لانسر 1300 مستعمله ولا اسبرانزا M11 جديد

[albarbary]

اللانسر طبعاً ، و الله أنا مشفق على حضرتك من الحيرة دى ، بس على العموم لو التكييف أهم من السيارة كانت الناس كلها جابت فيرنا أهو تكييف تلاجة زى ما بيقولوا ، لكن فى حاجات أهم فى العربية من التكييف ، و الحاجات دى هتلاقيها أفضل فى اليابانى بصفة عامة ، يليه الكورى و فى القاع بقى الصينى ، حضرتك لازم تختارى عربية عفشتها بتستحمل الطرق الجميلة فى مصر ، ويكون سعر اعادة بيعها مضمون مش تخسرى كتير ، و تكون سيارة اعتمادية ، حضرتك لو ركبتى الاسبيرانزا التاكسى اللى هى 516 وكان السواق مشغل التكييف هتحسى ان الموتور متبهدل بمعنى الكلمة مع التكييف ، ، حضرتك سؤالك أصلاً فى صالح اللانسر لأنك بتقارنى بين سيارتين واحد مستعملة وواحدة زيرو و الاتنين فى فى فئة سعرية واحدة ، أكيد دا هيكون فى صالح المستعمل

[مبارك القناوى]

لانسر والقرار يرجع ليك

[drift]

الانسر عربيه محترمه بس واخده اكتر من حقها كتير من رأي بعض الاعضاء متنسووش انها 1300 يعني موتور مش قوي مقارنه بموتور الاسبرانز نظام الفرامل عادي في الانسر لكن abs في الاسبرانزا مع وجود ديسكات خلفيه في الاسبرانزا عكس الانسر تستخدم طنابير! الديسكات افضل طبعا الاسبرانزا عربيه محترمه وتوكيلها ممتاز وقطع غيارها متوفره وبتعتمد علي تكنولوجيا سهله جدا يعني اي حد يعرف يشتغل فيها يعني مش ليها تكنولوجيا خاصه بيها تكيفها ممتاز ثبات واتزان جيد جدا بالنسبه لفئتها السعريه صالون مريح كراسي وتابلوه وابواب جووده عاليه جدا افضل من الانسر الياباني مع ان الاسبرانزا صيني بس جوده اعلي
الاسبرانزا افضل من حيث جميع الاحصائيات وكفايه لانسر بقي زهقنا منها
وبعدين الانسر ياباني الاسم فقط

[drift]

مصر كلها تقول الانسر حلوه وميه ميه ومفيهاش عيوب وتلاقيهم كلهم بيروحو للميكانيكي وعيوبها مغلباااهم ويجي يقولو الانسر حلوه حاجه غريبه اصلا الي بيشتري لانسر 90% بيشترووها علشان اسمها لانسر لكن انتو لو قارنتو سعر العربيه بأمكانياتها وجودتها هتلاقي انها ارخص بكتير من سعرها بس هيا غاليه علشان متسووبيشي

[TELEBK]

رأيي توكل علي الله وهات الإسبرانزا ، برضة حاجة زيرو غير عربية بتفحت في الأرض بقالها سنين ، واكيد فيها مشاكل مش حتاخدها صاغ سليم ، يعني لو كان فيها الخير ماكان رماها الطير ، وعلي حسب برضة حالتها ، فتوكل علي الله وهات الإسبرانزا .