هو انا عقلى كان فين ساعتها ؟؟؟؟؟؟؟

[sherifabden]

الجواز اولى .. انتا دبر مصاريف الجواز .. والفلوس اللي تزيد هات بيها العربية اللي عايزها ..

[sehsss]

ما بلاش أفيو

[ابو هيما]

أولأ : كل عام وحضرتك بخيربمناسبة شهر رمضان الكريم وبمناسبة دخول العيد علينا أن شاء الله
ثانياً : الخيرة فيما أختاره الله وماتزعلش على اللى راح وبص للى جاى
ثالثاً : أنا ما نصحكش أبداً أبداً تشتري أفيو زيرو , لأنها بقت تقفيل مصرى وبقت مليانة عيوب والكلأم ده أنا قرأته فى أكثر من منتدي والكل بيلعن فى التقفيل المصرى ومشاكله.
رابعاً: لو أنت لسة مصمم على الأفيو , أنا فى واحد جارى فى نفس الشارع اللى أنا ساكن فيه وعنده عربية أفيو موديل 2007 تقفيل كورى راميها فى جراج بيتهم , ولما فرجنى عليها , والله صعقت لما شفتها وماكنتش مصدق أنها موديل 2007 لأن العربية بأكياس المصنع وبريحة الفابريكة وحتى بلزق الفل اللى بيبقى موجود على الباب وماشية 2900 كيلو بس , وهى على فكرة فابريكة برة وجوة , وصاحبها وأبوه بيشغلوا الموتور بتعها مرة كل أسبوع .. لو حضرتك عاوز تشوف العربية فأنا ممكن أستأذنه فى أنك تاخد رقم تليفونه وتيجى تشوفها وتكشف عليها بنفسك , بس هو كان عاوز فيها 70 ألف لأنوا بيقول أنها زيرو ومامشيتش خالص , ربنا يوفقك للى فيه الخير وصلاح الحال ....

[flymido]

2007 وماشيه 2700 كيلو تمام بس لو هو معندوش مانع نكشف عليها فى التوكيل وممكن حضرتك تتفضل مشكور بارسال رقمه على الخاص ولك جزيل الشكر

[ابو هيما]

المشاركة الأصلية كتبت بواسطة flymido 2007 وماشيه 2700 كيلو تمام بس لو هو معندوش مانع نكشف عليها فى التوكيل وممكن حضرتك تتفضل مشكور بارسال رقمه على الخاص ولك جزيل الشكر

أكشف عليها زي ما أنت عاوز فى أى مكان ده من حقك , بس أسمح لى أن أستذنه يديك رقم تليفونه ثم سأرسل لك رقم تليفونه على الخاص أن شاء الله