رابطة ملاك ومحبى السفينه فيات 132

[أيمن الروبي]

المشاركة الأصلية كتبت بواسطة mostafa3tef والله يبنى فعلا دى كانت اول مرة اعرف ان اسمة طبلة المهم الصب ووفر من غير صندوق زى السرينة من غير بووق تصدق حلوه لاء بجد الزنة انواع فيه زنة لما تعلى الصوت وفيه زنة لما تعلى البيز بس وفيه زنة بتسمع فيها صوت الموتور ودوسة البنزين وكل واحدة فيهم ليها سبب مختلف عن التانى وعلى فكرة السلك النحاس اقوى بس مش اى نوع (( شعر 1 او 2 ميللى )) وياسلام لو من السويدى وفيه نوع تانى عند الكهربائية برضوه كويس والمهم برضه (( الشيلد )) اللى حوالية عشان يستحمل السخونة والفرك والشغل ده وفيه حاجات جاهزة اللى بتيجى من السماعات والتجار بيقلبوها من السماعات الاوريجنال وموضوع توصيل السالب بالسالب والموجب بالموجب ده ضرورى طبعا والا الصوت هيبقى بطيخ يعنى لما تشغل السماعه اليمين بس هيبقى تمام ولو شغلت الشمال بس هتبقى تمام انما لو السماعتين اشتغلوا مع بعض الصوت هيبوظ ومش هتسمع بيز والموضوع ده اسمة (( السماعه قالبه فييز )) وان شاء الله لما ابقى رايق هعمل موضوع مفصل عن السماعات وكل ما يخص الصوتيات ولحد ما اكتبه اللى يعوز اى حاجة يكلمنى وان شاء الله اشرحلة كل اللى يعوزه بالتفصيل

عامل ايه يا درش ربنا يكملك بعقلك طبعا ادي العيش لخبازه وطبعا مشكور اتش ومحمد القاضي لاعدم بخلهم بمعلومات عن السماعات بس انت كده يا معلم دبست نفسك في حوار السماعات بتاعتي ربنا يكرمني بفلوس واجيلك علطول تظبطلي الدنيا
ل اتش والقاضي ومصطفي لاهتمامهم بالموضوع

[أيمن الروبي]

المشاركة الأصلية كتبت بواسطة ِAhmed Gamal السلام عليكم يا اجدع رابطة في اجدع منتدى ربنا يخليكوا لل 132 والله انا كنت لسا جديد نوفي في موضوع العربيات ده و كنت بدور عل عربية ابدأ بيها و متتعبش دماغي زي ال 128 ... و من كتر كلامكوا على 132 حبيتها من قبل ما اشوفها ... بس لما جيت اسأل اقلولي متشتريهاش عشان الكرونا و قطع الغيار و استهلاك البنزين و اقلولي كمان ال128 احسن .... فا انا اقولت اخود رأيكوا في الموضوع ... و استفيد من خبراتكوا ... لسا ال132 بجابروتها ولا ايه ؟؟

اولا ال 132 لسه بجبروتها ومفيش بينها وبين ال 128 مقارنه اساسا والموتور لو مظبوط استهلاكها عادي يعني الصفيحه 180 كيلو في الزحمه و220 في السريع
توكل علي الله بس هات حاجه نضيفه لا يقل تمنها عن 18000 ج

[أيمن الروبي]

