سؤال وخطر ببالى - تعالوا تعالوا جاوبونى ده فيه رعب وأكشن

[eng/walaaeldeen]

السلام عليكم
انا على الطريق الغربي القاهره المنيا بيكون في مطبات عندها بقفل السنتر والزجاج واتكل على الله واستعين به وبكون واثق من نفسي وربنا يسترها علينا جميعا بس لو حد فكر يوقفني اكيد مش هيحصل له خير اكيد هيتعور مني لأني هخبطه او ادوسه
يا روح ما بعدك روح
والله المستعان

[myson medo]

المشاركة الأصلية كتبت بواسطة eng/walaaeldeen السلام عليكم انا على الطريق الغربي القاهره المنيا بيكون في مطبات عندها بقفل السنتر والزجاج واتكل على الله واستعين به وبكون واثق من نفسي وربنا يسترها علينا جميعا بس لو حد فكر يوقفني اكيد مش هيحصل له خير اكيد هيتعور مني لأني هخبطه او ادوسه يا روح ما بعدك روح والله المستعان

الكل اجمع على انه هيدوووووووووس

ربنا يسلم
ويسترها معانا كلنا
تحياتى

[myson medo]

[محمدصلاح القاضى]

حصلت معايا
ايام الثوره
لكى اصل لبلدى لى طريقان كنت معتاد على احدهما حتى وقتنا هذا والاخر وهو طريق طنطا المحله
وطريق اخر فردى اسمه سبرباى قطور

وفى يوم كنت روح بليل من طنطا على الطريق التانى
واذا بى على بعد 7 كيلو من وصولى البلد والاقى ناس واقفه على الطريق فى حته مقطوعه ماسكين شوم وعصيان وسيوف
وكان الطريق ضيق فى هذه الوصله وامامى ثلاث حلول لا رابع لهما
يا اما انزل فى الزراعه او مصرف رى بعمق 9 متر او انى اقف واستسلم او ادخل بقلب جامد
والحمد لله
دخلت بكل ثبات لكن على سرعه 80 كيلو ولم اكتفى بانى اعدى فى النص لا خدت غرزه يمين فى واحده شمال
نزلت اليمين المصرف والشمال الزراعه
وما اصابنى خبطه على الرفرف الامامى الشمال والكابوت

ومره تانيه برضه على نفس الطريق
جرى ورايا عربيه نص نقل موديل 95 تقريبا لونها ابيض ومفيش عليها نمره توحد ربنا
حاولوا قطع الطريق عليا وايقافى
لكن الحمد لله استعنت على الشقا بالله وقمت شادد بالعربيه وطالع الدولى بتاع كفر الشيخ ومشيت بالعربيه على الطريق بسرعه 150/160 وكان الطريق لسه جديد ومفتتح وشغال زى الفل لكن مفيش نور للاسف عليه
وفضلت طاير
والعربيه تقلب نور وكلاكسات وتزنق وحاجه زفت حتى قبل منفذ الكارته لمداخل كفر الشيخ عند الجامعه الجديده وكان فى رمل هناك من بقيت الرصف وكان لسه فى تكمله وتحويله لكن انا طبعا كنت اول مره اروح فيها كفر الشيخ وفى المنطقه دى وعلى سرعه 60 كيلو وقمت شادد الهاند بريك ومديها 4 خمسات وفى السادسه عادل وشى وواخد اتجاهى ناحية طنطا مره اخرى ومكمل طريقى تانى وعلى نفس السرعه لكن خدت مطب على سرعه 80 بعد اما هديت بالعربيه بالعافيه لان كبست فرامل على بعد 3 م من المطب لان النور مش مبين ان فى مطب وعمل السليمه جاب نص العفشه اللى قدام ( مساعدين وبيض وتيش )
ومن يوميها عرفت ان الواحد لازم يكون راكب عربيه سليمه عشان المواقف اللى زى دى

[Mido Madrid]

اعتقد الوقوف اكبر غلط الواحد يدوس اللى قدامه
ايام الثوره حصل معايا موقف كنت واقف في حته هاديه جدا وكان وقت العصر المهم كنت مشغل العربيه وفاتح نص الازاز المهم جه واحد نزل من توكتوك قبلى بشويه وقاعد يلف كده نحية العربيه ولقيته وقف وره العربيه وانا قاعد اراقب فى المرايه وقافل السنتر لوك وعامل على ال d والاتنين اللى فى التوكتوك عينهم على العربيه فلقيته بيقرب نحية العربيه وقال السلام عليكم ورجع عامل نفسه بيتكلم فى الموبايل وبعدين قاعد يبص فى العربيه ومكانش حد معايا فرجع جاي نحيتي تانى قمت دايس بنزين وعديته لقيت توكتوك جه قطع الطريق قدامي قمت دايس ومعدي بالعافيه والجمب اتحك ولبست كام مطب بسبب ان الحته دي اساسا مليانه مطبات يعنى اتكلفت تظبيط عفشه وعالجت الخدوش