حد يعرف حاجه عن التحفتين LADA 2110 و LADA 1119

[hyundai2005]

العربيتين موجودين في مصر بس مش منتشرين انا عن نفسي في اتنين من كل واحده عندنا في بلدي

[AMMI]

المشاركة الأصلية كتبت بواسطة sad-bird دي لو نزلت فعلا بالشكل ده ومعاها شوية كماليات ( تكييف - سنتر - Abs- Air Bag) ويا سلام بقى لو تنزل ب 70 ألف يبقى انسي حاجة اسمها فيرنا ولانوس من السوق

طيب ما البونتو على ما افتكر قريبه من السعر ده ليه الناس مش مقبله عليها زى اللانوس والفيرنا وشكلها احلى من اللادا بكتير

[sad-bird]

المشاركة الأصلية كتبت بواسطة AMMI طيب ما البونتو على ما افتكر قريبه من السعر ده ليه الناس مش مقبله عليها زى اللانوس والفيرنا وشكلها احلى من اللادا بكتير

لأن الناس عارفين وحافظين اللادا وبيحبوها لكن نفسهم في الكماليات اللي في العربيات الحديثة
وكل الناس عارفه ان اللادا لما بتضنععربية بتصنععربية تخطبها في الحيط ترد ( مجازا )
وهيا نفسها الحيرة اللي بيقع فيها كتير من الناس معاهم 50 ألف اجيب لادا والا اجيب فيرنا او لانوس
وهو نفسه السبب اللي بيخلي عربية زي 2107 بتبيع كتير على الرغم ان مفيهاش مميزات لكن عارف ان هيالقي قطع غيار وعارف انها هتتحمل بهدله وشقي

[pointer]

المشاركة الأصلية كتبت بواسطة AMMI طيب ما البونتو على ما افتكر قريبه من السعر ده ليه الناس مش مقبله عليها زى اللانوس والفيرنا وشكلها احلى من اللادا بكتير

طبقا لمعتقدات مصر الراسخه ان العربيه ما تتركبش غير سيدان
لو هتش دي مش برستيج
انا كان معايا بوينتر اقل حاجه تتقال عليها تحفه
والله عمرها ما اصرت بس يقول لك هاتش باك
و للعلم انا مش هركب تاني غير هاتش لانه عملي للغايه
لوعاوز البونتو تنتشر لازم تغير معتقدات الشعب المصري

[MmFFoR]

التحفتين دول بقى تبعد عنهم على الاخر - لان قطع غيارهم اندر من الالفا روميو و السيتروين
و اعطالهم اكثر من الصيني اول ما نزل