|
#1506
20-11-2010, 09:43 AM
|
||||
|
||||
رد: أدب الرحلات
أنا والنادى المصرى
واخونا الصغير حسام البورسعيدى فكرنى بحكاية قديمة شوية ووقتها كنت طالب فى الجامعة اعتقد عام 1985 او قبلها او بعدها لا اتذكر تحديدا يعنى غالبا فى سنة تانية او اولى فى الكلية وكنا طلعنا معسكر اسبوع فى بورسعيد وكان أيامها النادى المصرى عنده فريق كرة قدم قوى جدا مستعد لالتهام اى فريق يقابله وهذا الفريق كان به لاعبين كبار جدا مثل مسعد نور وحمادة المصرى وجمال جودة وجمال الجندى واينو الكبير (ابو معتز اينو ) ولاعبين من ايران هما قاسم بور وعبد الرضا برزكرى وابو الدهب وحسام غويبة وغيرهم وكانو مستوليين على قمة الدورى استيلاء مابعده استيلاء (احتلال بعيد عنكو) وقاعدين ومتربعين ومدلدلين رجليهم كمان على قمة الدورى وكان الاهلى هو التانى على الدورى بفارق اعتقد 7 او 9 نقط مش فاكر عن المصرى وبينه وبين الزمالك اللى هو التالت نقطة واحدة والمصرى بعيييييييييييييد عن الكلام ده خالص وكانو بيعتبرو ان الاهلى دول شوية حرامية بيسرقو البطولات وخصوصا ان الاهلى السنة اللى قبلها كان سارق منهم الكاس بهدف لعلاء ميهوب فى الوقت القاتل وقالو ان الحكم ادى الاهلى وقت زيادة علشان يتعادل لانه كان مغلوب ثم ينتصر وهنا مربط الفرس وبداية المناقشة وكنت انا وشلتى كلنا اهلاوية وبعد فسحة فى بورسعيد جلسنا على احد المقاهى (اعتقد م كانش حسام اتولد لسه او مولود بس مفكرش فى موضوع القهوة ) وللاسف حين تحضر مناقشات الشباب تجد معظمها عن الكرة او البنات الا من رحم ربك وبدأ الحواروطبعا صوتنا عالى والناس كلها سامعانا احد اصدقائى / شفت ماتش امبارح آخر / بس الاهلى هياخد الدورى ان شاء الله ثالث / ياعم ده المصرى قاعد ومربع شكله كده هيعملها السنة دى انا وبكل تهور صعيدى لا أحسد عليه / مصرى مين ياعم هما دول فرقة ..... ولا هياخدو الدورى ولاعمرهم هيشوفوه حتى رابع / بس هما ألأول وبعيد عن الاهلى والزمالك انا / ولو ...برضه مش هياخدوه ....دى مش فرق بطولات... دول آخرهم يشمو نفسهم يومين ..ويجيبو ورا بعد كده (طبعا كلام غير منطقى فى ظل ظروف الدورى وقتها لكنه كلام مستفز ) ولقيت واحد ضخم صوته غليظ ولا على الشريف الممثل قام من الترابيزة اللى جنبنا وحط ايده على كتفى وقال / اسكت ياد انت ....وبطل الهرتلة اللى بتقولها دى كل الشلة سكتت لكن انا مبسكتش وقلت / نزل ايدك دى ... ومتقولش هرتلة ورميت ايده من على كتفى بعصبية فقال بزعيق / هناخد الدورى غصب عنكو..... وأى اهلاوى ابن ...... هطلع تلاتة ......هنا ولم يرد أحد وانا لم أسكت وقلت / اولا عيب تشتم ناس ضيوف عندك ثانيا دى كورة هنتخانق عليها ليه ؟؟؟؟؟؟؟ و..رد عليا بكل وقاحة / برضه مش هتاخدو الدورى ياولاد .... وزقنى وقعنى على الارض وزمان كنت معجب بنفسى وبجسمى ومحدش يخوفنى روحت قايم وناولته بالبوكس ف وشه ..... وزقيته وقعته على الأرض واتلم علينا الناس لكن مش علشان يحوشو بيننا لكن علشان يضربونا وزمايلى زوغو وانا أخدت بوكسين ولقيت نفسى لوحدى فجريت لكن فوجئت بمنظر عجيب اكتر من 20 واحد بيطاردونى .... ولا اجدع حرامى فى مولد ودخلت وسط منطقة كلها مساكن شعبية اعتقد كان اسمها صالح سليم زمان معرفش بقى اسمها ايه دلوقت ؟؟؟ وعلشان اتوه الفريق اللى بيجرى ورايا اضطريت انى ادوس بنزين وفتحت السرعة فى الجرى وقررت الف كام لفة حوالين عدد من العمارات ودخلت واحدة فيهم وخبطت على شقة فى الدور الأرضى فتح لى راجل طيب لازلت اذكره مالك يابنى فى ايه ؟؟؟؟؟ الحقنى ياعم الحاج هيقتلونى مين دول ؟؟؟؟ دخلنى الأول اتفضل واترميت على اول كرسى واخدت نفسى وبعد م استريحت سألنى / مالك فى ايه ؟؟؟ الكورة مالها بنتكلم فى الكورة وانا وزمايلى قاعدين على القهوة وبعدين جات سيرة النادى المصرى وقلت كلام معجبش الناس واتلمو عليا عايزين يضربونى ضاحكا / وانت يابنى مش عارف جنون الناس هنا بالكورة ؟؟؟؟؟؟؟؟ (وقتها لم يكن فريق فى مصر له مشجعين مجانين مثل مشجعى المصرى وكان اى فريق رايح بورسعيد دائما مصحوب بدعوات الوالدين وكميات رهيبة من الأمن وخصوصا الأهلى / الأن ولله الحمد انتشر الجنون ) ياحاج مكنتش فاهم انهم هيعملو كده وخصوصا اننا ضيوف مش من هنا وانت بتشتغل ايه ؟؟؟ طالب فى الجامعة وجاى هنا فى معسكر اسبوع يانهار ابيض وفات من الاسبوع اد ايه ؟؟؟؟؟؟؟ 5 ايام طيب انت هتقعد معايا هنا لحد الدنيا لما تليل (الليل يدخل ) والحركة فى الشارع تقل وهنزل اوديك لحد المعسكر واليومين اللى فاضلين متطلعش من المعسكر بتاعك ربنا يخليك ياحاج ...حاضر معسكركم فين؟؟؟؟ معسكر الشباب والرياضة اللى عند جمرك دمياط ؟؟؟؟؟؟ ايوه طيب هوصلك وجاب لى اكل وشاى وهيصنى بصراحة واكتشفت انه اهلاوى بس مقيم فى بورسعيد ومبيقولش كده ادام حد الا بعض جيرانه اللى عارفينه لكن كنت قلقان على زمايلى ومش عارف حصل معاهم ايه ....وان كنت مطمئن بعض الشىء لان انا اللى كنت مسحوب من لسانى ...والناس اتلمت حواليا انا... وجريو ورايا انا........ وهما كلهم اختفو مع بداية المعركة والراجل مشكورا بالليل وصلنى المعسكر بالتاكسى الذى يملكه ورفض ان يتقاضى اى اجر للتوصيلة وشكرته ودخلت المعسكر لأجد ..مفاجأة كبرى كل شلتنا بلا استثناء مضروبين ومتعورين واللى دماغه مربوطة واللى دراعه مملوخ واللى رجله متعورة تحس ناس خارجين من تحت اتوبيس عامل حادثة ايه ياشباب مالكو؟؟؟؟؟؟ ولقيت كل واحد فيهم فاتح بؤه (فمه ) على آخره وكلهم بيقولو فى نفس واحد بصوت عالى أيه ده ؟؟؟؟ انت سليم ؟؟؟ ايوه سليم ...خير... مالكو .....خبطتكو عربية والا ايه ؟؟؟؟؟ واحد / الجماهير جريت ورانا ولحقونا وحبسونا ف محل ونزلو فينا ضرب لحد م جه واحد انقذنا وودانا المستشفى انا / احنا هنكدب؟؟؟ اذا كان الناس جريت ورايا انا آخر / لا ....ياحدق اللى جريو وراك دول مجموعة منهم..... لكن فى مجموعة تانية جريت ورانا ولحقونا انا / طيب واللى انقذكم ده انقذكم ازاى ؟؟؟؟ ثالث / شكله كده معروف ...او ...ليه وضع معين لانه اول م زعق وقال ياناس حرام عليكو دول شوية عيال برضه الناس كلها بطلت ضرب بس ممشيوش الا..و.. كل واحد فينا كان واخد شتيمتين على زغدين على قلمين انا / بعد م بطلو ضرب ؟؟؟ احدهم / آه آخر / والراجل اخدنا ودانا المستشفى انا / وازاى تسكتو على كلمة شوية عيال؟؟؟؟؟ ثالث / ياعم اتنيل احنا كده كده كنا بننضرب هيا جات على دى؟؟؟؟؟؟؟؟ رابع / لكن انت سليم كده ازاى ؟؟؟؟؟؟؟؟؟؟؟ حكيت ماحدث ......... لكن منظرهم كان مثيرا للضحك ونظرت اليهم وانفجرت ضاحكا فكان ان اتلمو حواليا وكل واحد سحب اى حاجة قريبة منه وهات ياضرب فيا ولم ينقذنى الا مدير المعسكر حين جاء على صوت الخناق والزعيق والضرب ووجدنى فى حالة هستيريا الضحك وكلهم فى حالة استنفار ومستعدين لشنقى ... أو خنقى ...