ارشيف الاستراحة 2011

[alymonir]

المشاركة الأصلية كتبت بواسطة AboNoRa الله يفتح عليك يا عم على انا لسه بدور على الحديث ده وتخريجة عَنْ مُحَمَّدِ بْنِ سِيرِينَ عَنْ أَبِى الْعَجْفَاءِ السُّلَمِىِّ قَالَ سَمِعْتُ عُمَرَ بْنَ الْخَطَّابِ رَضِىَ اللَّهُ عَنْهُ يَقُولُ :" إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ -صلى الله عليه وسلم- أَوْلاَكُمْ بِهَا مَا نَكَحَ رَسُولُ اللَّهِ -صلى الله عليه وسلم- شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا وَإِنَّ أَحَدَهُمْ لَيُغَالِى بِمَهْرِ امْرَأَتِهِ حَتَّى يَبْقَى عَدَاوَةً فِى نَفْسِهِ فَيَقُولُ : لَقَدْ كُلِّفْتُ لَكِ عَلَقَ الْقِرْبَةِ " . رواه الخمسة وأحمد والحاكم وزالبيهقى واللفظ له وغيرهم وصححه الشيخ الألبانى رحمه الله وعن عائشة رضي الله عنها عن النبي صلى الله عليه وسلم قال : أَعظم النساء بركة أَيسرهن مؤنة كلام مرمر مظبوط طبعاً لان رسول الله صلى الله علية وسلم نصحنا فى سنتة بتحرى الايسر مؤنة يعنى بالبلدى اللى طلباتها وطلبات اهلها مش كتير ووعدنا ان النساء ديه اكثرهن بركة ورزقاً وانا اشهد باللى شوفته فى اصدقاء لى كتير ومنهم اللى اهله كانو سايبنلة شقة ومجوزينة جوازة تسليم مفتاح وبرضو فشلت الجوازة وشوفت جوازات اتلمت واتعملت على الضيق ونجحت وربنا باركلهم وبدل حالهم بافضل حال بعد كده ورزقهم من وسع انا مبقولش الجواز سهل ولذيذ بالعكس الجواز لازم يكون صعب لان ده اول اختبار جدى لكل شاب بيثبت فيه لنفسه وللمجتمع انه راجل بجد وقد المسئولية والجواز زى اى حاجة انت كشاب عايز تعملها فى حياتك محتاج تدبير وتفكير وجمعيات وسلفيات وتزنق نفسك وتحرم نفسك من حاجة علشان حاجة وفى الاخر تلم نفسك ولو كل ده معاه زوجة او خطيبة عايزة تعيش وبتلم الدنيا معاك اكيد الجوازة هتنجح ده اولاً ثانياً الشباب بتقول طيب بعد الجواز العيشة هتبقى عاملة ازاى واسمحولى اقولكم ببساطة مش شغلة حضرتك ايوة مش شغلتك تدبير الرزق شغلتك بس السعى للرزق والباقى عند ربنا انت دلوقتى وانت قاعد فى بيتكم ليك رزقك بس ربنا بيبعتهولك مباشره او عن طريق اهلك لكن اول ما تتجوز كانك فتحت حساب خاص باسمك وصدقنى من اول يوم ربنا هيبعتلك رزقك ورزقها واول ما ربنا يرزقك بمولود تاكد ان ربنا هيبعت رزقة برضو من كان رزقه على الله فلا يحزن فالله خير الرازقين

[mido_00750]

