استفسار عن سعر سيارة ماتركس مستعمله

[tham1010]

انت هتدفع اى فلوس غير 34 والنص؟ هل عند حضرتك صور تانية للعربية كم الجنب مثلا او من الداخل؟؟؟؟

[ha_thewolf]

بالنسبه لعربيه هي صح cls لاني فاكر كويس ساعت ما كنت بجرب اقاعد عليها كان صح في بكرتين و احد بيعلي و يوطي الجزء الامامي من القاعده بتاعت الكرسي و بكره تاني بتعلي و توطي القاعد من الخلف عند التقائها بالمسند الضهر تاني حاجه بخصوص الرش الصراحع انا كان معايا تلاته 2 اصحابي و بسم الله ما شاء الله بيفهم كويس في العربيات و قالولي مش مرشوشه غير الراجل اللي انا قلتلك عليه هو بقاله اكتر من 20 سنه في شغل العربيات المستعمل و كمان هو كان جايب عربيه قبل كده عن طريق جمرك بورسعيد بنفس الطريقه لاخوه
و الصراحه انا مرتاح اكتر للماتركس عن النوبيره مش عارف في حاجه بتشدني ااماتركس اكتر حتي وانا و اقف هناك كان طبعا النوبيرا اكتر بكتير بس اللي تحس انها عربيه تنديلك هي الماتركس

ودي بعض الصور


اما الفلوس التانيه يعني قول في حدود 500 جنيه حلوه العمال و مخلص الجمرك و الحوارات اللي هناك دي

[tham1010]

أنتى زى يعنى من عشاق الماتركس. على بركة الله أنت الحقيقة هتقع على عربية لقطة. أتكل على الله وخلص فيها بسرعة وزى ما قلت لك بكرة لما تجرب الماتركس مش هتركب غيرها. أنا نفسى لما تعدى الخمس سنين بتوع الحظر أجيب وحدة تانية بس تكون أحسن من اللى معايا يعنى أوروبى وماتركس مش لافيتا وكمان سنة الصنع تبقى يعد 2004 وتكون عاملة أقل من 70 الف كيلوا.

ربنا ييسر لك الحال. مش تفكر تانى ولا تسأل تانى. لم فلوس وروح خلص فيها وأتأكد أن كل حاجة شغاله فيها والأستبن والكوريك موجود.

سؤال كمان// هل فى عربيات لافيتا أرخص من 34ونص؟ وهل فى أغلى من كدة عند نفس التاجر.؟ هل شفت لافيتا حديثة 2003 او 2004 أم ان كله 2001؟؟؟
بالتوفيق

[tham1010]

ومش تنسى تبقى تكتب خبرتك عن بورسعيد من حيث التجار ومين التاجر اللى عندة عربيات كتيرة ومين التاجر اللى حسيته بيلعب. كما صور للمدينة وللجمرك وطبعا لعربيتك لما توصل بالسلامة. أكيد فى ناس كتيرة هتحب تعرف قبل ما تعمل المشورا بتاع بورسعيد.... للأسف مجاش على بالى أصور رحلتى دى وأحطها على النت كل اللى عندى ذكريات.

[ha_thewolf]

هي اساسا كانت عامله 39 الف بس اعدنا نفاصل و نحاول لغايه ما وصلت 34500 الف غير كده كان كل اللي هناك في 3 مخازن كل اللي فيهم في حدود 40 39 37 الف للمانيول
هناك الدنيا عندهم بائت دمار هما تقريبا وفقوا علي السعر ده علشان يبيعوا و السلام لان عاوز اقولك كانوا بيمشوا ناس ورنا بالمتسكل و يرقبونا احنا بنروح اني مخزن و بنتفق علي ايه
و كان كل اللي موجود لافيتا اخره 2002 سواء مانيول
وكان في واحده بس اتومتيك 2003 بس الصراحه شكلها تحفه لونها كان اسود روعه كانت عامله 43 الف بدايه الكلام