الحقونى العربيه غول بنزين

[ahmed™]

اساسي تسريب دا لو همر و 5000 سي سي مش هتاكل كدا :d

[عبدالغنى الشاعر]

ربنا يبارك فيكم يا شباب
ان شاء الله عروح الاول لفنى كاربرانير يشوفه
وبعدين ميكانيكى يبصلى على وصلات البنزين والتانك
بس بجد ربنا يبارك فى كل واحد رد
عشان انا كده فهمت ممكن السبب يكون ايه واعرف اتكلم مع الصنايعيه

[عبدالغنى الشاعر]

---

شباب دلوقتى انا روحت لفنى كاربراتير ونضف الكاربراتير وغير البكات حط بيكات 110
بس المشكله لسه موجوده 20 لتر يغملوا 45 كيلو بسسسسسسسسس
اعمل ايه تانى يا شباب ولا المشكله فييييييييييين؟ ارجو المساعده
لانى زهقت من هذه المشكله

[ezzat2002mo]

المشاركة الأصلية كتبت بواسطة عبدالغنى الشاعر شباب دلوقتى انا روحت لفنى كاربراتير ونضف الكاربراتير وغير البكات حط بيكات 110 بس المشكله لسه موجوده 20 لتر يغملوا 45 كيلو بسسسسسسسسس اعمل ايه تانى يا شباب ولا المشكله فييييييييييين؟ ارجو المساعده لانى زهقت من هذه المشكله

ياباشا احنا باذن الله معاك لحد ما تحل المشكله باذن الله المهم انت ماتزهقش بسرعه لان العربيات القديمه ديه كده ممكن تكون مشكله تافهه وتعمل بلاوى صدقنى الـ128 دوختنى اول سنه بس الحمد لله بعد 7 سنين فاهم لها ومريحانى على الاخر .
بص على الاتى :
1- بص كويس على خراطيم البنزين اللى رايح للكاربراتير واللى راجع لو محجرين وناشفين ممكن يكون واحد منهم اتشرخ او اتقطع وبيسيل وانت ماشى لان البنزين بينشف البلاستيك جامد دى فكرة .
2- بص برضع ودى الاهم وكان عندى نفس المشكله عوامه البنزين اللى فوق التانك تكون متركبه كويس يعنى العوامه بتركب على جوان بحوالى 3-5 جم ده بعد تركيبها بتركب العوامه عليها علشان تمنع اى تسريب او دخول اى مياة عند غسيل العربيه .
3- العوامه بتركب على خمس مسامير ملحومين فى التانك بصواميل صغيرة جدا اتاكد انها الخمسه موجودين وراكبين والعوامه ثابته ومش بتسرب بنزين لانها لو مهويه بتخلى البنزين يطير .
4- هتلاقى فى جنب التانك ماسوره دى بتاعه الفايظ لما تيجى تفول العربيه بتبقى متوصله بخرطوم صغير جنب الفتحه بتاعه تفويل البنزين لو كانت مفتوحه هتطير لك البنزين .

من الاخر ركز فى موضوع التانك مبدئيا لانه الاهم ولو حالته تعبانه غيرة المستعمل نظيف منه بحوالى 140 جم وهتريح دماغك .

جرب اللى قولتهولك ولو فيه حاجه جديده قول واحنا معاك باذن الله

[ezzat2002mo]

برضه غير كابلات البوجيهات وشيك على فرامل اليد لو العربيه مخنوقه معاك ممكن الفرامل تكون معلقه وتخلى العربيه سحبها ضعيف وتاكل بنزين