اضحك عليا فى اول عربية اشتريها فيات 128

[emadwady]

المشاركة الأصلية كتبت بواسطة Acc.Sherif والله انا متشكر جداااا لردودكم ربنا يباركلكم بس لو هعمل عمرة كامله للماتور هتكلف كام ؟؟ انا عارف ان العربيات القديمة لازم يتصرف عليها بس انا كنت فاكر انى هستنى كام شهر لحد ما تفتح بوقها بس السمكرى بقى متقاش ربنا فيا ومن 3 يوم وانا بصرف عليها فقولت اسئلكم الاول ابيع على كده حتى لو هخسر 1000 جنيه ولا حاجة احسن ما افضل اصرف عليها لحد ما تقف عليا ب 16000 جنيه ولما افكر ابيع متجيبش 14000 او 13000 اتمنى انى اكون وصلت وجهه نظرى بس انتم اكيد فاهمين اكتر منى وهتقوليلى اية الافضل وبشكر كل اخ كريم رد وربنا يباركله ويعزه

بص انا رأيى ان اسعار سوق العربيات دلوقت فى الأرض
وكدا كدا اى عربية لازم تصرف عليها مهما كانت حالتها
يبقى الأحسن تصرف على عربيتك وتظبطها وتستمتع باللى صرفتة عليها لغاية ما الدنيا تتظبط ولما يبقى معاك فلوس بيعها وكمل وهات حاجة احسن

[mr_astra]

المشاركة الأصلية كتبت بواسطة Acc.Sherif والله انا متشكر جداااا لردودكم ربنا يباركلكم بس لو هعمل عمرة كامله للماتور هتكلف كام ؟؟ انا عارف ان العربيات القديمة لازم يتصرف عليها بس انا كنت فاكر انى هستنى كام شهر لحد ما تفتح بوقها بس السمكرى بقى متقاش ربنا فيا ومن 3 يوم وانا بصرف عليها فقولت اسئلكم الاول ابيع على كده حتى لو هخسر 1000 جنيه ولا حاجة احسن ما افضل اصرف عليها لحد ما تقف عليا ب 16000 جنيه ولما افكر ابيع متجيبش 14000 او 13000 اتمنى انى اكون وصلت وجهه نظرى بس انتم اكيد فاهمين اكتر منى وهتقوليلى اية الافضل وبشكر كل اخ كريم رد وربنا يباركله ويعزه

طيب مهو حتى لو بعت وجبت حاجة تانى مهو لازم تصرف عليها برضة ويا عالم ممكن تكون حالتها اسوا من اللى معاك
بس على فكرة احقاقا للحق السمكرى ملوش اى ذنب فى المشكلة اللى مقبلاك لانى شايفك متحامل علية شوية
السمكرى مهمتة معروفة العربية الصاج بتعها عامل اية ...مغيرة ربع نص الشاسية فاتح قافل العربية مقلوبة كدة يعنى انما الموتور بعيد انة يدى راى فية

[MmFFoR]

للاخ صاحب الموضوع - لو اساسيات العربية سليمة ( حوض و فرد شاسية و كارتيرات و قوايم ) يبقى عمر الموتور او اشتري استيراد ارخص الموتور بالفتيس تقريبا 1800 جنيه لو عمرت عمره كاملة حيعدي الموتور بس 2000 جنيه عن تجربة
لكن لو العربية متهانة يبقى بيعها

بس الخلاصة ان 13500 كتير على الموديل ده فكره كده حتخسر و ربنا يعوض عليك

يا زعيم متزعلش نفسك محدش مضحكش عليه في اول عربية وانا بردك اضحك علي في اول عربية اشترتها كانت 128 موديل 80 ب 17 الف وطلعت رشه دواخل وكان فيها عيوب الدنيا وخسرت فيها 10000 جنيه لما جيت بعتها بس الواحد فعلا مبيتعلمش ببلاش

ونصيحة زي ما قالك الاستاذ حازم خضر الحق اعمل العمره في الشتاء قبل الصيف

[Acc.Sherif]

يعنى اعمل عمره ولا اجيب موتور بفتيش جديد ارخص ولو ب 1800 فعلا المصناعيه بتكون فى حدود كام وهيبقى الفتيس كام غيار والماتور اكيد هيبقى 1100 صح
معلش يا جماعه انا بتعلم منكم وانتم فعلا بتهدونى والله ربنا يباركلكم