رد: لو كونت رئيس جمهوريه ايه برنامجك الانتخابى و الخطط لتطوير مصر
السلام عليكم
محسوبكم لو نويت اترشح للاستنخابات هاعمل اربع حاجات
واحد : قفل حنفية الانفاق الحكومي تماما فيما يخص الكورة والانتاج التلفزيوني والمأموريات لكبار المسئولين وكل المصاريف اللي بالطريقة دي وتوجيه نفس المبالغ الى الصحة مع وضع رقابه حديدية على العلاج والمستشفيات الحكومية
اتنين : استقدام خبراء اجانب على اعلى مستوى (مش للكورة ) للتعليم لعمل منظومة تعليم حكومي من الصفر مبني على مدرسين محترمين وهدف نهائي للمتعلم هوا عاوز يتعلم ايه والسوق عايزه ايه وكمان ادعم التعليم الخاص علشان يوسع من عدد الملتحقين بيه لانه افضل بمراحل من الحكومي مع تسريح نصف العاملين بالتعليم في مصر ( معاش مبكر وشكرا على اللي دمروه لحد كده ) وتعيين مكانهم اللي يختاروه الخبراء الاجانب
تلاته : ادارة البلد على الطريقة الامريكية كل محافظه ليها مواردها ومع نفسها وينتخبوا اللي يحكم محافظتهم والمحافظ المنتخب يتصرف في مشاكل محافظته هتلاقي السكان وزعوا نفسهم من تاني وبطلوا تكدس في القاهرة الكبرى وكل محافظه بقالها ميزه ومستوى معيشه محترم
اربعة: تغليظ العقوبات وضمان تنفيذها على الكل والكبير قبل الصغير مع الغاء كلمة معلش وتعليم الشعب انه اللي يغلط لابد يتجازى
بعد كده اللي عاوز شقه يبني لنفسه ما انا علمته اللي ينفعه واهتميت بصحته وضمنتله ان موارده مش ها تتبعزق على المحافظات التانية وضمنتله الامن والاستقرار يشتغل هوا بقى ويبني ولا يجيب عربية من عرقه وشقاه واللي عاوز حاجه يشتغل لحد ما يجيبها اللي عاوز يحكم يروح يعمل حزب ويصرف عليه انا مش هدعم احزاب واللي عاوز كوره يدفع تذاكر ماتشات او اشتراك في النادي بتاعه اللي عاوز مسلسلات يدفع اشتراكات في الوصلة
انا مش ملزوم باي حاجه الا بالاربعه دول الصحة والتعليم والادارة والامن والباقي عليكم
واحد يقولي والاكل اقوله اللي بيترمى من الاغنيا يكفي الفقرا اللي ف مصر عشر مرات هوا انا و الحكومه ها نمشي تحنن قلوبكم على بعض ؟
|
25-08-2011, 03:41 PM
