|
#11
21-03-2010, 01:34 AM
|
||||
|
||||
رد: حد فاكر العربية دى
 خضر باشا المحترم فعلا كان فى سيارة نزل بعدها فى عصر الثمانينات لكن بكمية صغيرة جدا مش عارف مين دخلها البلد سيارة من المانيا الشرقية لكن اسمع المفأجأه دى العربية كانت شوطين بس زى محركات الديزل البحرية الضخمة القديمة يعنى بتعمل two strokوفيهم يتم عمل جميع المراحل الاربع من سحب وضغط وشوط فعال وعادم فى شوطين وكان صوتها زى الموتسيكيل وكان لازم كل مرة لازم تحط بنزين فيها تحط فى نفس الوقت علبة زيت ياترى افتكرت العربية تعرفها شوفتها قبل كدة انا شوفتها بكثرة فى الاردن فى 1987 نزلت لكن لم تحقق النجاح المطلوب يعنى بتشتغل بنفس فكرة الموتسيكلات القديمة مفيش صمامات سحب وعادم بتشتغل بفكرة البورت او بوبات للكسح وبوبات تانية للشفط فى الاسطوانة انا ركبت تاكسى منها فى القاهرة من حوالى اربع سنين بس تقريبا مغير موتور والسواق استغرب انى اعرفها كان اسمها وارت بورج الصاج بتاعها كنت ممكن تتدخلة بنفخة وكانت العربية جسمها كلة متجمع بطريقة القطع يعنى السقف والابواب وكل حتة فيها مربطة مفيش اسلوب لحام  ياريت لو حد يعرفها وارت بورج من المانيا الشرقية كانت لازم تحرق زيت لانها بشوطين وطلع سحابة من الشكمان 
|
|
#12
21-03-2010, 04:05 AM
|
||||
|
||||
|
رد: حد فاكر العربية دى
فعلا يا لاكي باشا
العربيه دي كانت موتورها زي الموتوسيكل بالضبط بتاخد بنزين و زيت مع بعض كانت مع واحد صاحب والدي لفتره طويله و كان ليها محل قطع غيار في التمانينات و كانت متوافره و كان متمسك بيها اوي لدرجه انه اشتري عربيه تانيه علشان ياخد منها قطع غيار لعربيته!!! و من حوالي 7 سنوات كنت راكب العربيه و ماشي و معدي من جنب ميكانيكي و لقيت واحده من اللي شوفته لقيت نفسي بضرب فرامل قويه و واقف في وسط الشارع و برجع بضهري زي السواق الغشيم!!! لقيت ايه بقي؟؟ و انا جاي من الضهر لمحت تحت العربيه ديفرانش شبه بتاع ال131 و ال 132 ذات العلبه المربعه المشهوره دا اللي وقفني و نزلت اتفرج علي العربيه و فوجئت من اللي معمول فيها الميكانيكي شال الموتور بتاع العربيه و جاب موتور 131 و فتيس 131 و عمود كردان و ديفرانس و ركبهم في العربيه !!!!ptmnlo123per1106 نزلت اتكلم معاه و بقي واقف فخور بنفسه اوي ان حد شاف الاختراع بتاعه لقيته قاصص من قواعد الموتور و من صاج العربيه و مدخل الفتيس حشر و معدل في عفشه العربيه الخلفيه تصور دا كله معمول في العربيه دي انا قولتله علي فكره العربيه دي كده خلاص نهايتها مش حتعيش شهرين علي بعضهم قالي ازاي يا بيه دا كل قطع غيارها دلوقتي موجوده و حتعيش قد عمرها.. المهم بعدها بفتره العربيه دي ماعدتش بتظهر خالص
__________________
حـازم خـضـر
|
|
#13
21-03-2010, 04:20 AM
|
||||
|
||||
|
رد: حد فاكر العربية دى
طبعا انت عارف كمان انا كنت برفعها من على الارض كان مدرس العربى والمحفوظات معاه واحدة زيرو كنت برفعها وانا فى سنة تانية اعدادى كانت وزنها تقريبا مفيش طبعا كنت برفعها من ورا بس كانت وسعة جدا من ورا وكان صوتها بالضبط كدة تكتكتكتك وتقطع وترجع تكمل
اتوقع ممنوع النوع الملوث دة يترخص فى العالم كله طبعا موتورها كويس جدا لطلبة هندسة ميكانيكا باور اللى عايزين يدرسوا محركات بشوطين صعب تلاقى منة فى حياتك بنزين كله بحرى وضخم على كل الاحوال تحياتى لمعرفتك انت موسوعة جديرة بالاحترام ودمت بود
|
|
#14
21-03-2010, 08:49 AM
|
|||
|
|||
|
رد: حد فاكر العربية دى
موضوع جميل ومميز .. تسلم
رمسيس كانت حلم ... بس قلب كابوس ... مش عارف ليه دايما عندنا الحل الاسهل هو الاختزال .. يعني عايزين نعمل عربيه رخيصه .. يبقى اول حاجه نفكر فيها خامات رخيصه و صناعه رديئه ... هي دي بس الحلول المتاحه فاكر زمان كان الشمعدان مغرق الاسواق ... و اذ فجاءه لقيته عامل استطلاع غريب جدا في الجرنال قالك ان الاسعار العالميه زادت و كان عايز الناس يختارو من 3 اقتراحات 1- يزود سعر المنتج 2- يصغر الحجم لنفس السعر 3- يقلل المواد المستخدمه او يستبدلها والأخيره دي مكنتش فاهمها خالص .. يعني حيشيل الشيكولاته و يحط ايه مثلا !! ... حيقلل السكر مثلا ... يكتر البسكوت على حساب الحشو المهم انا اخترت نمره 2 يصغرو الحجم والحمد لله ... صغرو الحجم و قللو الشيكولاته و بعد شويه كمان ... غلوها !!! معلش خرجت عن الموضوع ... بس دي من اكتر الحاجات اللي بتضايقني في بلدنا ... اننا بنضيع اي حاجه كويسه بمنتهى السهوله من ضمن العربيات الجديره بالذكر ... ترابنت ..