عربيتك نوعها إيه ؟؟؟

[miam0502788391]

الحمد لله هيونداى اكسيل 1500 كورى اكتر حاجه عاجبانى فيها رخص قطع غيارها مش مكلفة خالص ناعمة سلسلة الى حد ما اكتر حاجه مديقانى فيها واطية ولازم لازم لازم تاخد اى مطب براااحة وعلى مهلك خصوصا خصوصا لو فيه اوزان تقيلة فى الكنبة الخلفية

[ahmedraafat00]

انا عربيتى جيب شيروكى 1994
2600 سى سى
نبدأ بالصور









العربيه فيها تكييف و كاسيت و سنتر لوك و دركسيون باور و فتيس اضافى "غرز" و فرش جلد
والسحب و الشد بتاعها جبار فوق الوصف و مريحانى انى حاسس انى راكب دبابه يعنى ادخل بيها فى حيطه واخرج من الناحيه التانيه و الثبات ممتاز ومش محتاج كلام
عيوبها: قطع غيارها غاليه و بتستهلك بنزين كتييييييييير و مش اى ميكانيكى يشتغل فيها و خصوصا الكهرباء

أما بقى حلمى أركب ايه:
حلمى أركب جراند شيروكى
أصل اللى يركب امريكانى صعب انه يسيبه بسهوله

[مصطفى السيد]

الحمد لله عربيتى اونو وجميله جدااااااااا بس عاوز اغيرها بكيا برايد عشان التكيف الجو حر على العيال بس معرفش الاوتومتك بتعها اخباره ايه

[mon7aref]

انا معنديش عربيه
بس عربية ابويا فولكس جيتا
و ممنوع اركبها غير من وراه رغم اني بسوق احسن منه

و انا اصلا سارق المفتاح التاني من يوم ماجابها و هو مش واخد باله
و فاضلها شويه و هاخليها عربيه كارو من كتر اللي بعمله بيها

[alymonir]

المشاركة الأصلية كتبت بواسطة mon7aref انا معنديش عربيه بس عربية ابويا فولكس جيتا و ممنوع اركبها غير من وراه رغم اني بسوق احسن منه و انا اصلا سارق المفتاح التاني من يوم ماجابها و هو مش واخد باله و فاضلها شويه و هاخليها عربيه كارو من كتر اللي بعمله بيها

حرام عليك كدة
لازم تقوله طبعا