سؤال لمن أكرمه الله بتركيب فوانيس الشبوره

[lonedoctor]

المشاركة الأصلية كتبت بواسطة mahshahin نقلا عن العضو المحترم : lonedoctor الموضوع سهل جدا --الفيش موجودة وجاهزة على التوصيل وكمان فيه لمبة فى التابلوه بتنور لما تشغل نور الشبورة(ابسط يا سيدى) بتشيل الجزء البلاستيك بتاع حامل العملات ده مالوش لزمة وترميه فى الزبالة وتجيب مفتاح بتاع نور شبورة استيراد كورولا وتركبه يركب على المقاس بالظبط وفيه جنبه اللمبة اللى بتاعة الانذار دى هى سر شويبس فيها الاسلاك بتاعة نور الشبورة على فكرة بس عايزة كهربائى شاطر يفضل يلمس لغاية ما يوصل لهم ويركبهم على المفتاح ده انا الكهربائى بتاعى داخ السبع دوخات لغاية ما وصل للموضوع ده اوعلى تركب سلك بكتاوكت خارجى ابدا الدايرة موجودة اصلا خلى بالك تقبل تحياتى

انا اشتريت الفوانيس دى من على النت ب 40 دولار جودة عالية بس المبلغ ده نصه مصاريف شحن لانها كبيرة وتقيلة فى الوزن
حضرتك لما تروح تشتريها من محلات الاكسسوار هتبان معاك من جودة خامات البلاستيك وشكل اللمبات اذا كانت كويسة ولا لا وانا رايى اشتريها من برة التوكيل انا اعلرف صديق اتكسرت المراية بتاعته اشتراها من برة التوكيل ب 110 بس وفى التوكيل ب 180 وكمان صناعتها احسن لانها تايوان موش صينى
مفتاح التويوتا تجيبه مستعمل ب 20جنيه احسن ما تشترى واحد جديد صينى خلى بالك
تقبل تحياتى

[ابوجنى2112]

ياجماعة من فضلكم ..الفوانيس كتيرة فى السوق,بمختلف الآسعار , المهم حد يعرف واحد عندة ضمير نشترى

منه....

[peter magdy]

المشاركة الأصلية كتبت بواسطة ابوجنى2112 ياجماعة من فضلكم ..الفوانيس كتيرة فى السوق,بمختلف الآسعار , المهم حد يعرف واحد عندة ضمير نشترى منه....

فعلا كلام حضرتك سليم
و ممكن الواحد يتخم بسهولة جدا لان عندنا اساتذة تقليد
و انا فى صيانة الالف كان فى شاب مركبها و قالى فعلا ان السلك بتاعها موجود و اشتراها 120 جنية و مشغلها مع النور اللى بيشغل نور التبلوة
بس للاسف مكنتش مركز معاة قوى لانى مكنش فى بالى اركبها و قالى مطلعش برة الضمان و عادى