بعد 10 ساعات هشترى عربية طلب نصيحة مستعجلة

[mr_astra]

المشاركة الأصلية كتبت بواسطة linatrix عادى جداااا انها يطلب شهاده بيانات فى اى وقت و مخالفات كمان

لا مش عادى

[linatrix]

المشاركة الأصلية كتبت بواسطة mr_astra لا مش عادى

لا حضرتك عادى و انا عملت كده اكتر من مره فى اكتر من مرور و انا بشترى و انا ببيع

[Sameh Ragih]

للتوضيح... علشان تطلب شهادة بيانات لسيارة رخصتها سارية لازم يكون معاك التوكيل اللي يثبت إنك المالك الجديد للسيارة و بتطلب شهادة البيانات علشان تسجل و تنقل الملكية

[Karim Emad]

هاقولك
انت لازم تشتريها بتوكيل علشان تثبت انك مالك
بتروح الشهر العقارى وتنقل ملكيه السياره ليك بالتوكيلات ( بما فيهم توكيلك )
بتطلع على المرور تقدم الورق وبيطلبوا منك ملف اسمه ملف المطابقه بتجيبه من وحده المرور اللى رخصه العربيه الحاليه طالعه منه يعنى مثلا العربيه رخصتها مصر وانت فى اليكس لازم تجيب المطابقه من المرور اللى رخصه العربيه منه فى مصر
بعد المطابقه بتاخد ورقه من المرور وتنزل تحت لاى عامل بياخد البصمه من على العربيه
بعد كدا بتعمل فحص للعربيه وتاخد موافقه ظابط المرور
وبعدين بتطلع تسلم نمر العربيه القديمه وبتجيب شهاده تأمين على العربيه ودى سعرها بيكون حسب مده الرخصه اللى انت عايزها وتستلم الرخصه والنمر الجديده وبكدا الف مبروك عليه
تحياتى

[linatrix]

يا جدعان الموضوع بيتوقف على الموظف و مزاج جنابه للاسف ده الحال عندنا؛ و الله كنا بنرخص عربيه لواحد صحبى زيزو و فى واحد من المعرض صحبى ده حتى مكتبش اسمه على ورقه من الاساس ؛ الموظف لو ليه مزاج يعمل حاجه حيعمل