اجيب FRV اوتو ولا ايه رايكو

[MR/E]

sehsss

الف شكر على مرورك
اه طبعا بدور العمر الافتراضى
الفلوس مش بتيجى بالسهل عشان اغير عربيه كل شويه
باين عليا بقى هشوف الساندريو
-----
7uda
والله انا فى الاول كنت بفكر فى المستعمل كنت عاوز اجيب سيات ابيزا عربيه جمليه جدا وعجبانى بس مش لاقى حاله كويسه
انا مش مصمم على الصينى
انما لما شوفت الــ اف ار فى حسيت ان الفلوس ال معايا لها قيمه
انما فى الرينو ساندريو
انما الكيا بيكانتو كتير عليها ال فلوس مش مقتنع بحجمها اساسا
بالنسبه للفيات بونتو فمش عارف نظام التقسيط بتعاها هيمشى معايا ولا ايه
والف شكر على النصيحه
غالبا كده انا شلت فكرة الصينى من دماغى

متشكر للمروكم جميعا

منتظر باقى الاراء
وياريت لو فى عربيات تانى
تكون بالمواصفات الاتيه
- اتو
- الشكل الخارجى والداخلى كويس ينفع لشب
- تكون معمره ( هجبها قسط 5 سنين يعنى عاوز العربيه تانى معايا على الاقل 10 سنين ) وبعد كده افكر اغيرها
-----------------
تحياتى للجميع
انتظر باقى الاعضاء

[moro2moro]

انا اعتقد مفيش frv كلو كروس دلوقتى
ثباتها حلو جدا وتسارعها كويس جدا برضه
صوتها مش عالى ومش واطى
شنطتها طبعا مش كبيرة لانها هاتش ولكن مقبولة يعنى هتكفيك
انا صاحبى معاه fsv وهيا بتشترك مع الكروس فى كل حاجة فرق الشنطة و الجنوط


الموتور (قوة واستهلاك بنزين): 1500 قوة معقولة اوى وبتاع سرعات عالية مش طلعه قوية لان العربيه وزنها تقيل فعلا و استهلاك بنزين هايل موفرة يعنى مثلا تروح اسكندريه صد رد من غير لف كتير 50 جنيه بنزين وده لو بتجرى 160 و 180
لكن لو على مهلك هتستهلك 5 او 6 ليتر كل 100 كيلو ودى ارقام حقيقيه مش كلام كتالوجات

العفشه و الثبات: عفشة ناشفه شويتين بس بتديك راحة عاليه فى طرق السفر وثبات رهيب بتحس بيه اوى على الطرق السريعه

التوكيل (خدمة واسعار) : التوكيل غالى بس خدمه متميزة ويعتبر افضل توكيل (البفاريه) وجهة نظر

قطع الغيار (توافر واسعار) : قطع الغيار غاليه بس معمرة وخد بالك اى عربية مهما كانت سعر قطعه الغيار الاصليه غاليه بس اللى بيحسس الناس بالفرق الانتشار وتوافر اكتر من مستوى لقطعه الغيار


التكييف: مش فى قوة العربيات الكورى و اليبانى بس انا شيفو معقول جدا لانو مبياثرش على السحب تقريبا

الوسع: ممتازة

الصاج: ممتاز وتقيل اوى

الاعتمادية: اعتقد دى بتبان بعد 4 سنين ولا حاجة علشان نحكم لكن دى مبقالهاش سنتين أو تلاتة بس عن تجربة شيل من دماغك موضوع ان البريلليانس صينى
يعنى لو لقيت ان العيب الوحيد فيها انها صينى هاتها لانها بجد عربية هتحس معاها انك راكب حاجة عاليه فى الثبات زى الجولف كدة
وفى النهايه ربنا يوفقك للى فيه مصلحتك
ولو عاوز ممكت تشوف الجاك أو الامجراند الناس بتشكر فيهم بس أنا ماعنديش معلومات عنهم لأن الايمجراند لسة ماداستش على الارض

[J@M@!CA]

Renault Sander Stepway ......shoftaha !!

[hamaka]

المشاركة الأصلية كتبت بواسطة MR/E بسم الله الرحمن الرحيم السلام عليكم ورحمة الله وبركاته ------- يا جماعه عاوز اشترى عربيه دى هتكون اول عربيه ليا الميزانيه 85 الف جنيه المطلوب : عربيه هاتشباك شكلها من بره كويس شكلها من جوه كويس اعتماديه مش هغير عربيه كل يوم الفلوس مش بتيجى بالسهل معلومه انا اساسا هجيب القسط ممعيش غير ال 45 الف مقدم وهقسط الباقى ان شاء الله المهم انا شوف العربيات ال فى الفئه دى الــ هما فيرنا / لانوس / بى واى دى / ساجا / اسبرنزا / رينو ساندرو و لوجان / برليانس اف ار فى انا مش مقتنع اساسا ب الفرينا و اللانوس الساجا شكلها كويس بس انا ميال اكتر للهاتش باك شوفت الرينو ساندرو الاتو بتاعها ب 83.5 العربيه من بره عجبنى شكلها لكن من جوه عربيه فقيره جدا جدا شوفت الــ بريليانس اف ار فى نفس تمن ال ساندرو بس الــ بريليانس تحس انك دافع فلوس العربيه من جوه من وبره شكلها كويس فانا عاوز اعرف ايه رايكو فى الــ اف ار فى العربيه هتيعش معايا ( انا مش بجرى والمشاوير مش هتبقى كتير وهحافظ عليها قد مقدر ) اعتماديه ممكن تعد 10 سنين ؟ لان انا هجبها قسط 5 سنين يعنى بعد 5 سنين يعتبر العربيه هتبقى بعتى رسمى على الاقل تعد معايا 5 سنين كمان ياريت الناس الــ عندهم خلفيه عن العربيه دى يفدونى وقريت على النت ان المتور بتعها يبانى و فيها حاجات المانى هل الكلام ده صحيح ولا ايه ؟ عاوز اعرف بتتباع فين فى اسكندريه عشان لو كده انزل اخلص فيها قبل العيد ايه الفرق بينها وبين ال اف ار فى كورس من حيث الشكل اسف على الاطاله الرجاء المساعده فى اسرع وقت تحياتى للجميع والسلام عليكم ورحمة الله وبركاته

كنت عايز أعرف عملت ايه و اشتريت ايه عشان أنا حالياً فى نفس حيرتك بالضبط و امكانياتى زيك تماماً