وهي مش بعيده عن الرمسيس ... واضح ان مفهوم العربيات الشرقيه وقتها كانو واحد بس الفرق ان رمسيس كانت تصنيع محلي لكن ترابنت استيراد ... بس ملحقتش .. اول ما دخلت مصر ... انقرضت بسرعه يمكن كنت كتبت عنها في مشاركه سابقه ... بس مكانها هنا حيكون انسب و اتمنى تكون اضافه لموضوع Mr Lucky المميز ترابانت تعتبر اكبر بومبه للمستهلك المصري ...ptmnlo123per191 مع اعتبار ان بومبه دي اقل كلمه ممكن نوصف بيها اللي حصل للي اشتراها و سلقها و قشرها و زلطها حته حته حته ... او على بوق واحد زي جورج سيدهم لما زلط البيض في المتزوجون  ترابنت كانت تعتبر العربيه الوحيده لشعب المانيا الشرقيه قبل سقوط جدار برلين ... و كانو بيشتروها كده زي الدوا ... مر لكن مفيش غيره ... اللي عايز عربيه يحجزها و يستلمها بعد 10 - 15 شهر .... لاااااااا .... 10 - 15 سنه !!!!!! ولو مات ممكن اوي طلبه يورث لاولاده او احفاده علشان يضمن حقه .... وسعرها (15 الف مارك الماني شرقي )مقارنه بدخل المواطن الالماني الشرقي وقتها يجيب رولز رويس مقارنه بدخل المواطن البريطاني ptmnlo123per1124 علشان كده كانت قوائم الانتظار بتستمر ل 15 سنه ... لو قدر يحوش تمنها اساسا ... يعني كانت كمان عربيه الساده و الاعيان !! ptmnlo123per1115 تكنولوجيا متقدمه جدا لدرجه انها متغيرتش من الخمسينات لاول التسعينات محرك ملوث للبيئه اكتر من اعفنها موتوسيكل السرعه القصوى المفروض انها 120 بس محدش كان بيجري اكتر من 90 علشان بتبقى سرعه خطره جدا جدا وتسبب حوادث الموتور اعتقد كان 18 حصان ... بس تقريبا كانو من خيول الحرب العالميه التانيه ومعاهم وسام الاصابات القرمزي من الدرجه الاولى و التانيه و التالته ... زي درجات الحروق كده اتفرج يا سلام على فخامه زمان  المهم ... ما علينا من المانيا و خلينا في المحروسه .... تقريبا كده والله اعلم قبل سقوط جدار برلين و عوده المانيا الشرقيه الي الغربيه ... المواطن الالماني الشرقي عرف انه ممكن يركب عربيات نضيفه و قرروا يدفنوترابنتا تحت جدار برلين أو يرموها في صفيحه الزباله او يحولوها لصفيحه زباله مش حتفرق ptmnlo123per16 واحد حدق مفتح من حيتان التمانينات (الغلابه) شم الخبر واستخصر الترابنت في صفيحه الزباله و قرر يسففها للشعب المصري ....ptmnlo123per1102 بس كان عنده مشكله صغيره ....  ازاي يبقى المقلب المصري للمواطن المصري اكبر من الخازوق الالماني للمواطن الالماني ... بس كان الحل بسيط جدا جدا ptmnlo123per1126ptmnlo123 per136 استوردها ...... بس من غير قطع غيار ptmnlo123per121 ptmnlo123per163ptmnlo123p er163
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#15
21-03-2010, 09:18 AM
|
||||
|
||||
|
رد: حد فاكر العربية دى
sam ram شكرا لمدخلتك
سام رام المحترم انا فعلا شفت اب بيعلم ابنة السواقة عليها من قريب جدا وكانها زيرو والله بحالتهاالمهم كنت عايز اقولك ياريت لو تعرف حد عندة منه تقولى لانه دلوقتى بقت فى المانيا من التراث القديم وانقرضت وبقى الاغنياء بيدوروا عليها وممكن تجيب براحة فوق 20 الف دولار وسمعت الخبر دة اكتر من مرة وفى ناس كمان بيسقعوا فيها وفى ناس فقيرة اغتنت بها العربية دلوقتى بقت كنز ومفيش منها لان الغالبية العظمى اتكهن وممكن فى بحاله سيئة انا شفت واحدة زى ما قلت بحاله ممتازة اكتر من ممتازة والله لو شفتها مستعد اشتريها واعرضها للبيع مش اقل من 100000 مية الف جينة اصبحت ذات قيمة معنوية ورمز لحقبة تاريخية اكتر من قيمتها كسيارة يارب اعثر على صاحب العربية تانى ولك منى فائق الشكر والاحترام
|
 |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فية حاجة غريبة فى العربية عن 128 اتحدث | momen_bondok | منتدى الصيانة العام | 6 | 22-11-2014 03:55 PM |
