ارشيف الاستراحة 2011

[HaMaDa-ToUBaR]

الف الف حمد الله ع السلامة ي استاذ حازم انا ملحقتش يا راجل يا طيب اتعرف بيك قد كدة بس ربنا عالم انا بعزك قد اية

ونورت المنتدى من تانى وواحشنا جدا

[memodina1]

المشاركة الأصلية كتبت بواسطة mido_00750 يعنى انا مكنتش عايز اقول المكان وانت قولت ،ده غير اماكن كتير غيرها ، بس انا مش عايز اتكلم ، انا كنت فى عين شمس برضوا ، ويعدين انت فين من الصبح وسايبنى بحارب لوحدى ، ينفع كدة ؟؟؟

فعلا هى حرب بس حرب نفسية الواحد بقى شغال عشان يدوب يصرف على نفسة ما معلش مكونش عندى 26 او 27 سنة واقول لابويا عايز فلوس وبالرغم من كدة بقولة والله وباخد منة واييييية دا انا بقولة لنفسى فما بالكم بقى لما اقولة عايز ااكل مراتى هات فلوس يا جماعة مش عشان انتوا اتجوزتوا يبقى الموضوع سهل لاة ايجار وهنقول ماشى ب 500 جنية واكتر هنقول ماشى طيب كمان تقولى بعد 3 سنين يا تطلع برة يا ازود الايجار يعنى اللى زدتة فى المرتب هدفعة تانى ايجار هه اعقلوها بالعقل ومعلش للناس اللى بتقول هتلاقى الدنيا اتفتحت معاك واتجوزت مش عارف ازاى معلش برضة الرسول ص قال اعقلها وتوكل مقلش انى معيش ااكل نفسى واقول اتجوز لاة اعقلها وتوكل لو غلطان صححولى وهفضل اقول شعارى يبقى انت اكيد فى مصر
وبعدين يا صديقى الناس مش مقطنعة لية انا حلفان احارب معاك لحد ما الناس تقطنع

[الكشفى]

حازم باشا الف حمد لله على سلامتك ومستنينك فى موضوعات

[nawwara]

المشاركة الأصلية كتبت بواسطة memodina1 فعلا هى حرب بس حرب نفسية الواحد بقى شغال عشان يدوب يصرف على نفسة ما معلش مكونش عندى 26 او 27 سنة واقول لابويا عايز فلوس وبالرغم من كدة بقولة والله وباخد منة واييييية دا انا بقولة لنفسى فما بالكم بقى لما اقولة عايز ااكل مراتى هات فلوس يا جماعة مش عشان انتوا اتجوزتوا يبقى الموضوع سهل لاة ايجار وهنقول ماشى ب 500 جنية واكتر هنقول ماشى طيب كمان تقولى بعد 3 سنين يا تطلع برة يا ازود الايجار يعنى اللى زدتة فى المرتب هدفعة تانى ايجار هه اعقلوها بالعقل ومعلش للناس اللى بتقول هتلاقى الدنيا اتفتحت معاك واتجوزت مش عارف ازاى معلش برضة الرسول ص قال اعقلها وتوكل مقلش انى معيش ااكل نفسى واقول اتجوز لاة اعقلها وتوكل لو غلطان صححولى وهفضل اقول شعارى يبقى انت اكيد فى مصر وبعدين يا صديقى الناس مش مقطنعة لية انا حلفان احارب معاك لحد ما الناس تقطنع