المشاركة الأصلية كتبت بواسطة AboNoRa الله يفتح عليك يا عم على انا لسه بدور على الحديث ده وتخريجة عَنْ مُحَمَّدِ بْنِ سِيرِينَ عَنْ أَبِى الْعَجْفَاءِ السُّلَمِىِّ قَالَ سَمِعْتُ عُمَرَ بْنَ الْخَطَّابِ رَضِىَ اللَّهُ عَنْهُ يَقُولُ :" إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ -صلى الله عليه وسلم- أَوْلاَكُمْ بِهَا مَا نَكَحَ رَسُولُ اللَّهِ -صلى الله عليه وسلم- شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا وَإِنَّ أَحَدَهُمْ لَيُغَالِى بِمَهْرِ امْرَأَتِهِ حَتَّى يَبْقَى عَدَاوَةً فِى نَفْسِهِ فَيَقُولُ : لَقَدْ كُلِّفْتُ لَكِ عَلَقَ الْقِرْبَةِ " . رواه الخمسة وأحمد والحاكم وزالبيهقى واللفظ له وغيرهم وصححه الشيخ الألبانى رحمه الله وعن عائشة رضي الله عنها عن النبي صلى الله عليه وسلم قال : أَعظم النساء بركة أَيسرهن مؤنة كلام مرمر مظبوط طبعاً لان رسول الله صلى الله علية وسلم نصحنا فى سنتة بتحرى الايسر مؤنة يعنى بالبلدى اللى طلباتها وطلبات اهلها مش كتير ووعدنا ان النساء ديه اكثرهن بركة ورزقاً وانا اشهد باللى شوفته فى اصدقاء لى كتير ومنهم اللى اهله كانو سايبنلة شقة ومجوزينة جوازة تسليم مفتاح وبرضو فشلت الجوازة وشوفت جوازات اتلمت واتعملت على الضيق ونجحت وربنا باركلهم وبدل حالهم بافضل حال بعد كده ورزقهم من وسع انا مبقولش الجواز سهل ولذيذ بالعكس الجواز لازم يكون صعب لان ده اول اختبار جدى لكل شاب بيثبت فيه لنفسه وللمجتمع انه راجل بجد وقد المسئولية والجواز زى اى حاجة انت كشاب عايز تعملها فى حياتك محتاج تدبير وتفكير وجمعيات وسلفيات وتزنق نفسك وتحرم نفسك من حاجة علشان حاجة وفى الاخر تلم نفسك ولو كل ده معاه زوجة او خطيبة عايزة تعيش وبتلم الدنيا معاك اكيد الجوازة هتنجح ده اولاً ثانياً الشباب بتقول طيب بعد الجواز العيشة هتبقى عاملة ازاى واسمحولى اقولكم ببساطة مش شغلة حضرتك ايوة مش شغلتك تدبير الرزق شغلتك بس السعى للرزق والباقى عند ربنا انت دلوقتى وانت قاعد فى بيتكم ليك رزقك بس ربنا بيبعتهولك مباشره او عن طريق اهلك لكن اول ما تتجوز كانك فتحت حساب خاص باسمك وصدقنى من اول يوم ربنا هيبعتلك رزقك ورزقها واول ما ربنا يرزقك بمولود تاكد ان ربنا هيبعت رزقة برضو من كان رزقه على الله فلا يحزن فالله خير الرازقين

حبيبي واخى وصديقى العزيز ابو نورا ، عايز اقول الاول يا جماعة ان انا وابو نورا متفقين من زمان ( على اننا لن نتفق ) مش بتنفق فى شئ .
والنساء اللى من النوع ده بقى نسبته قليلة جدا جدا جدا ، بدليل انى فى عنوسة ، وكان فى دراسة من حوالى سنة انى .......الف ( مش فاكر الرقم عشان مفتيش ) بينتحره بسبب العنوسة فى السنة ، يبقى اسمحلى الجزء الاول من مشاركتك توجه للبنات مش الشباب .
بالنسبة للشغل ياريت حضرتك تشوف وتنزل لأرض الواقع ( انا بتكلم دلوقتى ) وتعرف اللى بيتشغل حاله ايه مرتبه بيكافيه هو ولالا .
مش حنتكلم على القطاع الحكومى
لا القطاع الخاص
صديقى مهندس مكانيكا باور : راح يعمل شاى رئيسه فى العمل ، اقوله انا حففك ب2 مهندسين عشان لو روحت تعمل شاى حد يكون مكانك موجود .
صديقى محاسب : مديره قاله انت بتخش الحمام كتير ، ممنوع عنك الحمام او تمشى من المكتب .
صديقى فى شركة تخليص جمارك : اشترى الشقة ، وخلها زى الفل وكتب الكتاب وقبل الفرح بيوم اترفد .
صديقى خريج علوم قسم بيولوجيا ( الحث عن البترول ) : شغل فى التسويق بالعمولة ويا عالم .
صديقى محامى : بقاله سنتين / بس بيحمد ربنا ان مرتبه زاد وبقه 250 جنية .
ده غير الاهانات .
وهاهو القطاع الخاص ( زمان الناس كانت بتقدر بعضها ، دلوقتى الناس بدوس على رقبت بعضها )

