شركة كايرو كاب "تاكسى العاصمة" بدأت تصفية أسطولها من السيارات

[beautiful0mind]

ممكن بعد اذنك أعرف فين المكان بظبط اللى اقدر اشوف العربيات دى , ولو أمكن ترد عليا أنهاردة عشان اخرج من الشغل على هناك

[beautiful0mind]

انا روحت امبارح عبود وشوفت العربيات واللى على البوبابه قالى ان العربيات مش للبيع , مش عارف بقى هو قاصد يوزعنى ولا العربيات فعلا مش للبيع

لفيت ورحت البوابه التانية لقيت واحد قولتله اية نظام العربيات دى قالى مش للبيع , قولتله خالص ؟, رد قالى فى 7 عربيات حوادث للبيع بس . ياريت لو الموضوع بجد ياجماعة يكون فى مصدر

[سامح الفلاح50]

المشاركة الأصلية كتبت بواسطة beautiful0mind ممكن بعد اذنك أعرف فين المكان بظبط اللى اقدر اشوف العربيات دى , ولو أمكن ترد عليا أنهاردة عشان اخرج من الشغل على هناك

أماكن العرض سفنكس وعبود

[سامح الفلاح50]

المشاركة الأصلية كتبت بواسطة beautiful0mind انا روحت امبارح عبود وشوفت العربيات واللى على البوبابه قالى ان العربيات مش للبيع , مش عارف بقى هو قاصد يوزعنى ولا العربيات فعلا مش للبيع لفيت ورحت البوابه التانية لقيت واحد قولتله اية نظام العربيات دى قالى مش للبيع , قولتله خالص ؟, رد قالى فى 7 عربيات حوادث للبيع بس . ياريت لو الموضوع بجد ياجماعة يكون فى مصدر

أخى الكريم السيارات للبيع انا من شارع 26يوليو الأسعاف وعندنا فى الشارع واحد خلص فى 2أوبترا وواحده فولكس جولف الثلاث عربيات تخص عائلة واحده يعنى واحد خد 2 وأخوه خد واحدة الثلاثة شوفتهم بعينى امس الأحد 29أبريل والعربيات زى الفل مفيش غير الرفرف الأمامى يسار هو المخبوط وده فى واحده أوبترا والثانيه الأكصدام الخلفى مش راكب لكنه موجود بداخل السيارة ولما بصيت على بيت الأكصدام لقيته زى الفل والعربية قوايم وخلافه فله والتابلوه والكراسى وكل حاجه تمام والعربية الفولكس كانت متغطيه بس هو واحد كان واقف قال لى العربية المتغطيه فولكس
المهم ان الخلاصة ان البيع شغال وللتأكيد روح عند صيدلية دلمار فى شارع 26يوليو اللى بجوار سينما فؤاد مش الصيدلية اللى فى وسط البلد علشان فى صيدلية دلمار أخرى بوسط البلد التى أتحدث عنها بمنطقة بولاق أبو العلا أدخل الشارع اللى امام الصيدلية هتجد السيارات التى تحدثت عنها وده تأكيد للكلام اما بالنسبه لعدم البيع فهذا كلام خطأ وممكن من قال لك ذلك مجموعة وخدين فلوس من أى تاجر لحد ما ييجى وينقى وبعدين يبدأو يبيعو على العموم انا بأذن الله ها روح اليوم سفنكس وأعرف الدنيا فيها أيه وسيتم تبليغك بأذن الله للأفاده

[mody112]

ياريت يا جماعه اللى يعرف اى جديد فى الموضوع ده يبلغنا على طول لان انا كمان حصل معايا نفس الموقف لما روحت سالت فى عبود قالولى العربيات مش للبيع