ارشيف احداث عام 2010

[b A d R]

عربيتك الفيات أحسن من الشوما و الأسبكترا .. دي عربيات فاشلة و لو كانت ناجحة في مصر كانوا كملوا إنتاجها ختي وقتنا هذا و لو كيا برايد نجحت كانوا كملوا إنتاجها برضه

[Ahmed Anwer]

معتقدشو الكليمي دوا صحح

بقولك الكيا سيراتو لي 120 الف
هتبه بي 60 ألف

أينا مبشوفوش قنة اوتمتو يا راجل

ببص مشمصدق

أنا محتاج دكتور تخاطب !!!!

[المناور]

المشاركة الأصلية كتبت بواسطة b A d R عربيتك الفيات أحسن من الشوما و الأسبكترا .. دي عربيات فاشلة و لو كانت ناجحة في مصر كانوا كملوا إنتاجها ختي وقتنا هذا و لو كيا برايد نجحت كانوا كملوا إنتاجها برضه

بص يا استاذ بدر أنا حاولت على قد ما اقدر اصححلك مفهومك وكلامك لأن فيه ظلم شديد لكن واضح انك مصمم على رأيك ومش عايز تسمع لغيرك وفى كل مرة بترمى تهم اكتر من الأول لا لشىء إلا لاثبات ان كيا دى تبقى كخة وبقية العربيات زى الفل وأنا اصلا مش من النوع اللى بيتعصب لعربيته ولا حتى تفرق معايا لانها اصلا مجرد عربية بتقضيلى مصالحى ماهياش من عيلتى وفى يوم ما بإذن الله حابيعها واجيب غيرها وبرضو حاتفضل مجرد منتج بيقضيلى مصالحى .

بالنسبة بقى لحجتك بان عامل نجاح العربية هو بقاء انتاجها لغاية دلوقتى ، لو مشينا كلامك ده على كل انواع العربيات يبقى مش حانلاقى إلا قليل كويس فى نظرك سواء بقى كورى ولا يابانى أو حتى اوربى وامريكانى .
ثم توقف انتاج العربية لا يعنى فشله لأن ممكن تنزل عربية جديدة على نفس اسس اللى قبلها مع بعض التطوير ويقرر اصحاب الماركة تغيير الاسم لسبب تجارى مثلا .
ومعلومة أخيرة لحضرتك الكيا برايد لازالت تصنع حتى الآن باسم سايبا وهى نفسها الكيا برايد إذن لو مشينا مقياسك بتاع الانتاج حتى الآن يبقى كيا من الشركات الناجحة !!

[sam ram]

المشاركة الأصلية كتبت بواسطة b A d R اللي معاه سيراتو يكلمني غير كدا مش هيفهم أنا أقصد إيه ..

طيب ليه بس كده يا احمد باشا .. يعني احنا زعلانك في حاجه و مخاصمنا و مش حتكلم الا صحاب السيرتو بس !!!

المشاركة الأصلية كتبت بواسطة b A d R كيا سيراتو أسوء سيارة في 2010 .. رغم حجم بيعها الضخم .. كل اللي إشتراها اجمع علي عدم ثباتها و علي عفشتها المزعجة .. و سمعت من أكثر من مصدر موثوق إن شركة كيا أدخلت لمصر 35 ألف سيارة سيراتو مقلوبين من الخليج .. و عندما تم بيعهم إكتشف أشخاص أن سيارته رشا دواخل فذهب للتوكيل و كانت الصدمة رفض التوكيل التعامل مع السيارة بحجة أنها إنقلبت منه و هو رش دواخلها و كمان شركة كيا مكنش ليها إسم من 10 سنين و كانت كل سياراتها في السوق سيارات فاشلة و ليس لها قيمة في السوق المصري .. و هي شركة ليست صاحبة إسم أو عراقة ولا يمكننا الوثوق بها

طيب مين اللي قال انها اسواء عربيه في 2010 !!
على كده كل اللي اعرفهم او قريت لهم او سمعت منهم وشكروا فيها طلعوا بيضحكوا عليا

وموضوع ال 35 الف عربيه ده مش واسع شويه ... يعني هما في الخليج اشتروا كام عربيه علشان يقلبو منهم كام الف و يختارو منهم 35 الف عربيه يشحنوهم لمصر
وعرفو منين انهم 35 الف عربيه و صحابهم ساكتين ..وجهاز حمايه المستهلك مسمعش بيهم خبر وسايب التوكيل
لو فكرت شويه كده حتلاقيها اشاعه مش اكتر

