الصنى حيرتنى

[احمد على 1999]

المشاركة الأصلية كتبت بواسطة sakrquraish انا ياجماعة عملت 38.25 لتر في 305 كم جوه البلد فهل ده كويس

ممتاز جدا جدا
لان مهما كان جوه البلد بتفرق و مش حينفع تبقى دليل على حاجة

[ahmadkamal2]

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.

[ahmed_rahem]

المشاركة الأصلية كتبت بواسطة dr.wael7yran لو راكب افيو .. موش هتحس بفرق جامد مع الصني .. انا كان معايا الافيو و بعتها الحمد لله اني خلصت منها .. و جوز اختي ساب الصني معايا لمدة سنة .. عايز تغير بجد .. حوش قرشين و هات اللانسر البومة .. او الالنترا الشكل القديم .. و لو عايز تحوش فلوسك .. هات اللوجان .. في فرق رهيييييب في السواقة .. و صدقني .. البومة هتبهرك .. و ربنا يكرمك

انا اعترض بشدة على الكلام دة افيو اية الى تتقارن بصنى، انا كان معايا افيو الكورى كمان مش المصرى موديل 2006 وجبت صنى موديل 2011 وفرق شاسع فى الثبات والتكييف والسحب والراحة ووسع الكنبة
اما اللوجان فمش هتحس بفرق فى السواقة خالص اكنك نزلت من افيو وركبت افيو فرنسى، الفرق الرئيسى الدبرياج اخف بكتير فى اللوجان اما غير كدة فمفيش فرق جوهرى.

المشاركة الأصلية كتبت بواسطة osa92003 بتعمل 210-250 كيلو بالتكييف .???????????????????????? lمعهلش ياباشا دى اكيد عربيه تانيه او هو متهياله ...... دى العربيه لو عملت 160 يبقى انجاز عالمى

دة استهلاكى
دى مشاركة بتاعتى فى منتدى سيارات اخر عن قراية عداد الصنى واستهلاك البنزين لانى لما قريت المواضيع عنه اترعبت انما بعد القياس لقيتها طبيعية،

"السلام عليكم

استهلاكى للبنزين من يوم شراء السيارة صنى سوبر صالون 2011 - انا سكان فى 6 أكتوبر وشغلى على الطريق الصحرواى - كالتالى:-
ليتر / كيلو مقطوع / المتوسط (كيلو للتر) / اسلوب القيادة
- 30 / 380 / 12.6 / لسة فى التليين والتعود على السيارة السرعة لا تتعدى 80-90 واغلبها على طرق مفتوحة
- 33.5 / 318 / 9.5 / تشغيل التكييف على فترات
- 36 / 405 / 11.25 / تكييف وشد على خفيف
- 33 / 323 / 9.8 / تكييف وشد جامد
- 40 / 401 / 10 / تكييف وشد ووقف فى اشارات بس مش فترات كبيرة
- 37 / 383 / 10 / تكييف وشد ووقف فى اشارات بس مش فترات كبيرة
- 35 / 342 / 9.7 / مثل السابق
- 36 / 427 /11.86 / مثل السابق
- 36 / 290 / 8 / على سفر بس كان فى فترة شد وجرى جامد
- 26.5 / 370 / 14 / على سفر بسرعة لا تزيد عن 130 (متوسط 120)

متوسط الاستلاك على تلك الفترة 10.6 كيلو للتر وهو رقم جيد جداً على 1600 سى سى وكمان على الاشاعات الى بتتقال على الصنى واستهلاك البنزين.

والسلام ختام "

الفيصل، الصنى استهلاكها مقارب لجميع السيارات 1600 سى سى فى مصر - وليس افضلهم فرق الوزن والموتور-، ثانياً اسلوب القيادة بيفرق جامد (راجع الاستهلاك على السفر بشد ومن غير شد عمل فرق 5 كيلو للتر) كمان فترات التوقف الكتير فى الاشارات والتكييف. انا الحمد الله راضى عن الاستهلاك بتاعى حتى الان,

حالياً افضل عربية اتوماتيك عائلية الحجم مع كماليات جيدة ووسائل امام ممتازة بالسعر دة.


