ارشيف الاستراحة 2011

[memodina1]

المشاركة الأصلية كتبت بواسطة mido_00750 حبيبي واخى وصديقى العزيز ابو نورا ، عايز اقول الاول يا جماعة ان انا وابو نورا متفقين من زمان ( على اننا لن نتفق ) مش بتنفق فى شئ . والنساء اللى من النوع ده بقى نسبته قليلة جدا جدا جدا ، بدليل انى فى عنوسة ، وكان فى دراسة من حوالى سنة انى .......الف ( مش فاكر الرقم عشان مفتيش ) بينتحره بسبب العنوسة فى السنة ، يبقى اسمحلى الجزء الاول من مشاركتك توجه للبنات مش الشباب . بالنسبة للشغل ياريت حضرتك تشوف وتنزل لأرض الواقع ( انا بتكلم دلوقتى ) وتعرف اللى بيتشغل حاله ايه مرتبه بيكافيه هو ولالا . مش حنتكلم على القطاع الحكومى لا القطاع الخاص صديقى مهندس مكانيكا باور : راح يعمل شاى رئيسه فى العمل ، اقوله انا حففك ب2 مهندسين عشان لو روحت تعمل شاى حد يكون مكانك موجود . صديقى محاسب : مديره قاله انت بتخش الحمام كتير ، ممنوع عنك الحمام او تمشى من المكتب . صديقى فى شركة تخليص جمارك : اشترى الشقة ، وخلها زى الفل وكتب الكتاب وقبل الفرح بيوم اترفد . صديقى خريج علوم قسم بيولوجيا ( الحث عن البترول ) : شغل فى التسويق بالعمولة ويا عالم . صديقى محامى : بقاله سنتين / بس بيحمد ربنا ان مرتبه زاد وبقه 250 جنية . ده غير الاهانات . وهاهو القطاع الخاص ( زمان الناس كانت بتقدر بعضها ، دلوقتى الناس بدوس على رقبت بعضها ) انا مش حتكلم عن المشاكل النفسية بعد الجواز بسبب الفلوس انا حتكلم انك معاك روح أو روحين لو فى طفل ، انت راجل ممكن تستحمل اى حاجة لكن اللى معاك زنبهم ايه ( لو مفيش زاد يوم واحد ) ؟؟؟؟؟؟

لتانى مرة اقولك انت بتقول الصح واللى المفروض يتقال فعلا والله كل اللى فى نفسى بتقولة مع احترامى لاراء الاخرين الجواز بقى صعب والمعيشة غالية والمرتب زفت ومعلش انا جربت حسب ما استاذة مرمر قالت اشتغل شغلانتين يا استاذة انا بصحى الساعة 6 صباحا على ماروح الشغل بتبقى 8 انتى عارفة المواصلات هشتغل 8 ساعات الساعة 4 اروح البيت استريح ساعة بس اكل فيها واطلع على الشغل التانى اللى هو من الساعة 6 مثلا اروح الساعة 2 عقبال ما اركب واروح البيت فيها نصف ساعة اغير واشطف وشى بقت الساعة 3 بليل انام من 3 الى 6 يعنى 3 ساعات فى اليوم نوم بسسسس طب انا متجوز عشان اقعد مع مراتى ولا ارميها فى البيت واجى انام ساعتين واقوم حرااااااااااااااااااااااا اام برضة اعقلى الكلام هتلاقينى صح

[dr.wael7yran]

اولا :
هات كل الناس اللي اتجوزوا و اسأل كل واحد منهم لما عقد النية بجد ايه المعجزات اللي حصلتله و موش هتصدق نفسك ..
و صاحبك اللي اتمنع من دخول الحمام لو نوى بجد هيديلوه فلوس على دخول الحمام
انوي انت بجد و موش هتصدق نفسك و ال 60 الف هتجمعهم و انت مرتبك 500 حنيه و متسألش ازاي لانها بركة من عند ربنا ..
ثانيا الاسعار اللي في اول الموضوع ده رخيصة جدا ممكن اشحن عروستين ديليفري ؟؟؟؟؟

[alymonir]