المشاركة الأصلية كتبت بواسطة shoman011 مساء الفل على احلى رابطة واجدع اعضاء فيها وتحية خاصة لــــ اتش - والقاضى - ومصطفى - وايمن - ومستر ادمايرز اولا انا كنت متابع الرابطة اول بأول بس مكنتش بقعد كتير وده بسبب بداية الدراسة ودى اخر سنه ادعولى بقى المهم العربية عندى مركونة من حوالى شهر ونص لانها كانت عايزة تتفحص وتتجدد الرخصة ومصطفى ربنا يخليه اتصل بى وقالى على الحوار ده وفهمنى النظام بس المشكلة انى مكنش معايا فلوس كفاية . والحمد لله ربنا كرمنى اليومين دول بمبلغ 2200ج بس لاقيت العربية عاوزة شوية شغل فيها ومش عارف اذا كان المبلغ ده هيقضى الشغل الى فيها ولا لا والشغل الى عايزاه العربية هو كالاتى:- اولا تجديد الرخصة وفحص السيارة 2- شغل سمكرة ودوكو علشان البارومة الى فيها ( عموما هى شكلها مقبول بس فى حبه بارومة فى الابواب من الداخل) 3- شكمان كامل بالمشترك ( علشان الشكمان الى فيها منتهى من زمان ) 4- بوجيهات وابلاتين وكوندنسر ( علشان العربية سحبها قل اوى الايام دى) 5- تيش عجل امامى ( وده علشان التيش اتكسر منى من حوالى شهرين ولحمته لحام ) 6- مساحات لزجاج الامامى ( لان المساحات القديمة متكسرة ومش هينفع تركب تانى ) 7- غيار زيت وفلتر ( علشان العربية كانت مركونة والزيت انا حسيته خف شوية) المهم انا كنت عايز اعرف ايه المفروض اعملة بالترتيب والاهمية يعنى ابتدى باى حاجة الاول كنت عايز اعرف المبلغ الى معايا هينفع اعمل بيه الحاجات دى ولا مش هيقضى وكنت عايز اعرف اسعار الحاجات دى ياريت تنجدونى لانى عايز اخلص من الحوار ده لانى انا معايا 3 ايام بس والمفروض اخلص فيهم كل حاجة معلش انا طولت عليكم والف شكر ليكم ولتعبكم معايا

اولا ربنا يعينك علي مصاريف العربيه بس افضل حل من وجهة نظري دلوقتي
انك تفحص العربيه وترخصها الاول علشان هتكلفك شويه يعني ضريبة ال 3 سنين حوالي 850 جنيه وطفايه ومثلث 120 جنيه ملف فحص 3سنين 50 جنيه رشاوي 70 جنيه تأمين حوالي 170 جنيه ادي 1200 جنيه اتفرتكو وبعد كده اللي يفيض ظبط بيهم عفشه واعنل سرفيس للموتور
ولما يجيلك فلوس تاني خليهم للبويه والسمكره ومتشلش همهم انا اعملهالك بويه وسمكره وفلوسها وصلت

[اشرف التهامى]

والله يا ايمن انا حبيتك من غير ما اشوفك لانك بترد على كل حاجه كان عندى اسئله كتير ومنها عاوز اغير الرفارف الاماميه والستاره وعاوز اعرف اسعارهم وعندى الموتور فيه صوت نحره دى طرمبه ميه ولا كامه ولا ايه والموتور حريقه جميل جدا لانى فكيت البوجيه الرابع ولقيت حريقه حلو بس العربيه بتاكل بنزين فشغلتها غاز للتوفير قليلا فما السبب فى اكل البنزين وشكرا

[mOuStaFa_ERTU]

المشاركة الأصلية كتبت بواسطة shoman011 مساء الفل على احلى رابطة واجدع اعضاء فيها وتحية خاصة لــــ اتش - والقاضى - ومصطفى - وايمن - ومستر ادمايرز اولا انا كنت متابع الرابطة اول بأول بس مكنتش بقعد كتير وده بسبب بداية الدراسة ودى اخر سنه ادعولى بقى المهم العربية عندى مركونة من حوالى شهر ونص لانها كانت عايزة تتفحص وتتجدد الرخصة ومصطفى ربنا يخليه اتصل بى وقالى على الحوار ده وفهمنى النظام بس المشكلة انى مكنش معايا فلوس كفاية . والحمد لله ربنا كرمنى اليومين دول بمبلغ 2200ج بس لاقيت العربية عاوزة شوية شغل فيها ومش عارف اذا كان المبلغ ده هيقضى الشغل الى فيها ولا لا والشغل الى عايزاه العربية هو كالاتى:- اولا تجديد الرخصة وفحص السيارة 2- شغل سمكرة ودوكو علشان البارومة الى فيها ( عموما هى شكلها مقبول بس فى حبه بارومة فى الابواب من الداخل) 3- شكمان كامل بالمشترك ( علشان الشكمان الى فيها منتهى من زمان ) 4- بوجيهات وابلاتين وكوندنسر ( علشان العربية سحبها قل اوى الايام دى) 5- تيش عجل امامى ( وده علشان التيش اتكسر منى من حوالى شهرين ولحمته لحام ) 6- مساحات لزجاج الامامى ( لان المساحات القديمة متكسرة ومش هينفع تركب تانى ) 7- غيار زيت وفلتر ( علشان العربية كانت مركونة والزيت انا حسيته خف شوية) المهم انا كنت عايز اعرف ايه المفروض اعملة بالترتيب والاهمية يعنى ابتدى باى حاجة الاول كنت عايز اعرف المبلغ الى معايا هينفع اعمل بيه الحاجات دى ولا مش هيقضى وكنت عايز اعرف اسعار الحاجات دى ياريت تنجدونى لانى عايز اخلص من الحوار ده لانى انا معايا 3 ايام بس والمفروض اخلص فيهم كل حاجة معلش انا طولت عليكم والف شكر ليكم ولتعبكم معايا