كيا فعلا ملهاش تاريخ عريق زي شركات اوربيه او يابانيه لكن تواجدها في مصر بقاله اكتر من 10 سنين .. واكتر عربيه حققت شهره لمصر هي البرايد على ايدين وليد توفيق سنه 97 .. يعني اكتر من 13 سنه

المشاركة الأصلية كتبت بواسطة b A d R عربيتك الفيات أحسن من الشوما و الأسبكترا .. دي عربيات فاشلة و لو كانت ناجحة في مصر كانوا كملوا إنتاجها ختي وقتنا هذا و لو كيا برايد نجحت كانوا كملوا إنتاجها برضه

هي دي بقى الحته اللي عايز اتكلم معاك فيها ...
مش معنى ان عربيه وقف انتاجها او نزل مكانها عربيه جديده انها سيئه او فاشله
الاوكتافيا مش مقياس يا باشا .. وربنا يبارك لك فيها
يعني البورا طلعت عربيه فاشله فوقفوا انتاجها و عملو الجيتا مكانها ... و دلوقتي الجيتا فشلت فحينزلو منها موديل جديد السنه الجايه
ومين قال ان البرايد مش مستمر انتاجها لحد النهارده
طيب ايه رأيك ان فورد كانت بتمتلك كيا جزئيا في التمانينات .. وبرضو كانت ليها حصه محترمه في مازدا
وسنه 1986 فورد عملت عربيه اسمها فستيفا من فورد -

ونفس العربيه 121 من مازدا


طبعا عرفت العربيه التالته ايه ... ايوه برايد من كيا ومش محتاجين ننزل صورتها لانها نسخه من الصورتين اللي فوق
البرايد فضلت تتصنع في كوريا لحد 2000 وفي نفس السنه ابتدت تتجمع في مصر و انتقلت لايران وحاليا متواجده بالاسم سايبا برايد

فالعربيه الفاشله دي بقالها 25 سنه لسه بتتصنع في حين ان الاوكتافيا بقالها 15 سنه بس
فهل معنى كده ان البرايد احسن او انجح من الاوكتافيا ... طبعا لا

المشاركة الأصلية كتبت بواسطة b A d R إنتا راجل بتفهم العربية دي أجمل شكل عربية في 2010 .. لكن شكل و بس مفهاش أي شيء ممتع .. زيها زي الأفيو أو اللانوس أو الفيرنا .. حرام تتقارن حتي بالألنترا أو اللانسر

طيب انا مش شايف انها اجمل شكل في 2010 .. وان الكروز احلا منها

علشان بس متفتكرش اني داخل ادافع عن كيا وخلاص .. و لا حتى عندي عربيه كيا
لكن حرام نقارنها بالالنترا ليه
اذا كانت هيونداي تمتلك كيا
و موتور الالنترا هو موتور السيراتو
واغلب مكونات و قطع غيار الهيونداي هي هي للكيا
يمكن الفرق الواضح بينهم ان عفشه السيراتو الخلفيه تختلف عن الالنترا انها Torsion Beam وهي تعتبر ابسط واقدم واقل راحه لكن نفس النظام بتستخدمه الكورولا و البرافو وحتى الجيتا 2011 حتستخدمه لموديلات امريكا بعد ما كانت multi link في الموديلات اللي قبلها

فليه حرام نقارن السيراتو بالالنترا !!
بالعكس دا احنا لازم نقارنها بالالنترا
ممكن تطلع الالنترا احسن في الاخر .. لكن مش معنى كده ان السيراتو طلعت فاشله
وبرضو مينفعش نقارنها بالافيو و الفيرنا و الانوس لانهم فئه مختلفه

السيراتو نفس فئه الالنترا والكورولا و السيفيك و الجيتا و الاوكتافيا و حتى الجولف !!
لكن كله بتمنه وكله وليه مواصفاته وظروفه فصعب اقارن بينها وبين عربيه اغلا منها ب 50 - 60 الف !!

وبرضو مش معنى انهم نفس الفئه او انها مثلا حلوه او مليانه مواصفات او اوبشنز موجوده في عربيات اغلا منها انها مضروبه او سكه
كل حاجه بتمنها ...لكن ده مش معناه ان الارخص يبقى فاشل
بالطريقه دي الجيتا تطلع الكورولا و السيفيك فاشلين والكورولا تطلع اللينيا ملهاش لازمه
والجولف في البرافو .. و هلم جرى

روق يا باشا ... ده كله صفيح .. او فايبر .. او بلاستك .. مش فارقه .. المهم النفس

[محمد عبد النور]

ههههههههههههههههههههههههه ههههههههههههههههههههههههه هههههههههه

اسعار عالمية كمان