انا مش حتكلم عن المشاكل النفسية بعد الجواز بسبب الفلوس
انا حتكلم انك معاك روح أو روحين لو فى طفل ، انت راجل ممكن تستحمل اى حاجة لكن اللى معاك زنبهم ايه ( لو مفيش زاد يوم واحد ) ؟؟؟؟؟؟

[AbOnOrA]

يا بنى ما فى ارض الواقع برضو شباب خاطبين ومقضينها حب ومكالمات فى التليفون وقعاد على النت وعايزين ربنا يكرمهم طب منين وانت قاعد تحب وتلعب

وواحد تانى زيك قاعد يجمع الكئابة من العالم كله ويتخيل ان كل مصيبة حصلت لغيرة هتحصلة فلا يشتغل ولا يسعى ويقعد مكئتب فى البيت ويقول هتجوز منين

ماحنا قولنا السعى عليك والرزق على اللى خلقك

وبعدين فيها ايه لما صاحبك اترفد فى الشغل وهو على وش جواز
انا قعدت من الشغل وانا لسه متجوز جديد
ورجعت قعدت من الشغل وانا متجوز وفاتح بيت وعندى عيال
وربنا فى كل مرة بيرزق وبتعدى وزى ما الواحد بيشوف ايام صعبة فى حياتة حتى لو مش متجوز بيشوف ايام صعبة وهو متجوز او بيتجوز وكل ده بيهون وبيعدى والدنيا بتمشى
المهم الراجل يسعى ويجتهد وربنا مبيضيعش اجر عامل ولا مجتهد

عنْ أَبِي هُرَيْرَةَ رَضِيَ اللَّهُ عَنْهُ ، عَن ِالنَّبِيِّ صَلَّى اللَّهُ عَلَيْهِ وَآلِهِ وَسَلَّمَ , قَالَ : " ثَلاثَةٌ حَقٌّ عَلَى اللَّهِ أَنْ يُعِينَهُمُ : الْمُجَاهِدُ فِي سَبِيلِ اللَّهِ ، وَالنَّاكِحُ يُرِيدُ أَنْ يَسْتَعِفَّ ، وَالْمُكَاتَبُ يُرِيدُ الأَدَاءَ " هَذَا حَدِيثٌ صَحِيحٌ عَلَى شَرْطِ مُسْلِمٍ

شوف يا اخى لفظ الحديث حق على الله
يعنى ربنا بيتوعد لك وبيلزم نفسه سبحانة باانه يقف جمبك فى 3 حالات
الجهاد فى سبيل الله
والسعى لاداء الدين
والسعى فى الزواج بغرض العفة والصلاح

فتاكد لو نيتك مع الله سليمة وعايز تفتح بيت وتعف نفسك وزوجتك وتربى اولاد على طاعة ربنا
ربنا هيرزقك الزوجة الصالحة والزرية الصالحة

وبرضو مش بقول ان الدنيا سهلة ولذيذة بس بقول ان ديه طبيعة حياة الراجل صعوبات وكفاح وبناء وارتقاء

الرجولة مش سهلة يا اخ ميدو .... شكلك مبترشبش بريل

[crime]

ده انتى كده يا مرمر كتبه اسعار رخيصه خالص
انا على حسبتى كات ربع مليون علشان بس الواحد يتجوز مستور
ده طبعا بالنسبه للناس اللى معندهاش شقه
صدق اللى قال اللى اتجوز خلاص اتجوز
انما الجيل الجديد يدينا ويديكوا طول العمر

[memodina1]

المشاركة الأصلية كتبت بواسطة mido_00750 ( الوحش خطى على الحلو لدرجة انه مش باين ) ملحوظة : دى وجهة نظرى انا ولا تنطبق على الكل .

كلامك صح مية المية ومنطقى ونفس اللى كنت عايز اقولة