خلينى اصححلك انا ..
كل انسان بيحسب اى امر مقبل عليه بعقله وبس عمره ما هاينجح , طب قولى .. فين التوكل على الله؟ فين تفويض الامر ليه؟ , طب بلاش دى ..
عايز تقولى انك لو حبيت تتقدم لواحدة بامكانياتك الضعيفة وأهلها رفضوا هاتفضل تدور الى ما لا نهاية مثلا؟ , ولا لو لقيتها مثلا مش هاتعرف تعيش باللى معاك؟ ..
طب ليه دايما لما بتحسبوها , تحسبوها بالقرش والمليم فقط؟ , ليه ماأضفتش حسابات ربنا؟ .. احنا دايما بنقول (أحنا متوكلين على الله) لكن الواقع غير كده .. (احنا عندنا يقين بالله) بس مش باين ..
إلى كل الشباب المكتئب , (تفائل خيرا تجده) .. دى مش مجرد عبارات رنانة وبس , فكر فيها بتمعن ..
ربنا سبحانه وتعالى لما قال (انا عند ظن عبدى بى) , يعنى بيقولك يا عبدى لو ظنيت فى خير هاتلاقى الخير جاى لك ولو ظنيت فى غير الخير بردو هاتلاقيه ..
عارف معنى ده ايه , ان الموضوع مش بس حسابات بالعقل , ده معتقد عن الله تعالى , يعنى لما تحسبها بعقلك وتقول مش هاعرف اتجوز بالوضع اللى انا عليه وخلاص على كده , يبقى ده اللى هايحصلك لأن هو ده ظنك بالله , لكن لو ظنيت ان حالك كله ربنا هاييسره لانه تعالى اعلم باللى جواك وانك فعلا تريد العفاف يبقى ربنا هايجوزك من عنده بمعنى الكلمة وهاتلاقى امورك كلها ميسرة تماما على عكس حساباتك تماما لدرجة انك ممكن تكلم نفسك وتقول انا مش عارف الموضوع مشى ازاى واتجوزت فعلا سبحان الله , ممكن تلاقى نفسك بتضرب كف على كف من الاستعجاب , كل ده يعتمد على الظن بالله واليقين به ..
شوف انت من جواك ايه اللى بتعتقده فى ربنا , هاتقولى ظنى بالله حسن طبعا , طب ظنك الحسن ده عن يقين؟ , لو عن يقين بالله تعالى وثقة فى كلام ربنا , مش هانشوف منكم - يا شباب يا مكتئب - الكلام التشاؤمى ده ولا هانشوف النظرة السوداوية دى للزواج ..
طب لما ربنا سبحانه وتعالى اقسم على نفسه انه هايساعد كل من يريد العفاف , واحنا طبعا عارفين ان كلام الله تعالى منزل , يعنى مافيهوش غلطة , يعنى حق , يعنى هايحصل هايحصل , فضلا عن كونه مؤكد من الله تعالى .. ليه ايها الشباب المكتئب لما حسبتوها ماحطيتوش الكلام ده فى بالكم؟
لو حطيتوه مش هاتفكروا بالاسلوب ده ..
طالما بتشتغل وبتاخد مرتب - حتى لو ضعيف ومايكفيش ايجار واكل وشرب - يبقى تقدر تتجوز ..
طبعا هاتقولى مستحيل .. هاقولك مافيش مستحيل على الله ده اولا ..
ثانيا : بحسابات العقل البشرى القاصر , عمرنا ماهانتجوز ولا هانشوف جواز , لو اضفنا ليها بس حسابات ربنا - اللى احنا عمرنا ما نعرفها ولا عقلنا يقدر يتوصل لها - , يبقى مؤكد الزواج ممكن وبامكانيات ضعيفة جدا ..
ولو فكرت فى يوم تتقدم لواحدة وأهلها رفضوك لضيق حالك , ألف من يرضى بك بظروفك , حتى لو فشلت خمسين مرة لازم مرة منهم تصيب , لانك مش بتتعامل مع الناس وبس , انت بتتعامل مع الناس ورب الناس اللى خلقهم وقدر المقادير وقسم ارزاقهم من عنده سبحانه ..
وبمناسبة الرزق عايزة اقولك قول النبى صلى الله عليه وسلم (ان العبد ليحرم الرزق بالذنب يصيبه)
, والزواج رزق , وممكن الرزق ده يكون متأخر عننا بسبب ذنوبنا , فلازم بردو الواحد يحط فى الاعتبار انه يتقرب لله تعالى ويتوب عن ذنوبه السابقة , عشان ربنا يرزقه ويكرمه .. ولا ايه يا جماعة ..

