معايا لغاية 150 و محتآر أجيب إيه !!

[ezzat2002mo]

انا شايف ان حضرتك حاطط نفسك فى فئه اظن ان قطع غيارها مش رخيصه قوى يعنى مش زى اللانوس مثلا او الفيرنا
يعنى لو عاوز عربيه عاليه عن الارض وتستحمل بهدله ممكن تجيب التريوس او الجراند تريوس عربيه محترمه او التيوتا افانزا وبرضه هيه فى رينج ال 120 الى 130 الف وعربيه 7 راكب وشكلها جميل ولو على قطع الغيار ممكن تفكر فى الكورى قطع غيار منتشرة ورخيصه وكمان سهله فى اعادة البيع يعنى الكارينز او الكيا سول وبالنسبه للرينو انا مااظنش الفوانس مرتفعه عن الارض ووكمان انا خايف تكون نسخه حديثه من الميجان وقرفها بالحساسات اللى فى كل حته بس لو هتجيب رينو عندك الداستر عاليه وقويه ومحترمه وفى الاخر القرار قرارك شوف انت بتستريح لايه من شكل وامكانيات وتوكل على الله بس لو انت من الناس اللى بتحط القرش على التاني علشان تجيب عربيه يبقى تجيب ليك وللسوق

[sherifabden]

بص ياباشا
الفلوانس والاسترا والامبريزا ركوبة محترمة وعربيات زي الفل لكن قطع غيارهم غالية جدا وصعب توافرها خارج التوكيل
انا شايف اان افضل عربية بالسعر دا هيا الاوكتافيا
بس خد بالك المبلغ دا هيجيب اوكتافيا مانيوال مش اوتو لان الاتو سعرها 170 الف
اما لو عايز عربية اوتومايتك محترمة قطع غيارها رخيصة من الاخر عربية بجد يبقا تيوتا كورولا عربية محترمة بجد ومعليهاش نص كلمة
وانا لو مكانك اجيب الاكتافيا مانيوال
ومبروك مقدما

[saqr841]

فى اللى سيادتك قولت عليهم لانسر بلا منازع

او زود شوية وهات سيفيك

[د/محمود عبدالمقصود]

الاوبل استرا 2013 انجوي سيدان اول فئه ب155 الف تسليم فور و مواصفاتها:
...بلوتوث,
4 ايرباج 2 امامي و 2 على طول السقف الجانبي(يعني حمايه ممتازة جدا للحوادث الجانبيه )
كمبيوتر اعطال و معلومات,
شنطة العربيه بتفتح لوحدها بالكامل عند الضغط دوسه طويله على زر فتح الشنطه بالريموت
محرك موفر للوقود بقوة 115 حصان ,
تصميم روعه ,
خدمة مساعده على الطريق24 ساعه لمدة سنه تقريبا ,
مصفحه من تحت عشان المياه لو مطر او المطبات متضرش العربيه
نظام مساعد صعود التلال و المرتفعات عشان العربيه متجريش لورا hill start assist
نظام الثبات الاليكتروني esp عشان المناورات و الطرقات الزلقه العربيه بتفرمل لوحدها

افضل لون الباذنجاني وصل و هو ده اللون اللي على البروشور جامد جدا:10FEE3~11 06:

[د/محمود عبدالمقصود]

المشاركة الأصلية كتبت بواسطة ahmed el gendy عاوز تميز وتركب عربيه محدش ركبها وكل اللي يشوفها يقولك ايه الحلاوه دي يبقي شخشخ جيبك عشان الصيانه عاوز عريه تخدمك وتوفر لك فلوس بدل ما تحلبك فلوس واسف ف لكلمه يبقي ما تبصش للتميز خااالص او ع الاقل هات عربيه منتشره ني مثلا الدودج دارت والفلونس والاوبل اسرا عربيات مميزه جدااا وتحفه وركووووووبه بس هتخرب بيتك عاوز تشتريهم يبقي اعمل حسابك مقلا ف 250 الف تجيب العربيه ب 150 الف ال 100 الباقيين عينهم وديعه ف اي نك لزوم الصانه واوعدك بعد 5 سنين مش هتلاقيهم ولما تيجي تبيع العربيه هتلاقي اغلب الناس بتقولك اشربببببهاااااااا لكن الكورولا شكلها قديمه وكلاسيكيه وده طابع الكورولا علي مدي تاريخها بس عربيه قطع غيارها موجوده والف من يتمني يشتريها مستعمله منك

انا مش موافق على الكلام ده ...ليه كلنا بنفكر التفكير ده بتاع البيع و قطع الغيار
ببساطه الالماني اعتماديه و قطع غياره معمره مش بتحتاج تتغير كل شويه زي الكوري و الياباني يعني هيه هياها و بعدين حرام والله اركب كورولا مفيهاش اي حاجه زيها زي الانوس ب154 الف اول فئه و اسيب عربيه محترمه زي الاسترا الجديده ....حيجي يوم و اندم اني رميت فلوسي في حاجه متستاهلش