|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
| مشاهدة نتائج الإستطلاع: هل لو زوجتك او اختك او بنتك اخبرتك برغبتها فى النزول للمظاهرات الآن ما هو ردك و لماذا | |||
| نعم اوافقها على النزول |
   
|
5 | 9.26% |
| لا لن اوافقها و امنعها من النزول |
  
|
49 | 90.74% |
| المصوتون: 54. أنت لم تصوت في هذا الإستطلاع | |||
 |
|
|
أدوات الموضوع |
|
#111
22-12-2011, 07:13 AM
|
||||
|
||||
رد: لو زوجتك او اختك او بنتك طلبت الخروج فى مظاهرات اليومين دول
طيب ما حضرتك ليه متبلغش عن الحاجات ديه ومباحث الاداب تشوف شغلها بدل الجيش ما هو نازل يستعرض عضلاتة على الحريم فى الشارع 
|
|
#112
22-12-2011, 08:51 AM
|
|||
|
|||
رد: لو زوجتك او اختك او بنتك طلبت الخروج فى مظاهرات اليومين دول
الله عليك يا استاذ محمد كلام 10/10 كنت فين من بدري وسايبني لوحدي
|
|
#113
22-12-2011, 10:59 AM
|
||||
|
||||
رد: لو زوجتك او اختك او بنتك طلبت الخروج فى مظاهرات اليومين دول
اهو حبيبك جالك يا عم - انا متفق مع محمد تماما معنديش شك 1% ان كل الناس بتحب بلادها بطريقة متساوية وكل واحد ليه طريقتة في حبها ومش لازم الطريقة هي اللي تفرقنا بس فيه حاجات صعب يتسكت عليها - لما اهلك واخواتك يتهانوا ويضربوا لازم عقلك يشت وتتجنن كمان ليه كل شوية بيصلونا لكده؟؟؟؟؟؟؟؟ انا بجد مش فاهم شوفوا الفيديو دا دا اللي في دماغي والله ودا اللي بيحرقني كل ثانية من جوايا
__________________
فى كل شارع فى بلادى صوت الحريه بينادى     Ashraf Kerima
|
|
#114
22-12-2011, 11:55 AM
|
|||
|
|||
|
رد: لو زوجتك او اختك او بنتك طلبت الخروج فى مظاهرات اليومين دول
السلام عليكم ..
اولا انا اسف يا باشمهندسة على ردي متأخر في موضوعك الجميل ده بس فعلا سامحيني لانشغالي .. و ثانيا اسمحييلي اشكرك على الموضوع الجميل ده لأنه اثار نقطة مهمة جدا احنا كلنا موش واخدين بالنا منها .. و هي انه في بنات عائلات محترمات جدا جدا جدا دمهم بيغلي زي ناس كتير اوي في البلد ( ما هم بني ادميين برده و شخصيات حرة و مستقلة ) و عايزين ينزلوا و يشاركوا و يبقى ليهم دور ( ما البنات برده مظلومين في البلد دي و يمكن اكتر من الرجالة ) و اهاليهم بيمنعوهم لعدة اسباب و اولها طبعا الخوف عليهم .. و ضميرهم الثوري بينقح عليهم و هيموتوا و ينزلوا - و انا لا اتحدث عن الاحداث دي و انما بتكلم على احداث يناير و محمد محمود و المليونيات و فكرة النزول عامة يعني - ..... و اكبر مثال على كده الدكاترة البنات و الستات اللي كانوا في المستشفى الميداني و المتطوعات اللي كانوا بيساعدوا هناك .. و اسمحيلي اجاوب على سؤالك .. لو مراتك - او اي بنت تعرفها - سألتك ممكن انزل و لأ هتوافق .. و الاجابة لأ طبعا .. انا مع الثورة قلبا و قالبا .. و نزلت - كطبيب - في احداث يناير.. و احداث محمد محمود .. و حاسس اني هنزل الايام اللي جاية دي كتير .. بس انا لن اسمح بنزول اي بنت او ست تبعي .. و السبب بسيط جدا يا باشمهندسة .. المظاهرات موش لعبة .. و اللي بينزل ممكن و بكل سهولة ميرجعش .. انا قبل يوم 28 يناير لا كان ليا لا في الثورة و لا في السياسة .. انا راجل بشتغل 16 ساعة يوميا .. و بذاكر.. و ورايا بيت و موش فاضي اشوف نفسي و انا مالي .. و نزلت يوم 28 كنت رايح اتفرج بس ايه اللي بيحصل من باب الفضول .. و اساعد في المستشفى الميداني من باب اداء الواجب الانساني .. و علشان لما بنتي سلمى تسألني انت كنت فين يا بابا ايام الثورة اقولها كنت بعالج الثوار في المستشفى يا حبيبتي .. كنت رايح الصراحة افن فن و اقضي الداي من الاخر .. و يومها .. معرفتش اهرج .. معرفتش اقضي اليوم .. معرفتش حتى اشتغل دكتور و اعالج الثوار .. كل اللى كان همي اعرف اعمله .. اني اعيش و اروح بيتي سليم .. يومها .. كفنت 4 شباب زي الفل .. و سندت شباب هيمشوا يعرجوا طول عمرهم .. و غطيت عيون موش هتشوف تاني .. و غطيت وشوش اتكتب عليها تعيش مشوهة بقية عمرها .. يومها كرهت نفسي .. و كرهت النظام .. و عرفت اد ايه احنا لا لينا عنده تمن و لا دية .. و كرهت - و سامحيني و اسمحيلي اكرر كلمة ابو نورا - البهايم و ازود من عندي كمان الحيوانات اللي قاعدين باشوات في مكاتبهم و علشان يفضلوا قاعدين في كراسيهم يوقعوا الشرطة في الشعب في الجيش بمخططات قذرة و دنيئة .. و فقت و صحيت .. و عرفت انه الشباب اللي دمهم راح دول موش احسن مني في حاجة .. و اني لو فضلت ساكت .. ممكن انا اروح و محدش هيفرق معاه حاجة .. المهم ارجع لسؤالك .. انا موش هاوافق لانه النزول موش سهل .. انت ممكن تنزل علشان تظاهر عادي و ترجع بعاهة او مشلول او اعمى او مترجعش نهائي اصلا .. الجهاد فرض على الرجالة .. و الحرب شغلانة الرجالة .. و المظاهرات في مصر شغلانة رجالة .. النزول موش سهل .. بغض النظر عن سبب النزول .. لو انت وحيد ابوك و امك و هما ناس كبار و محتاجين رعاية ..من فضلك متنزلش .. لو انت مفيش حد هياخد باله من مراتك لو بقت ارملة .. من فضللك متنزلش .. لو انتي ست او بنت .. من فضللك متنزليش .. موش علشان صح او غلط انك تنزلي .. علشان حكامنا يا سيدتي .. لا يراعوا حرمة بنات و لا انسانية و مستعدين يموتونا كلنا بس المهم يفضلوا هم في التمام .. و الف شكر يا باشمهندسة على موضوعك الجميل .. 
