبو الخل]

اذا كان البنزين سيباع بالسعر الحر فالمقابل يجب أن يكون بأن يتم إلغاء الضرائب عن السيارات
أما تطبيق ضرائب تضاعف قيمة السياره و بيع البنزين بسعر غالي هذا يعتبر أفترى

[reda310]

بس القرار دى برده هيبقى له حسنات العربيات اللى 1600 واقل هتغلى والطلب عليها هيزيد
واللى اعلى من 1600 هترهخص ومش هتلاقى حد يشتريها شوفتو الحكومة برده بتعمل فى مصلحة الغلبان ازاى اللى اقل من 1600

[sherifabden]

المشاركة الأصلية كتبت بواسطة أبو الخل اذا كان البنزين سيباع بالسعر الحر فالمقابل يجب أن يكون بأن يتم إلغاء الضرائب عن السيارات أما تطبيق ضرائب تضاعف قيمة السياره و بيع البنزين بسعر غالي هذا يعتبر أفترى

بالاضافة ان السيارات في مصر بتنزل بأسوأ مواصفات امان وجودة وسلامة
ممكن العربية بتتباع في اي حتة في العالم وفيها مثلا 8 ايرباج وفي مصر مفيهاش غير 2 ايرباج (دا لو نزلوا اصلا)