[Devill Blood]

السلام عليكم ورحمة الله بقالى فترة مش بدخل بسبب الكلية مرهقة وياريت تسامحونى
حبيت أنصح أى شخص فى الموضوع ده قبل ما يدبس ويشترى سامسونج وهاقولكم قصتى مع هذه الشركة الكورية الفاشلة

كانت بديتى مع سرقة موبايلى LG 500KP وكان موبايل جميل الصراحة وكان عيبه هو إنه مش 3g والتاتش بتاعه ثقيل شوية لكن الصراحة كان موبايل كويس أوى وكان رائع فعلا خصوصا تمنه 500 جنية وتقفيل كورى أصلى وضمان سنة.

ماشى زعلت عشان أتسرق بس قلت قدر الله وما شاء فعل المهم كلمت الوالد يجيب لى موبايل وحطيت عينى على الـ LG بس حاجة أعلى والصراحة لاقتها شركة محترمة,المهم الوالد قفلها لى من ناحية الـ LG وصمم يجيب لى samsung وقلت له لا ولكن مفيش فايده.خصوصا إنى أول مرة أجيب سامسونج ومفيش ضمان عشان من الخارج

أشتريت الـ samsung من الخارج ب 1400 جنية
وكان نوعه

SAMSUNG 723E WAVE

بصراحة أنبهرت من مواصفات الموبايل خصوصا إن أى موبايل فى الفئة دى من نوكيا مش أقل من 3000 جنية وعلى الأقل كورى




هاقول الأول مميزاته

الموبايل 3G
كاميرا 5 ميجا تصوير عالى مع فلاش
فتحة 3.5 mm للسماعة يعنى مش محتاج أدور له على سماعات
يشيل حتى 16 جيجا ميمورى
دقة الألوان معقولة بس مش ممتازة
تاتش حساس جدا وده اللى عجبنى فيه
ظهره من الألومنيوم وخاماته نظيفة
فيه تطبيقات إسلامية جميلة ذى المصحف
وإتجاه القبلة وحساب الزكاه

عيوبة
نظام BADA سئ جدا مش معروف وملوش تطبيقات غير من موقع الشركة ولكن الصراحة أحسن من نظام نوكيا
GPRS معرفتش أشغله
تصنيع فيتنامى وليس كورى
الصوت متوسط

يعنى فى المجمل محدش يقدر يتكلم يعتبر كويس جدا.
الموبايل فضل معايا كويس لمدة شهرين ثما بدأت المأساه,.
صحيت من النوم لقيت الموبايل قطع صوت تماما وأجيبه يمين شمال مفيش صوت والسماعة الأمامية شغالة ولكن الرئيسية لا وبالصدفة بخبطه على ظهره أشتغل وبعدين فصل وهكذا,
المهم خدت الموبايل ورحت للتوكيل وعايز أقولكم مش على مستوى خالص
قالى السماعة أتحرقت ياباشا وهاتكلفك 180 جنية
طيب ياعم الحج ده جديد يقولك أصل ده عادى جدا وأى حاجة معرضة تبوظ,ياعم الحج ده مكملش شهر؟مفيش رد المهم قلت يلا يا واد أعتى الأجهزة بتبوظ من غير ولا سبب ,المهم سألته وهايبقى كويس؟قالى هانديك ضمان 3 شهور على السماعة!!!!!!الأصلية!!!!! ! 3 شهور قلت يا خبر أسود يعنى أنتو كمان مش ضمنين السماعة 3 شهور يعنى كل 3 شهور أغير سماعة ب180+ بيقولك كمان ممكن مش يلاقوا السماعة هنا ويسفروه لمصر والتكلفة تزيد

حبيت أعرفكم إنه مش تجربتى لوحدى وكل الناس هناك بتشتكى من سامسونج الفاشل وخلى بالكم من العالم دى والكلام ده مش معناه متجربش حاجة جديدة لا ولكن الأول لازم تجرب فى حاجة رخيصة قبل ما تدبس.