__________________
Dr.wael el7yran
|
|
#115
22-12-2011, 12:26 PM
|
||||
|
||||
|
رد: لو زوجتك او اختك او بنتك طلبت الخروج فى مظاهرات اليومين دول
منذ أكثر من ساعة و انا أحاول أن أكتب رداً على كل ما سبق .... فمن كلمات تدعو الى العقلانية الى كلمات تدعو الى التهور و الطيش .... و من كلمات مسالمة خانعة الى كلمات ثائرة متأججة ..... و تناثرت الكلمات و معها الإتهامات .... و اصبحت السمة الأساسية هى نعت الأخر بالخيانة و الخنوع .... فمتى نستفيق و نحكم العقول .
بداية أقول لنفسى إتقى الله و راقب الله فى قولك و لا تجعل من ذلك فتنة لدينك و أقول لمن يطالب بنزول النساء الى المظاهرات و الإعتصامات يا أخى إن زمن المعتصم بالله قد ولى... فما من معتصمااااه ... فما من معتصمااااه ... فما من معتصماااه . من للنساء إذا كشفت عوراتهم ... من للنساء إذا وجدن أنفسهم فى مقدمة الصفوف و واجهوا من لا يتق الله فيهم .. من للنساء إذا لم يجدن من يغيثهم . يا سيدى من أغاث هذه الفتاة ... من قام بسترها ... من قام بالقصاص لها ممن هتك سترها ... الجميع يا سيدى كانوا مشغولين بتصوير الحدث و بعد ذلك بنشره على جميع القنوات ثم انشغل الناس فى التعليق على ملابسها ثم بدأت الكلمات تنطلق بالإتهامات و أصبح الشغل الشاغل للجميع الإنتصار لرأيه و كأنهم يعلنون للناس جميعا أننا كرجال ... ماتت فينا الكرامة ... ماتت فينا النخوة ... تجردنا من الرجولة ... و لكن ما الجديد فى ذلك فمنذ متى و نسائنا تهان و تغتصب فى شتى أنحاء الأرض و ما من معتصماااه منذ متى و نسائنا فى غزة تغتصب و تقتل فى الشيشان ..... فى أفغانستان ..... فى العراق ...... هل نسيت يا أخى نسائنا فى البوسنة ....... فيا أمى إلزمى دارك و يا إبنتى إلزمى دارك و يا أختى إلزمى دارك يا كل إمرأة إلزمى دارك فما من معتصمااااااه
__________________
(( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا {10} يُرْسِلِ السَّمَاء عَلَيْكُم مِّدْرَارًا{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا {12} )) « سَيِّدُ الاسْتِغْفَارِ » عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : « سَيِّدُ الاسْتِغْفَارِ أَنْ يَقُولَ العَبْدُ : اللَّهُمَّ أَنْتَ رَبِي لا إِلهَ إِلَّا أَنْتَ ، خَلَقْتَنِي وَأَنَا عَبْدُكَ ، وَأَنَا عَلى عَهْدِكَ وَوَعْدِكَ مَا اسْتَطَعْتُ ، أَعُوذُ بِكَ مِنْ شَرِ مَا صَنَعْتُ ، أَبْوءُ لَكَ بِنِعْمَتِكَ عَلَيَّ ، وَأَبُوءُ بَذَنْبِي ، فَاغْفِرْ لِي ، فَإِنَّهُ لا يَغْفِرُ الذُّنُوبَ إِلَّا أَنْتَ » مَنْ قَالَهَا في النَّهَارِ مُوقِنَاً بِهَا فَمَاتَ مِنْ يَومِهِ قَبْلَ أَنْ يُمْسِي فَهُوَ مِنْ أَهْلِ الْجَنَّةِ ، وَمَنْ قَالَهَا مِنَ اللَّيْلِ وَهُوَ مُوقِنٌ بِهَا فَمَاتَ قَبْلَ أَنْ يُصْبِحَ فَهُوَ مِنْ أَهْلِ الْجَنَّةِ » . أخرجه البخاري
|
|
| أدوات الموضوع | |
|
|