او قتلى وفى الأخر كلها تذكرة للدار الأخرة ولما سمع الحكاية فطس على روحه من الضحك .... وضحكنا سوا انا وهو والباقى كان يتفرج علينا وهم فى قمة الغيظ هههههههههههههههههههههه الغريبة بقى ان كلامى بعدها اتحقق لان الزمالك راح يلاعب المصرى فى بورسعيد وكانت العلاقات ودية جدا بين الفريقين وجماهيرهم ولم يكن احد يتوقع ماحدث فى هذه المباراة وكان بالزمالك لاعب اسمه نصر ابراهيم احرز هدفا فى المصرى فى منتصف الشوط الاول (خلو بالكو........ الشوط الأول مش مثلا فى الدقيقة 90 من الشوط الثانى ؟؟) وكأنه انكر ماهو معلوم من الدين بالضرورة او احدث فى الأسلام أمرا ليس فيه ولذلك وجب قتله هو وفرقته ياللهــوووول (على رأى يوسف بك وهبى ) وياللمهزلة الكروية (على رأى يوسف بك برضه ) وانقلب الملعب وتكسرت اجهزة التليفزيون وعرباته والمدرجات وتم ضرب وسحل واصابة كل ماهو ابيض فى الملعب ولم تستطع الشرطة السيطرة على الموقف واستعانو بقوات اضافية ومفيش فايدة وعاد لاعبو الزمالك ولكن ! !! ! ! ! ! هاربين منهم من جاء فى القطار وآخر فى الميكروباس وثالث فى بيجو ورابع هرب الى منطقة نائية واختبأ بها وخامس مختبئا فى سيارة نقل وقرأنا قصصا كثيرة وقتها وقرر اتحاد الكرة وقتها بنقل جميع مباريات المصرى الى خارج بورسعيد بدون جمهورواعتبار الزمالك فائزا 2 / صفر وكان متبقيا فى عمر الدور 10 مباريات الفوز بهم يساوى 20 نقطة (وقتها )وفوز المصرى فى 3مبارايات فقط وتعادله فى الباقى كان يضمن له الدورى ولكن المصرى هزم فيهم جميعا ثم ظل الزمالك يطارد الأهلى وجاءت مباراة الأهلى والزمالك ليفوز الأهلى ويأخذ بطولة الدورى وذهبت الى الشلة تانى يوم وقلت / مش قلت لكم الاهلى هياخد الدورى مسمعتوش كلامى ؟؟؟؟ واكملت كلامى وعلى فكرة انا هحضر الشنطة ورايح بورسعيد وهقعد على نفس القهوة هتيجو معايا واللا لأ؟؟؟؟؟ وفوجئت بهجوم من كل اعضاء الشلة ونزلو فيا مابين ضرب ورفس وركل وجميع انواع مرادفات الضرب ثم قادونى الى اقرب قهوة واوصو اتخن واحد فيهم انه ينام على صدرى كما المخبر الذى نام على صدر عادل امام فى مسرحية شاهد مشافش حاجة مما جعل عادل امام يفقد النطق حتى شربو جميع انواع المشاريب وتركونى لادفع الحساب ومشو جميعا ههههههههههههههههههههههههه هه التعديل الأخير تم بواسطة خالدخليفة ; 20-11-2010 الساعة 10:09 AM 
|
|
#1507
20-11-2010, 10:17 AM
|
||||
|
||||
رد: أدب الرحلات
يااااااه للدرجادى يا عمنا .. شكلك كده فتحت فى الكلام على القهوة دى .. ما انا اصلى عارفك ههههههههههههههههههه معلش بقى تعيش وتاخد غيرها .. ولونك منضربتش وعرفت تزوغ هههههههههههههههه
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#1508
20-11-2010, 10:43 AM
|
|||
|
|||
رد: أدب الرحلات
ههههههههههههههههههههههههه ههههههههههههههههههههههههه هههههه انا بعد كدا هخلي بالي كويس وانا معاك علشان انا عارفك لو حصلت اي مصيبة هتسيبني وتجري فاكر يا عم خالد ههههههههههههههههههههههههه هههههه
|
|
#1509
20-11-2010, 11:17 AM
|
||||
|
||||
|
رد: أدب الرحلات
أنا مش عارف أقول أيه, أستاذ خالد أفتكر كل الحكايات الجامدة بعد مئات القصص, أنا مش هقدر أقول أكثر من اللى أتقال, قصص تحفة وفعلا خلت الواحد يضحك من قلبه.
ياجدعااااااااااااان حد يسأل على الدوك يطمنا عليه, وحشتنا مراجيحه وتعليقاته, فينك يا أستاذ محمد
__________________
|
|
#1510
20-11-2010, 05:12 PM
|
||||
|
||||
رد: أدب الرحلات
__________________
د / محمد إن الله لا يصلح عمل المفسدين
|
 |
| أدوات الموضوع | |
|
|
.
