سعر النترا 2007 بالمواصفات دي يكون كم؟

[mostafa mamdouh]

المشاركة الأصلية كتبت بواسطة haythamghareeb شكرا لكل من ساهم. مش حقدر أرد تاني لأن عندي طيارة كمان ساعتين. حد يأمر بشيء من أمريكا؟ رمضان كريم عليكم جميعا.

توصل بالسلامه ان شاء الله

[mohamed elshahat]

والله ياباشا اعتقد سعر لايزيد عن 80000
وحاول تسعرها برة وشوف اعلى سعر ليها كام

[haythamghareeb]

رمضان كريم شباب. لسة راجع الحمدلله و قررت أن عربية في اليد أفضل من أني أبيع شكرا لكم جميعا.

[Abu_mazen]

أولا : حمد الله ع سلامتك وكل عام وانت بخير وبصحة وسلامة يارب
ثانيا : خير ما فعلته انك لم تقم ببيع سيارتك واحتفظت بها ، لاني مريت بالتجربة دي من سنة تقريبا حيث انني ايضا مسافر في الخارج وكانت عندي سيارة فوق الممتازة بجد وعشان زي ما بيقول المثل البلدي بتاعنا في مصر ( الزن ع الودان أمر من السحر ) نصحني الاصدقاء وياريتني ما سمعت كلامهم أني ابيع سيارتي ( أنت مسافر ومش هتحتاج العربية غير شهر ونصف ف السنة ياعم بيع ولما تستقر إن شاء الله ابقي هات واحدة زيرو موديل السنة وكلام فاضي كتيير من ده ) واتخذت اغبي قرار من وجهة نظري اني قمت ببيع السيارة وطبعا نظرا لنظافة السيارة وحالتها الشاذة اتباعت في نصف ساعة بالضبط وندماااااااااااااااااان اشد الندم من يومها لاني اتبهدلت جدا بعد عودتي من الخارج ونزولي اجازة الي بلدنا الحبيبة مصر وطبعا الكل عارف بهدلة المواصلات والسفر ووخصوصاً معايا الزوجة والاولاد وكل يوم اندم علي فكرة بيع سيارتي
كله نصيب قدر الله وماشاء فعل بس نصيحة من أخ بللالالالالالالالاش وخصوصا اللي عايش بره ومش واخد علي بهدلة المواصلات

[haythamghareeb]

أكن اللي بتحكيه يأبومازن نفس اللي حصل معايا بس الحمد لله ما بعتها و بنصيحتك مش حبيعها. الناس العاقلة ( و هم قلة من أهلي) بيقولوا اللي اجيبه اشيله من الليستة و أفكر في اللي لسة كحناجه مش أجيب و ابيع و أجدد يبقى الواحد محتاج غربتين على غربته .. الأذان بيدن هنا في الأمارات اقوم أفطر و تحياتي لكم رمضان كريم.