المشاركة الأصلية كتبت بواسطة AboNoRa يا بنى ما فى ارض الواقع برضو شباب خاطبين ومقضينها حب ومكالمات فى التليفون وقعاد على النت وعايزين ربنا يكرمهم طب منين وانت قاعد تحب وتلعب وواحد تانى زيك قاعد يجمع الكئابة من العالم كله ويتخيل ان كل مصيبة حصلت لغيرة هتحصلة فلا يشتغل ولا يسعى ويقعد مكئتب فى البيت ويقول هتجوز منين ماحنا قولنا السعى عليك والرزق على اللى خلقك وبعدين فيها ايه لما صاحبك اترفد فى الشغل وهو على وش جواز انا قعدت من الشغل وانا لسه متجوز جديد ورجعت قعدت من الشغل وانا متجوز وفاتح بيت وعندى عيال وربنا فى كل مرة بيرزق وبتعدى وزى ما الواحد بيشوف ايام صعبة فى حياتة حتى لو مش متجوز بيشوف ايام صعبة وهو متجوز او بيتجوز وكل ده بيهون وبيعدى والدنيا بتمشى المهم الراجل يسعى ويجتهد وربنا مبيضيعش اجر عامل ولا مجتهد عنْ أَبِي هُرَيْرَةَ رَضِيَ اللَّهُ عَنْهُ ، عَن ِالنَّبِيِّ صَلَّى اللَّهُ عَلَيْهِ وَآلِهِ وَسَلَّمَ , قَالَ : " ثَلاثَةٌ حَقٌّ عَلَى اللَّهِ أَنْ يُعِينَهُمُ : الْمُجَاهِدُ فِي سَبِيلِ اللَّهِ ، وَالنَّاكِحُ يُرِيدُ أَنْ يَسْتَعِفَّ ، وَالْمُكَاتَبُ يُرِيدُ الأَدَاءَ " هَذَا حَدِيثٌ صَحِيحٌ عَلَى شَرْطِ مُسْلِمٍ شوف يا اخى لفظ الحديث حق على الله يعنى ربنا بيتوعد لك وبيلزم نفسه سبحانة باانه يقف جمبك فى 3 حالات الجهاد فى سبيل الله والسعى لاداء الدين والسعى فى الزواج بغرض العفة والصلاح فتاكد لو نيتك مع الله سليمة وعايز تفتح بيت وتعف نفسك وزوجتك وتربى اولاد على طاعة ربنا ربنا هيرزقك الزوجة الصالحة والزرية الصالحة وبرضو مش بقول ان الدنيا سهلة ولذيذة بس بقول ان ديه طبيعة حياة الراجل صعوبات وكفاح وبناء وارتقاء الرجولة مش سهلة يا اخ ميدو .... شكلك مبترشبش بريل

الله عليك يا أبو نورا
:clapW1 5:

[nawwara]

dr.wael7yranاولا :
هات كل الناس اللي اتجوزوا و اسأل كل واحد منهم لما عقد النية بجد ايه المعجزات اللي حصلتله و موش هتصدق نفسك ..
و صاحبك اللي اتمنع من دخول الحمام لو نوى بجد هيديلوه فلوس على دخول الحمام
انوي انت بجد و موش هتصدق نفسك و ال 60 الف هتجمعهم و انت مرتبك 500 حنيه و متسألش ازاي لانها بركة من عند ربنا ..

كلام حضرتك 200% صح , وعن تجربة مع اخى الكبير
لما نوى الزواج وماكانش معاه مليم , يعنى مش هانقول مثلا كان محوش قرشين على جنب , لا ده ماكانش معاه حاجة خالص , هى وظيفته وبس , ومرتبه كان عادى , بس لما نوى ربنا رزقه بشقة تمليك وتوضيب لوكس وسيراميك وعفش كويس وكل ده عمل 70000 تقريبا ..
وبعد زواجه بمدة بسيطة اترفد بردو زى ما الاخ ميدو قال على صاحبه , ولكن سبحان الرزاق , اشتغل وساب الشغل كتير , ومع ذلك ربنا كرمه وعايش والله بياكل احسن مننا فى البيت , وهو اصلا مش من النوع اللى بيعرف يحوش لا هو ولا مراته , ومع ذلك عايش زى الفل ..
لو سيبتها على الله مؤكد ربنا هايرزقك وهاتتجوز وتبقى احسن من غيرك كمان , انما لو قعدت تحسبها بالورقة والقلم يبقى معلش يعنى انت مش متوكل على الله حق التوكل , كل ما عليك السعى فقط وماتفكرش الرزق هاييجى ازاى , لانه جاى جاى باذن الله ..
قال رسول الله صلى الله عليه وسلم ( لو أنكم تتوكلون على الله حق توكله لرزقكم مثلما يرزق الطير تغدو خماصا وتروح بطانا )


انا اتفق تماما مع الاستاذ ابو نوارة فى كل كلامه , وانا اعرف ناس كتير والله مرتبهم ماجابش ال1000 جنيه وعندهم اولاد فى مراحل دراسية مختلفة , ومع ذلك عايشين , وعيشة كويسة يعنى مش اى كلام ,هاتسألنى ازاى , هاقولك فى رب اسمه الرزاق مش هايخليك تفضل شايل الهم على رزق عيالك ..
وبالنسبة للوحش اللى غطى على الحلو , معلش اسمحلى .. فى بنات بتطلب طلبات كتير اه انما فى المقابل فى بنات بترضى بالقليل ودول مش قليلين ..
وبعدين فى حاجة كمان , مش كل بنت طلباتها غالية مش بالضرورة تكون هى اللى عايزة كده , يعنى احيانا بتكون البنت راضية بالقليل لكن اهلها على عكسها وهى ليس بيدها شئ ..
فى النهاية يا جماعة عايزة اقول ان : اللى عايز يتجوز ايا كان دخله , يتوكل على الله ويمشى فى الموضوع ووالله العظيم ربنا هايكرمه جدا , بس ما عليه الا السعى ويسيب الرزق على الله تعالى

[mr_astra]

عمر الموضوع ما يتحسب كدة
انت قلت كل الحاجات اللى على البشر ولكن نسيت اللى على رب البشر
ويكفينا ذكر ان الله عز وجل قطع عهد على نفسة انة بجوار اللى عاوز يتجوز
فى حسابات تانية ربانية مش ممكن نقدر نحسبها