ايه اطرف موقف حصل معاك فى شغلك ادخل قول بسرعه وضحكنا معاك :)

[mhamdy75]

المشاركة الأصلية كتبت بواسطة ahmed_rahem انا شغال فى مكتب محاسبة وفية منطقة مفتوحة وفيها اقسام مكاتب كل قسم لية تليفون، المهم المنطقة فيها 3 اقسام اتين شغالين والتالت محدش بيقعد علية. المهم القسم الى انا فية عدة التليفون باظت فزميلى راح شايل العدة وحطها مكان عدة القسم الى محدش بيقعد علية وموصلش لا سلك السماعة ولا حتى الخط. جة زميل معدى وكان عايز يعمل مكالة راح رافع السماعة ودايس على الزراير ومستنى - السماعة مش موصلة والعدة من غير خط - واحنا اول مانتبهنا كلنا كنا بنضحك وهو مش فاهم فية اية لحد معرفنا ناخد نفسنا ونقلة ان العدة من غير خط.

:fun_ rofl:

[mhamdy75]

المشاركة الأصلية كتبت بواسطة noura_taman اه افتكرت موقف مرة كان عندي ضغط شغل رهيب وانا بشتغل سكرتير تنفيذي لرئيس مجلس ادارة ... وكنت في يوم بخلص شغل مهم ومتأخرة جدا على البيت وجوزي معاي على التليفون بيستعجلني عشان اروح وانا على اخري المهم الراجل (رئيس مجلس الادارة) كلمني على التليفون الداخلي وهو دايما بيتكلم من الاسبيكر وكان عنده ناس في المكتب وضيوف فرحت انا كدة أخدت نفس عمييييق ورحت رافعة السماعة وبثقة في النفس وبدون تردد وبعلو حسي رديت وقولت أيوة يا حبيبي ... طبعا كان ضحك السنين جوة عنده في المكتب والضيوف تتضحك وهو يضحك وكنت اخر مسخرة لما كان نفسي الارض تتشق وتبلعني ساعتها

:smileW 4:

[mhamdy75]

يظهر مواقف التليفونات

هى اللى شغالة تمام

خدوا دى

قاعد فى العربيه مع زميل

ولقيته مسك تليفونه وبيتصل بمراته

وهوبا تليفونى رن ن ن ن ن ن

الباشا غلط وإتصل عندى بدل مراته

قولت أحرق دمه وأفتح أصله " بخيل حبتين "

فتحت وقولت ألووووو

رد عليّ ألوووو مين ؟؟

يخرب بيت دماغاك دنتا قاعد جنبى فى العربيه ( فى سرى وبضحك )

أنا : حضرتك إللى متصل إنت مين ؟ بصوت شديد

هو : أنا متصل بمراتى وده تليفونها

أنا وأنا فطسان من الضحك وصوتى عالى وهو ولا هنا :

إنت شكلك فاضى و أنا مش فضيلك (طرااااكش قفلت الخط )

وعمال أضحك وبرضو وهو ولا هنا

بص على تليفونه وراح متصل تانى

رحت إديته تليفونى وهو بيرن عشان خلاص مش قادر أنطق من الضحك

بص على الشاشة واستوعب وكان هيضربنى

بس استحرم لأنى ماكانش فى نفس

كنت هاموت من كتر الضحك

[nktis]

موضوع شيق وجميل بس كله كوم والراجل الهندي ده كوم لوحده ... هندي هندي يعني .,.
بتقابلني مواقف كوميديه كتيره بس لازم اتمالك نفسي .؟.
واحد بلدينا دخل برشته من 3 اصناف .,. 2 حقن وصنف اقماع .,. واخينا وانا لسه هاساله هتاخد حقنه دلوقتي .؟. وكاني شتمته .,. حقن لالالالالالا .؟. وقعد يشتم في الدكتور اللي كاشف عنده .,.
فضحكت و قلتله في بالي امال لما اقلك ان فيه لبوس .,. هتعمل ايه .؟.
وقلتله و اتعصب اكتر .,. الدكتور الدزمه انا قايله بلاش حقن او لبوس وفي الاخر اديتله بدايل الاصناف ديت بس برشام بس بعد محاولات فاشله ان ده علاج ومفيش حاجه اسمها عيب ولا الكلام الفارغ ده والدكتور ادري مني بحالتك ..........انه يقتنع .؟. ابداااااااااااااااااااااا اااااااا...

[kimo10]

اللى مش حيقدر يمسك نفسه لا يقراء
منذ مدة كان لى صديق وزميل فى العمل وكان رئيسنا يعاملنى باحترام وحب ويعامل صديقى بغلاسة بس بحب وفى قعدت حظ انا وصديقى سالنى عن السر اللى يخلى الريس يعاملنى باحترام وهو لا فجائتنى فكرة شيطانية قولته اى حاجة اقولك عليها تعملها عشان الحاج يحبك < الحاج هو رئسنا فى العمل نظرا لكبر سنه نقول عليه الحاج > وثانى يوم فى العمل جائنى صديقى يشتكة لى من معاملة الحاج وفى نفس الوقت كان نفسى اشرب شاى فقولته الحاج الان بيحب يشرب شاى اعمل شاى لمجموعة كلها عشان منظرك ميكنش وحش والمفاجاة انه سمع كلامى وعمل شاى ل 8 افراد ههههههههه وبعدها كل من كان يرد اى واحد من المجموعة شرب شاى كان ياتى يتودد لى عشان صحبى يعمل شاى وكل مرة كنت بقنعه يعمل شاى عشان الحاج يحبه لمدة قاربت شهر وجاء زميل لحوح واراد ان يعرف السر وبعد عدة محاولات عرف السر هههههههه وراح قايل للحاج ههههههههههههه بس طوال شهر كنت كل ما اريد شرب شاى كان صاحبنا بيعمل شاى عشان الحاج يحبه هههههههههه