صني بتحدف شمال

[ahmadelwakeel]

يا جماعه دي ناس بتهرج العيب مش في الشركه لانهم اتصلو اول مبلغت عن الشكوي العيب في التوكيل بتاع الحضره (مودرن موتورز) لانهم مش عارفين العيب فين واخر حاجه عملها البيه المهندس راح ظبطلي الكاوتش الشمال خلي ضغطه اعلي من اليمين هيا كدا اتحلت المشكله بس انا واثق ان دا مش صح وقريب هيعمل مشاكل في العفشه من الاخر المصري هيفضل مصري يموت في النصب

[samirayad]

واخر حاجه عملها البيه المهندس راح ظبطلي الكاوتش الشمال خلي ضغطه اعلي من اليمين

شغل عك طبعا

وكده عندك عيب فعلا فى سوستة أو مساعد الجنب الشمال

[elgdawy2007]

المشاركة الأصلية كتبت بواسطة ahmadelwakeel يا جماعه انا معايا العربيه بقالها سنه تقريبا وهيا عربيه اعتماديه جدا لكن لقيت عيب بمجرد الاستلام انها بتحدف شمال المهم روحت التوكيل في صيانه 1000 وقام بتبديل العجل واتحلت المشكله اما روحت في صيانه 10000 لقيت الحدفه رجعت زي ما كانت سالت المهندس قالي الزوايا تمام ومفيهاش حاجه ولحد دلوقت العربيه بتحدف شمال ومش عارف ايه السبب الحقيقي ومعالجته حتي التوكيل معندهوش كلام ارجو الافاده يا جماعه الخير لو حد واجه نفس العيب

الحوار ده حصل معايا على فكره ولما روحت التوكيل فى الاول قالوا مفيش حاجه وبعد مغلست واتصلت بالتوكيل اليى اشتريت منه السياره مرعى فى الاسكندريه اتصل بيهم ساعتها بس الدنيا كلها اتغيرت وطلع فيها عيب زى مقولت فى الدنجل الخلفى للسياره وتم تغييره بالكامل على حسابهم وعلى فكره كمان المساعد الشمال ورا كان جايب زيت وبرضه عيب صناعه وتم تغييره على حسابهم فى مركز الكيلو 27 طريق اسكندريه مصر الصحراوى والسياره اصبحت تمام