ايمن جابلك المفيد بس انت ممكن توفر حبة فلوس وهترخص سنه واحدة بس مؤقتا
275 ضريبة للسنة الواحدة
125 تأمين للسنة الواحدة
15 جنية ملف فحص
120 طفاية
قول بتاع 25 جنية كمان لزوم التصوير والذى منه
150 تأمين لوحات ده لو انت مرور تانى غير مرور العربية الاصلى
كده كله 710 قول 750 بالكتير وهيتبقالك 1500ج
تعمل الموتور وتغير الشكمان وتعمل المساحات وهيفضلك حوالى 900ج ده على اقل تقدير وممكن يفيض اكتر بس قول 900ج
اعمل بيهم العفشة

المشاركة الأصلية كتبت بواسطة ِAhmed Gamal السلام عليكم يا اجدع رابطة في اجدع منتدى ربنا يخليكوا لل 132 والله انا كنت لسا جديد نوفي في موضوع العربيات ده و كنت بدور عل عربية ابدأ بيها و متتعبش دماغي زي ال 128 ... و من كتر كلامكوا على 132 حبيتها من قبل ما اشوفها ... بس لما جيت اسأل اقلولي متشتريهاش عشان الكرونا و قطع الغيار و استهلاك البنزين و اقلولي كمان ال128 احسن .... فا انا اقولت اخود رأيكوا في الموضوع ... و استفيد من خبراتكوا ... لسا ال132 بجابروتها ولا ايه ؟؟

ايمن برده جابلك المفيد ومع احترامى الشديد لل 128 هى دى عربية ؟؟

المشاركة الأصلية كتبت بواسطة أيمن الروبي عامل ايه يا درش ربنا يكملك بعقلك طبعا ادي العيش لخبازه وطبعا مشكور اتش ومحمد القاضي لاعدم بخلهم بمعلومات عن السماعات بس انت كده يا معلم دبست نفسك في حوار السماعات بتاعتي ربنا يكرمني بفلوس واجيلك علطول تظبطلي الدنيا ل اتش والقاضي ومصطفي لاهتمامهم بالموضوع

اتدبست ؟؟؟ على اساس انى برشام فى ورقة اجابة ؟؟
دبسنى دبس ولا يهمنى انوى انت بس ومتعتلش هم شيئ هخليهالك تويوتا قبل ما الحصة التامنة ما تخلص

المشاركة الأصلية كتبت بواسطة اشرف التهامى والله يا ايمن انا حبيتك من غير ما اشوفك لانك بترد على كل حاجه كان عندى اسئله كتير ومنها عاوز اغير الرفارف الاماميه والستاره وعاوز اعرف اسعارهم وعندى الموتور فيه صوت نحره دى طرمبه ميه ولا كامه ولا ايه والموتور حريقه جميل جدا لانى فكيت البوجيه الرابع ولقيت حريقه حلو بس العربيه بتاكل بنزين فشغلتها غاز للتوفير قليلا فما السبب فى اكل البنزين وشكرا

ولسه لما تشوفه هتحبة اكتر وممكن تنورنا يوم السبت القادم ونبصلك عليها ونعمل معاك الواجب ومتقلقش