ارشيف الاستراحة 2011

[mf]

حسام وابراهيم ؟؟؟

[mf]

ياجماعه كل واحد كان له اسم دلع وهو صغير ماعدا انا مش عااارف ليه ..

دايما ولحد دلوقتي بينادوني باسم جدي الكبير "فاضل" او ابو فاضل ...

طيب ياجماعه وانا مالي ومااال جدي الكبير هو ده اسم تقولوه لطفل صغير .... طيب كنتو حسسوني بطفولتي وقولولي ميدو او مودي او حماده او حتي مرمر مش مشكله اي حاجه اي حاجه ....

واللي يغيظك اكتر واكتر بقي في الكلية الحربيه مبينادوش حد باسمه لازم ينادوه باسم مميز في اسمه منعا للتكرار فملاقوش الا "فااااااااضل" و"ابوفاضل" يالهوووووووووووووي....

دا الاسم ده كدا هيفضل معايا لحد اخر العمر ...

ياجماعه الاسم ده بيحسسني اني معشتش طفولتي .......

[طارق ابوذيد]

يا دكتور تامر حل لنا الفظوره وقل لنا من هو الاحمق ومن هو الشخص المرافق للاحمق ؟

[طارق ابوذيد]

يا دكتور تامر حل لنا الفزوره وقل لنا من هو الاحمق ومن هو الشخص المرافق للاحمق ؟

[dr tamer naguib]

المشاركة الأصلية كتبت بواسطة د.هبه77 في قاعدة عقدية اي من العقيدة في الاسلام اسمها الولاء والبراء الولاء والبراء ركن من أركان العقيدة، وشرط من شروط الإيمان، تغافل عنه كثيرا من النّاس وأهمله البعض فاختلطت الأمور وكثر المفرطون. تعريف الولاء: هو حب الله ورسوله والصحابة المؤمنين الموحدين ونصرتهم. تعريف البراء: هو بغض من خالف الله ورسوله والصحابة والمؤمنين الموحدين والولاء والبراء يتضمن بنود كثيرة ولكن ما يعنينا هنا هو : {وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ} [هود:113] قال ابن كثير : ” أي لا ترضوا بأعمالهم، ولا تميلوا إليهم، ولا تستعينوا بهم، فتكونوا كأنّكم قد رضيتم بأعمالهم “. وبعدين احنا قلنا هنقاطعهم اقتصاديا فقط لكن مقلناش ان احنا هنعمل ونسوي ربنا يرحمنا من الفتن ويهدينا للخير باذنه امين

تعرفي حضرتك - نفس طريقة الردود دي هي اللي خلت الواحد يحرم يعلق علي اي حاجة ذات طابع ديني او سياسي
عارفه ليه : لان لازم الموضوع ينتهي بفتوي - وهوب - لو انت مش معانا في الكلام -يبقي انت خرجت من الملة يا باشا - وهاتندم اشد الندم علي ارائك المارقة يا فاسق

معلش يعني - انا هاسأل شوية اسئلة - ومش عايز اجابه - بس هي طريقة لتوفير الوقت علشان ماكتبش 3 صفحات - وبالمناسبة مش هاتكلم في الدين لان مش شايف ان في اي علاقة بين الموضوع والاجتهادات الفقهية
1- هوا القواعد اللي حضرتك قولتيها - مايعرفهاش الامام الاكبر للمسلمين السنه شيخ الازهر لما قابل ساويرس و ساويرس قبل يده -
ولو ده انسان حاقد وكاره الخ الخ
الم يكن شيخ الازهر - امامنا الاكبر - اولي ان يحذرنا و يحدثنا عن الولاء والبراء

2- تعميم الكلام - والخلط بين (المؤمنين والصحابة والتابعين) - و(المسلمين)
هو في الواقع تعميم مضلل
يعني بالبلدي كده - فيه مسيحيين انا ائتمنهم علي حياتي
وفيه اخواتنا من المسلمين - رزعوا دماغ خالد سعيد في رخام السلم حتي الموت
ومنهم كانوا قناصة في التحرير
ومنهم كانوا بيعلقوا الناس في السقف زي الدبايح

فمعلش يعني - الكلام اللي علي الصحابه والتابعين - مش علي الناس بتاعة دلوقتي اللي - بلاش احدد نسبة مئوية - لحسن نزعل من بعض- حدث ولا حرج
نصب وكدب ونفاق وشهادة زور واكل اموال الناس بالباطل الخ الخ

3- 10 سنين مع الراجل ده تثبت هو مين
لو كان حاقد او كاره او او - كان اكيد ظهر- كان اقل شئ ماكانش اكتر من 80% من موظفين شركاته مسلمين - وبلاش والنبي الرد الجاهز من نوعية
- مايقدرش لانها سياسة دوله, لا ياسيدي يقدر بحكم حجم امواله وعائلته
- مايقدرش علشان مش هيلاقي كفاأت - هاقول لحضرتك قديمه - ماكل شركات السلف والاخوان ماشيه بيهم بس - وبرضه عشان ماحدش يزعل - شركة فريش للاجهزة الكهربائية مافيهاش ولا مسلم في اي فرع او موقع عمل في الشركه بالكامل

4 - ليه الكلام اتحول من نقاطعه - ل نقاطعهم ؟؟
مش دي كراهية الاخر اللي ما بتصدق تعبر عن نفسها في اي وقت وباي حجه
افترضي انه غلط (لوحده) - يبقي نقاطعهم !!!!!!!!!

من الاخر اسهل شئ - ان نتحمس و ننفعل - ونكره
بس الاصعب ان نتروي و نفكر ونسامح ونعذر
واللي اعرفه ان رفعة شان الدين في سمو اخلاق افراده وليس بقوة سلاحهم او تعصبهم
والله علي ما اقول شهيد