المشاركة الأصلية كتبت بواسطة A7MED NASSER
اولا : الجيتز اتوقفت نهائيا . يعني ماعدتش موجوده خلاص اتوقفت . اللي موجود منها الوقتي مستعمل فقط ما عدتش فيه جديد . فعلا كانت عربيه ناجحه بس ما عمرتش كتير يا خساره ....
ثانيا : البيكانتو (الشكل الجديد) عربيه تصميم بشكل جميل و مريحه و اوسع مره و نص من الشكل السابق . و كنت فعلا عايز اعملها تقرير و لكن للأسف المصريه صدرت قرار بمنع تصوير اي من السيارات التي يتطبق عليها اي عروض من تخفيض الاسعار
ثالثا : نصيحتي ليك ان حضرتك تبدأ تحط في دماغك الشيفروليه سبارك (الشكل الجديد) و فعلا عربيه جميله و ناجحه بس مش منتشره اوي و هي بموتور 1200 cc يعني موتور و تصميم و عربيه صح عايزاك تختار الاوفر و الافضل ليك من العربيتين الناجحين دول (البيكانتو الشكل الجديد او السبارك الجديده) و فعلا عربيات ممتازه
رابعا : و لو عايز عربيه حلوه و رخيصه و لها ايضا الافضليه هي الجيلي باندا و دي عربيه صيني و بموتور جبااااار 1300 cc و شكلها جميل جدا و الكامله اتوماتيك ليها ب 60000 ج يعني هي افضل و ارخص و احلي سياره في فئتها و لها تقرير مصور مني شخصيا في قسم شركة جيلي الصينيه بقسم السيارات الصينيه |
شكرا على ردك جدا .. بس كنت عاوزة اعرف الشيفروليه سبارك قطع غيارها أخبارها ايه ؟؟ وأسعارها؟؟ وهل العربية 3 باب ولا خمسة (انا كل الصور اللى بشوفها بلاقي الأبواب الخلفية ملهاش مقابض)
أما الجيلي فكل الناس بتخوفني من الصيني وبرده معرفش قطع غيارها متوفرة ولا لأ
01-10-2011, 11:48 PM
رد: هيونداي جيتز 2011 أم بيكانتو 2012 الجديدة