والسلام ختام

[elgdawy2007]

المشاركة الأصلية كتبت بواسطة osa92003 بتعمل 210-250 كيلو بالتكييف .???????????????????????? lمعهلش ياباشا دى اكيد عربيه تانيه او هو متهياله ...... دى العربيه لو عملت 160 يبقى انجاز عالمى

ياريت الاخ صاحب التعليق يتحرى الدقه شويه انا سيارتى من اول 150 كم وهى بتستهلك 106.6 كيلو لكل 10 لتر يعنى 213.2 كيلو فى العشرين لتر داخل البلد وبعد 1000 كيلو غيار الزيت والفلتر كنت ماشى بيها 100 كيلو 120 و140 150 وشغلت المكيف 30 دقيقه عملت 13.5 كيلو لكل لتر يعنى 270 كيلو فى الطوالى فى 20 لتر بنسب السرعه المذكوره اعلاه وعلى فكره كمان فتيس هيدروماتيك مش مانوال فياريت الاخ صاحب التعليق المذكور يتحرى الدقه ويكون عنده السياره المذكوره عشان يقدر يدى قرار صح مش مجرد ركبها مره او مرتين او ان سياره خاصه بصديق ليه فيها مشكله يبقى كده الموضوع ينطبق على السيارات الصنى بوجه عام ياريت تتأكد الاول من ظبط الكاوتش وخليه 36 امامى و33 خلفى وامشى بالسياره وبعدين احكم بعد كده ولو عاوزه ظبط زوايا اظبط زوايا وبعدين تشوف ومتقرصش مره واحده خلى السياره تاخد سرعتها بالتدريج وبعدين نبقى نحكم بعد كده

[elgdawy2007]

المشاركة الأصلية كتبت بواسطة dr.wael7yran قل لي انت راكب ايه و انا اقولك الصني تناسبك و لا لأ ؟ و هي اخرها 200 في الصفيحة .. و من غير التكييف كمان .. الصني اكتر 1600 بيستهلك بنزين من الاخر

بص انا مش حقولك الكلام ده مش مظبوط لكن حقولك انا معايا صنى 2012 اوتوماتيك واعتقد ان تم تلافى عيوب فيها عن الموديلات السابقه منها ضيق الكنبه الداخليه والعزل والبنزين ولغايه دلوئت السياره عامله 1400 كيلو تقريبا ومعدل البنزين خارج البلد كنت ماشى بعد غيار الالف كيلو ما بين 100 الى 120 و140 و150 وشغلت التكييف بس نص ساعه حسب نصائح الكتالوج انه لازم تشغله كل شهر مره عشر دقائق كل ده وعملت معايا 13.5 كيلو لكل لتر يعنى 270 كيلو فى ال20 لتر بره البلد وطبعا المعدل ده لاحظته بعد غيار الزيت شل 10000 كيلو وبخصوص جوه البلد لو كاوتشك مظبوط وظبط زوايا برضه مظبوط حتعمل معاك 11.6 كيلو لكل لتر بنزين وانت اقصى حموله ليك فرد جانبك والكلام ده برضه كان قبل تغيير زيت الالف كيلو ولسه ممونتش لغايه دلوئت وانا داخل البلد بعد غيار زيت الالف كيلو بزيت 10000 من شل وبرضه صوت الموتور بقى زى الفل بعد غيار الزيت والحمد لله بس اعتقد ان مؤشر البنزين يطمن لغايه دلوئت قبل مفول يعنى عموما ومفيهوش مشكله وحبقى اقولك بالظبط جوه البلد بعد الالف كيلومشى وغيار الزيت 10000 كيلو عملت اد ايه احسب بقى وخلى بالك السياره لسه بتلين برضه وكمان اوتوماتيك وظروف القياده فى الصحراوى كانت فى اتجاه الريح بالعوامل المذكوره اعلاه قيم بقى انت